ކ. މާލެ
|
18 ސެޕްޓެންބަރ 2017 | ހޯމަ 08:26
އިންޓަރނޭޝަނަލް ކަލިނަރީ ޗެލެންޖް ފެށުން
އިންޓަރނޭޝަނަލް ކަލިނަރީ ޗެލެންޖް ފެށުން
ރިޒްނާ ޒަރީރު
ކަލިނަރީ ޗެލެންޖް
ރިކޯޑް އަދަދެއްގެ ޝެފުންނާއެކު އިންޓަރނޭޝަނަލް ކަލިނަރީ ޗެލެންޖް ފަށައިފި
 
މިމުބާރާތް ކުރިއަށްދާނީ 20 ސެޕްޓެމްބަރުގެ ނިޔަލަށް

މިހާތަނަށް ރާއްޖޭގައި ބޭއްވޭ އެންމެ ބޮޑު ކާބޯތަކެތީގެ މުބާރަތް ކަމުގައިވާ އިންޓަރނޭޝަނަލް ކަލިނަރީ ޗެލެންޖް ރިކޯޑް އަދަދެއްގެ ޝެފުންނާއި އެކު ފަށައިފިއެވެ.

 

ހޮޓެލް އޭޝިޔާ އެގްޒިބިޝަންގެ ތެރެއިން ކުރިއަށްގެންދާ މި މިއިވެންޓުގައި ޖުމްލަ 63 ރިސޯޓަކުން 602 ޝެފުން ބައިވެރިވެރިވެފައިވެއެވެ. ދުނިޔޭގެ އެކި ކަންކޮޅުތަކުން ޝެފުން ބައިވެރިވެގެން ކުރިއަށްގެންދާ މިއަހަރުގެ މި މުބާރާތަކީ މިހާތަނަށް އެންމެ ގިނަ އަދަދެއްގެ ޝެފުން ބައިވެރިވެގެން ރާއްޖޭގައި ބާއްވާ އެންމެ ބޮޑު މުބާރާތެވެ.

 

އިންޓަރނޭޝަނަލް ކަލިނަރީ ޗެލެންޖް 2017 ކުރިއަށްދާނީ މިމަހުގެ 17 އިން ފެށިގެން 20 ވަނަ ދުވަހުގެ ނިޔަލަށެވެ.

 

މި އަހަރުގެ ހޮޓެލް އޭޝިއާ އިންތިޒާމްކުރާ މޯލްޑީވްޒް އެގްޒިބިޝަންސް އެންޑް ކޮންފަރަންސް ސާރވިސާޒްއިންވަނީ އިވެންޓްގެ ފޯރިގަދަކޮށް މީހުން ބޮޑަށް ބައިވެރިކުރުމުގެ ގޮތުން، ސްޕެޝަލައިޒްޑް މަހާސިންތާތަކާއި، މާސްޓާޝެފް ސްޓައިލުގެ މާސްޓާކްލާސްތަކެއް ރާވާފައެވެ.

 

ކަލިނަރީ ޗެލެންޖްގެ މައި ސްޕޮންސާރ ކަމަށްވާ ބެސްޓްބައި މޯލްޑީވްސްގެ ޑިރެކްޓާރ/ސީ.އީ.އޯ މުހައްމަދު މަޒްލޫމް ވިދާޅުވީ، މާރކެޓް ތަރައްގީވަމުން އަންނަގޮތްތަކަށް ބެލުމަށްފަހު ނިންމީ އާ މުބާރާތްތަކެއް ތައާރަފްކޮށް، އޭގެން މުބާރާތުގެ ބައިވެރިންނަށް އުފެއްދުންތައް ހުށައެޅުމުގެ ހުނަރާއި، ޓެކްނީކްތަކާއި، ޝޯމޭންޝިޕް، އަދި ބައިވެރިން ގެ އަމިއްލަ ޒާތް ދެއްކުމުގެ ފުރުސަތު ހުޅުވާލުމަށް ކަމަށެވެ.

 

މިމުބާރާތުގައި އެކިއެކި ބައިބައިން ވަނަތަކަށް ހޮވޭ ފަރާތްތަކުން އިންޓަރނޭޝަނަލް ސްޓޭޖްގައިވެސް، އެފަރާތްތަށް ނިސްބަތްވާ ރިޒޯޓްތައް ތަމްސީލް ކުރުމުގެ ފުރުޞަތު ވަނީ ހުޅުވާލާފައެވެ. އެގޮތުން މިދިޔަ އަހަރު މިމުބާރާތުން ވަނަ ވަނައަށް ދިޔަ ދެ ޝެފުން ވަނީ މިއަހަރު ހޮންގްކޮންގްގައި ބޭއްވި އިންޓަރނޭޝަނަލް ކަލިނަރީ ޗެލެންޖުގައި ބައިވެރިވެ ރާއްޖެ ރިހި މެޑަލް ހޯދައި ދީފައެވެ.

 

މި އަހަރުގެ އިވެންޓްގައި ކަލިނަރީ ޗެލެންޖް އާއި ގުޅިގެން ވަރަށް ގިނަ މަހާސިންތާތަކަކާއި، މާސްޓާކްލާސް ތަކެއް ތައާރަފްކުރާނެއެވެ. މި ފޯރަމްގައި ކުރިއަރަމުން އަންނަ ޝެފުންނާއި، ޕްރޮޕަޓީތަކުގެ ވެރިން، ރިޒޯޓް މެނޭޖަރުންނާއި އަދި ޖެނެރަލް މެނޭޖަރުންގެ މެދުގައި ހޮޓެލްސް އަދި ރިޒޯޓްތަކުގެ ސްޓެންޑާޑް ރަނގަޅުކުރުމަށް ކުރެވޭނެ ކަންކަމަށް އަމާޒުކޮށް، އެތަށް މައުލޫއެއްގެ މައްޗަށް ބިނާކޮށް، ހިޔާލު ބަދަލުކުރުން އޮންނާނެއެވެ.

 

ހޮޓެލް އޭޝިއާ އިންޓަރނޭޝަނަލް ކަލިނަރީ ޗެލެންޖް އަކީ މިރީޖަންގައި ބޭއްވޭ އެންވެ ކުރީގައި އުޅޭ ކާބޯތަކެއްޗާބެހޭ މުބާރާތެވެ. އަދި މި މުބާރާތްވަނީ ވާލްޑް އެސޯސިއޭޝަން އޮފް ޝެފްސް ސޮސައިޓީސް (ވާލްޑްޝެފްސް- ޑަބްލިޔު.އޭ.ސީ.އެސް) އިން ބަލައިގަނެ އެންޑޯޒްކޮށްފައެވެ

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް