ޕޯސްޓަރު ނެގިޔަސް ރައްޔިތުންގެ ލޯތްބެއް ނުކެނޑޭނެ: އާޒިމް
މާލޭގެ ބޭރުމަގުގައި ހުރި މޭޔަރު އާދަމް އާޒިމްގެ ކެމްޕޭން ބިލްބޯޑެއް ސަރުކާރުން ހަލާކުކޮށްލި މައްސަލައާ ގުޅިގެން، އެއީ ސިޔާސީ ގޮތުން ހިންގި ދަށުދަރަޖައިގެ އަމަލެއް ކަމަށް ގިނަ ބަޔަކު ދަނީ ސިފަކުރަމުން. މިކަމާ ގުޅިގެން މޭޔަރު ވިދާޅުވީ ތަރައްޤީގެ މަސައްކަތްތައް ކުރާއިރު ތަކެއްޗަށް ގެއްލުން ނުވާނެހެން މަޝްވަރާގެ އުސޫލުން ކަންކަން ކުރެވެން ޖެހޭނެ ކަމަށާއި، ކެމްޕޭން ޕޯސްޓަރުތައް ނެގިޔަސް ރައްޔިތުންގެ ހިތްތަކުގައި އޮތް ލޯތްބެއް ނުފޮހެވޭނެ ކަމަށް. މި ހާދިސާ ހިނގާފައިވަނީ ލޯކަލް ކައުންސިލް އިންތިޚާބަށް ކުޑަދުވަސްކޮޅަކަށް ވެފައި ވަނިކޮށް.
ސަރުކާރުން އެމްޓީސީސީގެ މުވައްޒަފުން ލައްވާ އާޒިމްގެ ބޮޑު ބިލްބޯޑު ހަލާކުކޮށްލައިގެން ނަގަނީ | ރާއްޖެ އެމްވީ
މާލެ ސިޓީގެ މޭޔަރު އާދަމް ޢާޒިމްގެ ކެމްޕޭން ބިލްބޯޑެއް، ސަރުކާރުން އެކްސްކަވޭޓަރު ބޭނުންކޮށްގެން ނަގައި ހަލާކުކޮށްލި މައްސަލައެއް ފެންމަތިވެއްޖެ އެވެ.
ލޯކަލް ކައުންސިލް އިންތިޚާބަށް ހައެއްކަ ދުވަހަށް ވެފައި ވަނިކޮށް، ބޭރުމަގުގައި ހުރި މި ބޮޑު ބިލްބޯޑު ނަގާފައިވަނީ ފްރޭމްގަނޑު އިރާލައިގެންކަމަށް މޭޔަރު އާދަމް އާޒިމް ވަނީ ވިދާޅުވެފަ އެވެ.
މިކަމާ ގުޅިގެން މޭޔަރު އާދަމް ޢާޒިމް ވިދާޅުވީ، ކެމްޕޭން ޕޯސްޓަރުތައް ނެންގުވިޔަސް، ރައްޔިތުންގެ ހިތްތަކުގައި އޭނާއަށް އޮތް ލޯތްބާއި، ކޮށްދީފައިވާ ޚިދުމަތުގެ އަގު ނު ފޮހެވޭނެ ކަމަށެވެ. "ޕޯސްޓަރުތައް ނެގިދާނެ، ރައްޔިތުންގެ ހިތުގައި އޮތް ލޯތްބެއް، ކޮށްދީފައިވާ ޚިދުމަތުގެ އަގެއް ނުފިލުވޭނެ،" މޭޔަރު ވިދާޅުވި އެވެ.
މަގު ފުޅާކުރުމުގެ މަސައްކަތް މިވަގުތު ތައްޔާރުވަމުންދަނީ ނަސަންދުރަ ކުރިމަތީގެ ސަރަހައްދުގައި ކަމަށްވާއިރު، ތަރައްޤީގެ މިފަދަ މަސައްކަތްތައް ކުރިއަށްގެންދާއިރު ކަމާގުޅޭ ފަރާތްތަކާ މަޝްވަރާކޮށް، އެކަށީގެންވާ ވަގުތު ދީގެން، ތަކެއްޗަށް ގެއްލުން ނުވާނެހެން ކަންކަން ކުރެވޭނެ އިންތިޒާމެއް އޮންނަންޖެހޭނެ ކަމަށް މޭޔަރު ފާހަގަކުރެއްވި އެވެ.
ޚާއްޞަކޮށް މާދުރުގައި ބީއެމްއެލް ކުރިމަތީގައި ހުރި އެއްޗެއް ހަލާކުކޮށްލައިގެން ނެގުމަކީ ވަރަށް ހިތާމަހުރި ކަމެއްގެ ގޮތުގައި އޭނާ ސިފަކުރެއްވި އެވެ. މާލެ ސިޓީގައި މިވަގުތު ހުރިހާ ސިޔާސީ ފަރާތްތަކެއްގެ ބިލްބޯޑުތަކާއި އިޝްތިހާރުތަކުން އިންތިޚާބީ ފޯރި ގަދަވެފައިވާއިރު، މި ހާދިސާއަކީ ސިޔާސީ ގޮތުން ކުރި ގޯސްކަމެއްގެ ގޮތުގައި ގިނަ ބަޔަކު ދަނީ ސިފަކުރަމުންނެވެ.
