ހޯމަ 09 ޑިސެންބަރު 2019
13 ދޮށަ
1441 ރަބީޢުލްއާޚިރު 12
ފަތިސް 04:43
އިރުއަރާ 05:59
މެންދުރު 12:02
އަސްރު 15:22
މަޣްރިބް 17:57
އިޝާ 19:14
ވިޔަފާރި - ވެލާނާ އެއާޕޯޓް

ވެލާނާ އިންޓަރނޭޝަނަލް އެއާޕޯޓަށް "އިންޑިއަން އޯޝަންސް ބެސްޓް އެއާޕޯޓު" ލިބިއްޖެ

  • އިންޑިއަން އޯޝަން ގާލާއެއް ބާއްވަން ފެށީ 2003 ވަނަ އަހަރު
  • ވެލާނާ އިންޓަނޭޝަނަލް އެއާޕޯޓުގެ ނަމަށް ރީބްރޭންޑް ކުރީ މިއަހަރު ފެށުމާ އެކު
  • އެއަރޕޯޓް ގެންދަނީ ތަރައްޤީކުރަމުން

ރިޒުނާ ޒަރީރު
RiznaZareer

ކ. މާލެ 9 ޖުލައި 2017 | އާދީއްތަ 23:23 1,818

"އިންޑިއަން އޯޝަންސް ބެސްޓް އެއާޕޯޓު" - ރާއްޖެއެމްވީ

ޖެހިޖެހިގެން 10 ވަނަ ފަހަރަށް އިންޑިއާ ކަނޑުގެ އެންމެ ރަނގަޅު އެއާޕޯޓުގެ އެވޯޑް ރާއްޖޭގެ ބައިނަލްއަގުވާމީ މައި އެއާޕޯޓު ވެލާނާ އިންޓަރނޭޝަނަލް އެއާޕޯޓަށް ލިބިއްޖެއެވެ.

 

މިއެވޯޑް ވީއައިއޭއަށް ލިބިފައިވަނީ ސަން އަކުއާ ވިލުރީފް ރިސޯޓުގައި ހޮނިހިރު ދުވަހުގެރޭ ބޭއްވި ވޯލްޑް ޓްރެވަލް އެވޯޑްސް އިންޑިއަން އޯޝަން ގާލާގައެވެ.

 

މި އެވޯޑާ ހަވާލުވެލެއްވީ އެ އެއާޕޯޓު ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑު (އެމްއޭސީއެލް)ގެ މެނޭޖިންގް ޑިރެކްޓަރު އާދިލް މޫސާއެވެ.

 

ވެލާނާ އެއާޕޯޓަށް މި އެވޯޑު ލިބުނީ، މަޑަގަސްކާގެ އިވާޓޯ އިންޓަނޭޝަނަލް އެއާޕޯޓާއި، ރިޔޫނިއަންގެ ރޯލެންޑް ގަރޯސް އެއާޕޯޓާއި، ސީޝެލްސް އިންޓަނޭޝަނަލް އެއާޕޯޓާއި މޮރީޝަސްގެ ސިވޫސަގޫރު ރާމްގުލަމް އިންޓަނޭޝަނަލް އެއާޕޯޓާ ވާދަކޮށްގެންނެވެ.

 

ވޯލްޑް ޓްރެވަލް އެވޯޑްސްއިން އިންޑިއަން އޯޝަން ގާލާއެއް ބާއްވަން ފެށީ 2003 ވަނަ އަހަރެވެ. އެ އަހަރުން ފެށިގެން މިހާތަނަށް ވެލާނާ އިންޓަނޭޝަނަލް އެއާޕޯޓަށް ނުވަ ފަހަރަށް ބެސްޓް އެއާޕޯޓުގެ އެވޯޑު ލިބިފައިވާ އިރު، މިއަހަރަކީ އެ އެއާޕޯޓަށް އެ އެވޯޑު ލިބުނު 10 ވަނަ ފަހަރެވެ.

 

މީގެ ކުރިން މާލެ އިންޓަނޭޝަނަލް އެއާޕޯޓާއި، އިބްރާހިމް ނާސިރު އިންޓަނޭޝަނަލް އެއާޕޯޓުގެ ނަމުގައި ހިންގި މި އެއަޕޯޓު، ވެލާނާ އިންޓަނޭޝަނަލް އެއާޕޯޓުގެ ނަމަށް ރީބްރޭންޑް ކުރީ މިއަހަރު ފެށުމާ އެކުއެވެ.

 

އަހަރަކު ފަސް މިލިޔަން މީހުންނަށް ޚިދުމަތްދެވޭ ތަނަކަށް ވެލާނާ އެއާޕޯޓު ހަދައިދޭނެ ކަމަށް ބުނެ ވެފައިވާ ވައުދާއި އެއްގޮތަށް މަސައްކަތްކުރުމުގެ ގޮތުން އެތަނުގައި ދެވަނަ ރަންވޭއެއް އަޅައި، މިހާރަށް ވުރެ ހަލުއިކޮށް ފްލައިޓް އޮޕަރޭޝަންސްގެ މަސައްކަތް ކުރަމުންދާ އިރު، އެތަނުގައި އާ އިންޓަނޭޝަނަލް ޓާމިނަލެއްވެސް އެޅުމުގެ މަސައްކަތް ދަނީ ކުރަމުންނެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް