ފަސްވަނަ އޭޝިއަން އިންޑޯ އެންޑް މާޝަލް އާޓްސް ގޭމްސްގައި ރާއްޖޭގެ ދިދަ އުފުލާނެ އެތްލީޓު ހޮވައިފި

މިހާރު ތުރުކެމެނިސްތާނުގައި ކުރިޔަށްދާ ފަސް ވަނަ އޭޝިއަން އިންޑޯ އެންޑް މާޝަލް އާޓްސް ގޭމްސްގައި ރާއްޖޭގެ ދިދަ އުފުލާނެ އެތްލީޓް ހޮވައިފިއެވެ.

މި ގޭމްސްގައި ރާއްޖޭގެ ދިދަ އުފުލާނީ ގައުމީ ފުޓްސަލް ޓީމުގެ ކެޕްޓަން އަހުމަދު ވިޝާލް (އަންދު) އެވެ. އަންދުއަށް މި ޝަރަފު އަރުވާފައިވަނީ ސެޕްޓެމްބަފު މަހުގެ 15 ވަނަ ދުވަހު ރާއްޖޭގެ ކޮންޓިންޖެންޓާ ހަވާލުވެ ހުންނެވި އިސްމާއިލް ސުޖާއު ބޭއްވި ހަފްލާއެއްގައެވެ.

މޯލްޑިވްސް ޕޯޓްސް ލިމިޓެޑް (އެމްޕީއެލް) ގައި މަސައްކަތް ކުރަމުން އަންނަ އަންދު ވަނީ މީގެ ކުރިންވެސް އެކިއެކި ބައިނަލްއަގުވާމީ މުބާރާތްތަކުގައި ރާއްޖޭގެ ފުޓްސަލް ޓީމު ތަމްސީލު ކޮށްދީފައެވެ. ހަމައެހެންމެ އޭނާއަކީ ރާއްޖޭގެ އެންމެ މޮޅު ފުޓްސަލް ކުޅުންތެރިޔާގެ ގޮތުގައި ގިނަ ބަޔަދު ދެކޭ ކުޅުންތެރިޔެކެވެ.

މޯލްޑިވްސް އޮލިމްޕިކް ކޮމިޓީއިން ހާމަކޮށްފައިވާ ގޮތުގައި މި ގޭމްސްގައި ފުޓްސަލްއާ ބިލިއާޑްގެ އިތުރުން އެތްލެޓިކްސްގެ އިވެންޓްތަކުގައި ރާއްޖޭގެ އެތްލީޓުން ވާދަކުރާނެއެވެ.