ދިވެހިރާއްޖޭގެ ހައުސިންގ ދާއިރާއަށް އާ ހަމައެއް ގެނެސްދޭ ޕްރިކާސްޓް މޮޑިއުލަރ ހައުސިންގ ޔުނިޓްތައް ތައާރަފްކޮށްފިއެވެ.

އީއެލްއެސް ލިޔޯގެ މި ޕްރޮޖެކްޓްގެ ދަށުން އިފްތިތާހުކުރެވިގެން ދިޔަ ހެބިޓެކް ބްލޮކްސް ސިސްޓަމް ހައުސިންގ ޔުނިޓްތަކަކީ ދިވެހިރާއްޖޭގެ ކޮންސްޓްރަކްޝަން އިންޑްސްޓްރީއަށް އިންގިލާބެއް ގެންނާނެ ޕްރޮޖެކްޓެކެވެ. އީއެލްއެސް ލިޔޯ ޔުނިޓަކީ ދިވެހިރާއްޖޭގައި އެންމެ ފުޅާދާއިރާއަކަށް ލޮޖިސްޓިކްސް ވިޔަފާރިކުރާ، ލިޔޯ ޓްރޭޑިންގ ހިއްސާވާ ކުންފުންޏެވެ.

މިހައުސިންގ ސޮލިއުޝަނަކީ އަމިއްލަ ގެ އިމާރާތް ކުރުމުގެ އިތުރުން، ގެސްޓު ހައުސް އަދި ހޯމްސްޓޭ ފަދަ ފަތުރުވެރިކަމަށް ޝައުގުވެރިވާ ފަރާތްތަކަށްވެސް ލިބިގެންދާ ޙައްލެކެވެ. މި ހައުސިންގ ޔުނިޓްތަކަކީ ކ. ހިންމަފުށީގައި އީ.އެލް.އެސް ލިޔޯގެ ސްޓޭޓް އޮފް އަރޓް ފެކްޓަރީގައި ފަރުމާކޮށް ބިނާކޮށްފައިވާ އިމާރާތްތަކެކެވެ. ދިވެހިރާއްޖޭގެ މާހައުލާ ގުޅޭ މި ހައުސިންގ ޔުނިޓަކީ ހަތަރު މަސްދުވަހުގެ ތެރޭ ފަރުމާކޮށް ބިނާކުރެވޭ, އަގު ހެޔޮ ސޮލިއުޝަނެކެވެ.

މި ހައުސިންގ ޔުނިޓުތަކާ ބެހޭ ގޮތުން އީ.އެލް.އެސް ލިޔޯގެ މެނޭޖިންގ ޑިރެކްޓަރު ޢަބްދުﷲ ސަވާދު ވިދާޅުވީ،ކ. ހިންމަފުށީގައި ޤާއިމުކުރެވިފައިވާ އެންމެ ޒަމާނީ ޓެކްނޮލޮޖީ ބޭނުންކުރާ ފެކްޓަރީގައި އުފައްދައި، އިންސްޓޯލްކުރެވޭ އިންޤިލާބީ ހައުސިންގ ޙައްލު ކަމަށެވެ.      

މި ސިފަތަކުން ދައްކުވައިދެނީ ހެބިޓެކް ބްލޮކްސް ސިސްޓަމް ހައުސިންގ ޔުނިޓްތަކަކީ ޒަމާނީ، ދެމެހެއްޓެނިވި އަދި ބޭނުންތަކަށް ފަސޭހައިން ބަދަލުކުރެވޭ ގެދޮރުވެރިކަމުގެ ޙައްލެވެ.

މި ޓެކްނޮލޮޖީ މެދުވެރިކޮށް ދިވެހިރާއްޖޭގެ ގެދޮރުވެރިކަމުގެ ދާއިރާއަށް އާ ހަމައަކާއި މިންގަނޑުތަކެއް ތަޢާރަފްވެގެން ދާނެއެވެ. އަދި އަތޮޅުތެރޭ ރަށްރަށުގައި އެއްބުރި ނުވަތަ ދެބުރި ނުވަތަ ތިންބުރީ ގެއެއް ޚަރަދު ކުޑަކޮށް، ކުރު މުއްދަތެއްގެ ތެރޭގައި އިމާރާތް ކޮށްލަން ބޭނުންނަމަ މިއީ ވަރަށް ފުރިހަމަ ޙައްލެކެވެ. ފަތުރުވެރިކަމުގެ ދާއިރާއަށް ވަދެ، ހޯމްސްޓޭ ވިޔަފާރި ނުވަތަ ގެސްޓްހައުސް ވިޔަފާރި ކުރައްވަން ގަސްތުކުރައްވާ ފަރާތްތަކަށްވެސް އެހާމެ ފުރިހަމަ ސޮލިއުޝަނެކެވެ.