ފީއަލީގެ ފެނަކައިގެ މުވައްޒަފަކު އައިޑީކާޑު ދިނުމަށް ދެކޮޅު ހެދުމުން ވަޒީފާއިން ކަނޑާލާނެ ކަމުގެ އިންޒާރު ދީފި
ވަޒީފާއިން ކަނޑާލާނެ ކަމުގެ އިންޒާރު ދިން މުވައްޒަފު ވަނީ ހުކުރު ދުވަހު ކުރިއަށް ގެންދިޔަ އެމްޑިޕީގެ ކެންޕޭން ނިންމާލުމުގެ ހަރަކާތުގައި ބައިވެރިވެފައި. އޭގެފަހުން ފެނަކައިގައި މަސައްކަތް ކުރާ މެނޭޖަރު އޭނާއަށް ގުޅައި އައިޑާކު ހާވަލު ކޮށްދިނުމަށް އެދުނު ކަމަށާއި، ނަމަވެސް އެކަމަށް އޭނާ ވަނީ ދެކޮޅު ހަދާފައި. އަދި މިފަދަ އިންޒާރެއް ދިނުމުން މި މައްސަލަ ފުލުހުންނަށް ހުށަހެޅި ކަމަށާއި، ހުކުރު ދުވަހުގެ ރޭ ފުލުހަށް އޭނާ ހާޒިރުކޮށް ސުވާލު ކޮށްފައިވޭ.
ފެނަކަ ފީއަލީ ބްރާންޗު. އިންތިޚާބާ ދިމާކޮށް ގިނަ ބަޔަކަށް ފެނަކައިން ވަޒީފާ ދީފައިވޭ.
ފ.ފީއަލީގެ ފެނަކަ ބްރާންޗުގައި މަސައްކަތް ކުރާ މުވައްޒަފަކު އައިޑީކާޑު ދިނުމަށް ދެކޮޅު ހެދުމުން ވަޒީފާއިން ކަނޑާލާނެ ކަމުގެ އިންޒާރު ދީފި އެވެ.
ރާއްޖެއެމްވީއަށް އިތުބާރު ހުރި ފަރާތަކުން ބުނީ، ހުކުރު ދުވަހު ކުރިއަށް ގެންދިޔަ އެމްޑިޕީގެ ކެންޕޭން ނިންމާލުމުގެ ހަރަކާތުގައި ފެނަކައިގެ އެމުވައްޒަފު ބައިވެރިވި ކަމަށެވެ. އޭގެފަހުން ފެނަކައިގައި މަސައްކަތް ކުރާ މެނޭޖަރު އޭނާއަށް ގުޅައި އައިޑާކު ހާވަލު ކޮށްދިނުމަށް އެދުނު ކަމަށާއި، ނަމަވެސް އެކަމަށް އޭނާ ދެކޮޅު ހެދުމުން ވަޒީފާއިން ވަކި ކުރާނެ ކަމުގެ އިންޒާރު ދީފައިވާ ކަމަށް އޭނާ ބުންޏެވެ.
ފެނަކައިގެ މެނޭޖަރުގެ ފަރާތުން މިފަދަ އިންޒާރެއް ދިނުމުން މި މައްސަލަ ފުލުހުންނަށް ހުށަހެޅި ކަމަށާއި، ހުކުރު ދުވަހުގެ ރޭ ފުލުހަށް އޭނާ ހާޒިރުކޮށް ސުވާލު ކޮށްފައިވާ ކަަމަށެވެ. ނަމަވެސް ބަޔާން ނެގިކަން ނުވަތަ ނޫންކަން ސާފުނުވާ ކަމަށް އޭނާ ބުންޏެވެ.
މީގެ އިތުރުން ހޮނިހިރު ދުވަހު ފެނަކައިގައި މަސައްކަތް ކުރާ ހުރިހާ މުވައްޒަފުން އައިޑީކާޑު ހިފައިގެން އޮފީހަށް ހާޒިރުވުމަށް އަންގާފައިވާ ކަމަށް ވެސް މައުލޫމާތު ލިބެ އެވެ.
މި މައްސަލައާ ގުޅޭގޮތުން ފެނަކައިގެ ރަސްމީ ބަހެއް ވަނީ ލިބޭ ގޮތް ނުވެފަ އެވެ.
