ބްރެއިން ކޮރަލް އިން ޒަމާނީ ޓެކްނޮލޮޖީގެ، މަޝްހޫރު އެޓަމްބަރގް ބްރޭންޑް ގެ ފަންކާ ތައާރަފު ކޮށްފި

ގޭތެރޭގެ ދިރިއުޅުމަށް އިންގިލާބީ ބަދަލެއް ގެނެސްދޭ، ދުނިޔޭގެ މަގުބޫލުކަން ހޯދާފައިވާ "އެޓަމްބަރގް" ބްރޭންޑްގެ އުފެއްދުންތައް ބްރެއިން ކޯރަލް އިން ރާއްޖެއަށް ތައާރަފްކޮށްފި އެވެ.

ހުޅުމާލެ ފޭސް 2 ގެ ވިނަރެސް ޓަވަރުގައި ހުންނަ ބްރެއިން ކޯރަލް އައުޓްލެޓަކީ ގެދޮރު އިމާރާތްކުރުމާއި، ފަރުމާކުރުމުގެ އިތުރުން މަރާމާތު ކުރުމަށް ބޭނުންވާ ހުރިހާ ޕްރޮޑަކްޓެއް އެއްތަނަކުން ފޯރުކޮށްދޭ ފިހާރައެކެވެ. މި އައުޓްލެޓުން މިހާރު އެޓަމްބަރގް ބްރޭންޑްގެ އެންމެ ފަހުގެ، ސްމާޓް ފަންކާތައް ލިބެން ހުންނާނެ އެވެ.

އެޓަމްބާގް ބްރޭންޑްގެ އެންމެ ޚާއްސަ އެއް ސިފައަކީ އޭގައި ހިމެނޭ 5- ސްޓާ ރޭޓެޑް BLDC މޯޓަރެވެ. މި މޯޓަރުގެ ސަބަބުން އާދައިގެ ފަންކާތަކާ އަޅާބަލާއިރު ކަރަންޓު ބޭނުންކުރާ މިންވަރު 65 އިންސައްތައާ ހަމައަށް ކުޑަކޮށްދެ އެވެ. މިއީ ތިމާވެއްޓާ ރައްޓެހި، އަދި އިގްތިސާދީ ގޮތުން ބޮޑު ފައިދާއެއް އުފެއްދުމެކެވެ.

 މީގެ ތެރޭގައި ހިމެނޭ "ރެނޭސާ އެލީޓް ސްމާޓް" އަދި "އެރިސް ކޮންޓުއާ" ފަދަ މޮޑެލްތަކަކީ އެލެކްސާ އަދި ގޫގުލް ހޯމް މެދުވެރިކޮށް ކޮންޓްރޯލް ކުރެވޭ، އަދި މޮބައިލް އެޕްލިކޭޝަނުން އޮޕަރޭޓް ކުރެވޭ އުފެއްދުންތަކެކެވެ.

މި ފަންކާތަކަކީ އަޑު މަޑުކޮށް މަސައްކަތްކުރާ ގޮތަށް ފަރުމާކޮށްފައިވާ، އަދި ކަރަންޓު ވޯލްޓޭޖް ދަށްވިޔަސް އެއްވަރެއްގައި ބާރަށް ވައި ޖައްސައިދޭ ފަންކާތަކެކެވެ. އަދި މިއީ ޒަމާނީ ގެތަކާ ގުޅޭގޮތަށް ތަފާތު ކުލަތަކާއި ޑިޒައިންތަކުން ލިބެން ހުންނަ ބްރޭންޑްގެ ފަންކާ އެކެވެ.

އިންޑިއާ ގައި 10 މިލިއަނަށް ވުރެ ގިނަ ކަސްޓަމަރުންގެ އިތުބާރު ހޯދާފައިވާ އެޓަމްބަރގް ބްރޭންޑަކީ މިހާރު ދުނިޔޭގައި އެންމެ ހަލުވިކަމާއެކު ކުރިއަރަމުން އަންނަ އެއް ހޯމް އެޕްލަޔަންސް ބްރޭންޑެވެ.