ހަނގުރާމައިގެ ތެރެއަށް ވަދެއްޖެ ނަމަ ހަމަލާ ދޭނެ ކަމަށް ބުނެ އީރާނުން ވިލާތުގެ ގައުމުތަކަށް އިންޒާރު ދީފި
7 މާރިޗު 2026 | ހޮނިހިރު 02:32އީރާނާ ދެކޮޅަށް އެމެރިކާއާއި އިޒްރޭލުން ހިންގާ އުދުވާނުގައި ވިލާތުގެ އެއްވެސް ގައުމަކުން ބައިވެރިވެއްޖެނަމަ، އެ ގައުމަކީ އީރާނުގެ ހަމަލާތަކުގެ އަމާޒަކަށް ވާނެ ކަމަށް އެ ގައުމުގެ ޑެޕިއުޓީ ފޮރިން މިނިސްޓަރު މަޖީދު ތަޚްތު-ރަވަންޗީ ވިދާޅުވި.
އިޒްރޭލާއި ލުބުނާނުގެ ދެކުނު ބޯޑަރު ސަރަހައްދުގައި، އިޒްރޭލުގެ އެއަރ ފޯސްގެ އޭއެޗް-64 އަޕާޗޭ އެޓޭކް ހެލިކޮޕްޓަރަކުން ރޮކެޓް ހަމަލާތަކެއް ދެނީ. | އޭއެފްޕީ
ހަނގުރާމައިގެ ތެރެއަށް ނުވަނުމަށް އީރާނުން ވިލާތުގެ ގައުމުތަކަށް އިންޒާރު ދީފިއެވެ.
އީރާނުގެ ޑެޕިއުޓީ ފޮރިން މިނިސްޓަރު މަޖީދު ތަޚްތު-ރަވަންޗީ ވިދާޅުވީ، ހިނގަމުންދާ ހަނގުރާމައިގެ ތެރެއަށް ވިލާތުގެ ގައުމުތަކުން ވަދެފިނަމަ، އެ ގައުމުތަކަކީ އީރާނުން ހަމަލާދޭނެ ސައްހަ އަމާޒުފަތްތަކަކަށް ވާނެ ކަމުގެ އިންޒާރު އެ ގައުމުތަކަށް މިހާރު ދީފައިވާނެ ކަމަށެވެ.
ފްރާންސް 24 މީޑިއާއަށް ދެއްވި ބަސްދީގަތުމެއްގައި މަޖީދު ތަޚްތު-ރަވަންޗީ ވިދާޅުވީ، އީރާނާ ދެކޮޅަށް އެމެރިކާއާއި އިޒްރޭލުން ހިންގާ އުދުވާނުގައި އެއްވެސް ގައުމަކުން ބައިވެރިވެއްޖެނަމަ، އީރާނުން ދޭ ބަދަލު ހިފުމުގެ ހަމަލާތަކުގައި އެ ގައުމަކީ ވެސް ހަމަލާދެވޭނެ ސައްހަ އަމާޒަކަށް ވާނެ ކަމަށެވެ.
