މުޙައްމަދު ޔޫނުސް ބަންގްލަދޭޝްގެ ވަގުތީ ސަރުކާރުން އިސްތިއުފާ ދެއްވައިފި
ބަންގްލަދޭޝްގެ ވަގުތީ ސަރުކާރުގެ މަސްއޫލިއްޔަތުތައް ނިންމަވާލެއްވުމަށްފަހު، ޑިމޮކްރަސީގެ އުސޫލުތަކާއި ބަސްބުނުމުގެ މިނިވަންކަން ދެމެހެއްޓުމަށް މުޙައްމަދު ޔޫނުސް ވަނީ އިލްތިމާސްކުރައްވާފައި.
ބަންގްލަދޭޝްގެ ވަގުތީ ސަރުކާރުގެ އިސްވެރިޔާ މުޙައްމަދު ޔޫނުސް. | ރޮއިޓާސް
ބަންގްލަދޭޝްގެ ވަގުތީ ސަރުކާރުގެ އިސްވެރިޔާ މުޙައްމަދު ޔޫނުސް، އިންތިޚާބީ ސަރުކާރަކާ ވެރިކަން ހަވާލުކުރެއްވުމުގެ ކުރިން ގައުމާ މުޚާތަބުކުރައްވައި ދެއްވި ވަދާއީ ތަގުރީރަށްފަހު، ހޯމަ ދުވަހު މަގާމުން އިސްތިއުފާ ދެއްވައިފި އެވެ.
ނޯބެލް ސުލްހައިގެ އިނާމު ހާސިލްކުރައްވާފައިވާ އުމުރުފުޅުން 85 އަހަރުގެ ޔޫނުސް ވިދާޅުވީ، ވަގުތީ ސަރުކާރުގެ މަގާމުން މިއަދުން ފެށިގެން ދުރަށް ވަޑައިގަންނަވާ ކަމަށެވެ. ނަމަވެސް، އަލުން ފެށިފައިވާ ޑިމޮކްރަސީގެ އުސޫލުތަކާއި، ބަސްބުނުމުގެ މިނިވަންކަމާއި، އަދި އަސާސީ ހައްގުތައް ހިމާޔަތްކުރުމުގެ މަސައްކަތްތައް ހުއްޓުމަކަށް އައުމަށް ފުރުސަތު ނުދިނުމަށް އެމަނިކުފާނު ވަނީ ގޮވާލައްވާފަ އެވެ.
މަސްދަރު: އޭއެފްޕީ
