ރައީސް މުއިއްޒު ރަމަޟާން މަހު ރޯދައަށް ހުންނަވައިގެން ވަރަށް ތެދުވެރިކަމާ އަމާނާތްތެރިކަމާ އިޚުލާސްތެރިކަމާ އެކު ގައުމު ހިންގަވާ: މެންބަރު ސުޖާއު
މަޖިލީހުގައި ވާހަކަދައްކަވަމުން ސުޖާއު ވިދާޅުވީ، އެމްޑީޕީން މަސައްކަތް ކުރަނީ ރައްޔިތުންނަށް ކަންކަން އޮޅުވާލުމަށް ކަމަށާއި، ނަމަވެސް ރައީސް މުއިއްޒު ގައުމު ހިންގަވަނީ ވަރަށް އިޚުލާސްތެރިކަމާއެކު ކަމަށް. އަދި މަޖިލީހުގެ މަސައްކަތްތަކާ ގުޅޭގޮތުން ދައްކާ ވާހަކަތަކަށް ރައްދުދެއްވައި، ސުޖާއު ވަނީ އެމްޑީޕީގެ ސިޔާސީ މިސްރާބަށް ވަރަށް ބޮޑަށް ފާޑު ވިދާޅުވެފައި.
ބާރަށު ދާއިރާގެ މެންބަރު އިބްރާހިމް ޝުޖާއު އަދި ރައީސް ޑރ. މުހައްމަދު މުއިއްޒު | ރައީސް އޮފީސް
ރައީސުލްޖުމްހޫރިއްޔާ ޑރ.މުހައްމަދު މުއިއްޒު ރަމަޟާން މަހު ރޯދައަށް ހުންނަވައިގެން ވަރަށް ތެދުވެރިކަމާ އަމާނާތްތެރިކަމާ އިޚުލާސްތެރިކަމާ އެކު ގައުމު ހިންގަވާ ކަމަށް ބާރަށު ދާއިރާގެ މެންބަރު އިބްރާހިމް ސުޖާއު ވިދާޅުވެއްޖެ އެވެ.
އާދިއްތަ ދުވަހު ރައްޔިތުންގެ މަޖިލީހުގައި ވާހަކަ ދައްކަވަމުން މެންބަރު ސުޖާއު ވިދާޅުވީ، ގައުމުތަކަށް ނޮން- ރެސިޑެންސްގެ ގޮތުގައި ސަފީރުން ކަނޑައެޅިގެންދާ ގޮތާ ގުޅޭގޮތުން ދޮގު ވާހަކަތައް އެމްޑީޕީން ދައްކަމުންދާ ކަމަށާއި، އެއީ ހަރަދު ބޮޑު ކަމެއްގެ ގޮތުގައި ސިފަކޮށްފައިވާ ކަމަށެވެ. ނަމަވެސް ދުނިޔެ ހިނގާ ގޮތް އެމްޑީޕީގެ ބޭފުޅުންނަށް ނޭނގޭ ކަމަށް އޭނާ ވިދާޅުވި އެވެ.
އެމްޑީޕީން ގައުމުގައި ކަމެއް ރަނގަޅަށް އޮތިއްޔާ ނުބައިކޮށް ވާހަކަ ދައްކަމުންދާކަން ފާހަގަކުރައްވައި މެންބަރު ސުޖާއު ވިދާޅުވީ، ހުރިހާ ކަމެއް ކުރަނީ ރައްޔިތުންނަށް އޮޅޭ ގޮތަށް ކަމަށާއި، ދެ އިންތިޚާބު އެއްކުރުމަށް މިސަރުކާރުން މަސައްކަތް ނުކުރާ ކަމަށެވެ. އަދި ވިދާޅުވީ ދެ އިންތިޚާބު ބާއްވަނީ އެއްދުވަހެއްގައި ވަކީން ކަމަށެވެ. އަންހެނުންގެ ތަރައްގީއަށް މަސައްކަތް ކުރާ ކޮމެޓީއަކީ ވެސް ވަކި އިންތިޚާބެއް ކަމަށާއި، ކައުންސިލްތަކަކީ ވެސް ވަކި އިންތިޚާބެއް ކަމަށް އޭނާ ވިދާޅުވި އެވެ.
މީގެ އިތުރުން ސުޖާއު ވިދާޅުވީ، ގާނޫނު ހަދާ މަޖިލީހަކީ ކޮންމެ ދުވަހަކު އޮންނަން ޖެހޭ އެއްޗެއް ނޫން ކަމަށާއި، މަސައްކަތެއް އޮތް ނަމަ ޖަލްސާ ބާއްވާނެ ކަމަށެވެ. ނަމަވެސް އެމްޑީޕީން މިކަން ވެސް އޮޅުވާލުމަށް މަސައްކަތް ކުރާ ކަމަށް އޭނާ ވިދާޅުވި އެވެ. އަދި ރައީސް މުއިއްޒަށް ވަރަށް ބޮޑަށް ތައުރީފް ކުރައްވައި ވިދާޅުވީ ރައީސް ރަމަޟާން މަހު ރޯދައަށް ހުންނަވައިގެން ވަރަށް ތެދުވެރިކަމާ އަމާނާތްތެރިކަމާ އިޚުލާސްތެރިކަމާ އެކު ގައުމު ހިންގަވާ ކަމަށެވެ.
އަޅުގަނޑުމެންގެ ރައީސުލްޖުމްހޫރިއްޔާ ރަމަޟާން މަހު ރޯދައަށް ހުންނަވައިގެން ވަރަށް ތެދުވެރިކަމާ އަމާނާތްތެރިކަމާ އިޚުލާސްތެރިކަމާ އެކު ގައުމު ހިންގަނީ. އެހެންނަމަވެސް އެ ވިދާޅުވަނި ދޮގޭ ހައްދަވަނީބާރަށު ދާއިރާގެ މެމްބަރު އިބްރާހިމް ސުޖާއު
މީގެ އިތުރުން ވެސް މެންބަރު ސުޖާއު ވަނީ އެމްޑީޕީއަށް ވަރަށް ބޮޑަށް ފާޑު ވިދާޅުވެފަ އެވެ. އޭނާ ވިދާޅުވީ، މިގައުމުން އެއްވެސް ގޮތަކަށް ރީދޫ ކުލަ ނުފެންނަ ކަމަށާއި، އެހެން ކުލައަކަށް ޕާޓީ ވެސް ބަދަލުވެފައިވާ ކަމަށެވެ.
