ޖަރުމަނުގެ ލުފްތަންސާ އެއަރލައިނުން މެދުއިރުމަތީގެ ބައެއް ސަރަޙައްދުތަކަށް ކުރާ ދަތުރުތައް މެދުކަނޑާލާފައި އޮތް އޮތުން އިތުރުކޮށްފި
މެދުއިރުމަތީގެ މަސްރަޙު ނުތަނަވަސްވުމާ ގުޅިގެން، ޖަރުމަނުގެ ލުފްތަންސާ އެއަރލައިނުން ދުބާއީ އާއި ތެލް އަވީވަށް ކުރާ ދަތުރުތައް މިއަހަރުގެ މެއި މަހުގެ ނިޔަލަށް މެދުކަނޑާލުމަށް ވަނީ ނިންމާފައި. މީގެ އިތުރުން، އަބޫ ދާބީ އާއި ތެހެރާން ހިމެނޭހެން އެ ސަރަޙައްދުގެ ބައެއް އެހެން ސިޓީތަކަށް ކުރާ ދަތުރުތައް އޮކްޓޫބަރު މަހުގެ 24 ވަނަ ދުވަހާ ހަމައަށް ވަނީ ދަންމާލާފަ.
ޖަރުމަނުވިލާތުގެ ފްރޭންކްފާޓްގައި ލުފްތަންސާ އެއާލައިންގެ ބޯޓުތަކެއް ޕާކް ކޮށްފައި. | ރޮއިޓާސް
ސަރަޙައްދީ ނުތަނަވަސްކަން އިތުރުވަމުންދާތީ، ޖަރުމަނުގެ ލުފްތަންސާ އެއަރލައިނުން އީރާނަށާއި މެދުއިރުމަތީގެ ބައެއް ސަރަޙައްދުތަކަށް ކުރާ ދަތުރުތައް މެދުކަނޑާލާފައި އޮތް އޮތުން ކުރިއަށް އޮތް މަސްތަކަށް އިތުރުކޮށްފި ކަމަށް ބްލޫމްބާރގް ނިއުސްއިން ހޯމަ ދުވަހު ރިޕޯޓުކޮށްފިއެވެ.
އެ ކުންފުންޏާ ހަވާލާދީ ބްލޫމްބާރގްއިން ރިޕޯޓުކޮށްފައިވާ ގޮތުގައި، ލުފްތަންސާއިން ދުބާއީ އަދި ތެލް އަވީވަށް ކުރާ ދަތުރުތައް މިއަހަރުގެ މެއި މަހުގެ 31 ވަނަ ދުވަހުގެ ނިޔަލަށް މެދުކަނޑާލާފައި ބޭއްވުމަށް ވަނީ ނިންމާފައެވެ. މީގެ އިތުރުން، އަބޫ ދާބީ، ބެއިރޫތު އަދި ތެހެރާން ހިމެނޭހެން އެ ސަރަޙައްދުގެ އެހެން ސިޓީތަކަށް ކުރާ ދަތުރުތައް އޮކްޓޫބަރު މަހުގެ 24 ވަނަ ދުވަހުގެ ނިޔަލަށް މެދުކަނޑާލާފައިވާ ކަމަށްވެސް އެ ރިޕޯޓުގައި ބަޔާންކޮށްފައިވެއެވެ.
