ކ. މާލެ
|
21 ޖޫން 2020 | އާދީއްތަ 17:18
ބޮސްޓޮން ޑައިނަމިކްސް އިން އުފައްދާފައިވާ ސްޕޮޓް
ބޮސްޓޮން ޑައިނަމިކްސް އިން އުފައްދާފައިވާ ސްޕޮޓް
ގެޓީ އިމޭޖަސް
ބޮސްޓޮން ޑައިނަމިކްސް
ބޮސްޓޮން ޑައިނަމިކްސްގެ މަޝްހޫރު ރޮބޮޓް، "ސްޕޮޓް" ބާޒާރަށް ނެރެފި
 
ކޮންސްޓްރަކްޝަން، ރިސަރޗް އަދި ރެސްކިއުގައި ބޭނުންކުރެވޭނެ
 
ޕްރީ އޯޑަރ ކުރެވޭނެ އަގަކީ 74،500 ޑޮލަރު
 
ރޮބޮޓް ވިއްކުމަށް ނިންމާފައިވަނީ ސިނާއީ ބޭނުންތަކަށް

އެމެރިކާގެ ބޮސްޓޮން ޑައިނަމިކްސް ކުންފުނިީގެ އީޖާދެއް ކަމުގައިވާ، ކުއްތާއެއްގެ ސިފައަށް ޑިޒައިން ކޮށްފައިވާ ރޮބޮޓް، "ސްޕޮޓް" ބާޒާރަށް ނެރެފިއެވެ.

މި ރޮބޮޓް ވިއްކުމަށް ނިންމާފައިވަނީ ސިނާއީ ބޭނުންތަކަށެވެ. ބިން އެއްވަރު ނޫން ތަންތަނުގައި ދުވުމާއި، ސިޑިން އެރުމުގެ ގާބިލްކަމާއި، ވޯޓަރ އަދި ޑަސްޓް ޕްރޫފްކޮށް ހަދާފައިވާ ރޮބޮޓް ޕްރީ-އޯޑަރ ކުރެވެނީ 74،500 ޑޮލަރަށެވެ.

ސްޕޮޓްގެ ވަށައިގެން ކެމެރާ ހަރުކުރެވިފައިވާއިރު، ތަފާތު އެކިއެކި ކަންކަމަށް ބޭނުންކުރެވޭ ޓޫލެއްގެ ގޮތުގައި ބޭނުންކުރެވޭ އަތެއް ވެސް ވަނީ ހަރުކުރެވިފައެވެ.

މީގެ ކުރިން މި ރޮބޮޓް ބޭނުންކޮށްފައިވަނީ، ހޮވާލެވިފައިވާ ވިޔަފާރިތަކާއި ދިރާސާކުރާ މަރުކަޒުތަކުގައި އެކަންޏެވެ. އެގޮތުން، ކޮންސްޓްރަކްޝަން ސައިޓްތައް އިންސްޕެކްޓް ކުރުމަށާއި، ލެބޯޓްރީ ފަދަ ތަންތަނުގައި މި ރޮބޮޓުގެ ބޭނުން ވަނީ ކޮށްފައެވެ.

ބޮސްޓޮން ޑައިނަމިކްސް ކުންފުނިން ސްޕޮޓް އިޝްތިހާރުކުރަމުން ދަނީ، އިންސާނުންނަށް އުނދަގޫ ނުވަތަ ނުރައްކާތެރި މަސައްކަތްތަކުގައި އެހީތެރިވެދޭނެ ބައިވެރިއެއްގެ ގޮތުގައެވެ. އަދި މި ރޮބޮޓުގެ ސޮފްޓްވެއަރއާއި ހައި ޕަރފޯމަންސް މެކޭނިކަލް ފަރުމާ، މިކަމަށް ފަހިކޮށްދޭ ކަމަށް ވަނީ ރިޕޯޓްކޮށްފައެވެ.

ސްޕޮޓް އުފެއްދި ބޮސްޓޮން ޑައިނަމިކްސް ކުންފުންޏަކީ، އިންޖިނިއަރުން ތަމްރީނުކުރުމުގައި މަޝްހޫރު މެސެޗޫސެޓްސް އިންސްޓިޓިއުޓް އޮފް ޓެކްނޮލޮޖީގެ ތެރެއިން 1992 ވަނަ އަހަރު އުފެދިގެން އައި ކުންފުންޏެކެވެ. ގޫގްލްއިން 2013 ވަނަ މި ކުންފުނި ގަތުމަށް ފަހު، ޖަޕާނުގެ ސޮފްޓް ބޭންކް ކުންފުންޏަށް ވިއްކާލީ 2017 ވަނަ އަހަރުއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް