މެލިއާ ވޭލް ލެގޫން މޯލްޑިވްސް އަރިއަތޮޅުގައި ހުޅުވައިފި
އަރިއަތޮޅު ދެކުނުބުރީގައި ތަރައްގީކޮށްފައިވާ މި ރިސޯޓުގައި މޫދު ކައިރީގައާއި މޫދުގައި ހަދާފައިވާ 100 ޕްރައިވެޓް ވިލާ ހިމެނޭއިރު، މީގެ ތެރޭގައި އިރުއޮއްސޭ މަންޒަރު ފެންނަ ސަންސެޓް ސުއީޓްތައް ފާހަގަކޮށްލެވޭ. ވެލާނާ އިންޓަނޭޝަނަލް އެއާޕޯޓުން ސީޕްލޭންގައި 30 މިނެޓުން ދެވޭ މި ރިސޯޓަކީ ފެހުރިއްސާއި މަޑި ގިނަ ސަމްޕާ ސަރަހައްދާ ކައިރީގައި ހަދާފައިވާ ރިސޯޓެއް.
މެލިއާ ވޭލް ލެގޫން މޯލްޑިވްސް ރިސޯޓް. | ފޮކްސް ކޮމިއުނިކޭޝަންސް
މެލިއާ ހޮޓެލްސް އެންޑް ރިސޯޓްސްގެ ފަސް ތަރީގެ އޯލް-އިންކްލޫސިވް ރިސޯޓެއް ކަމަށްވާ "މެލިއާ ވޭލް ލެގޫން މޯލްޑިވްސް" ހުޅުވައި، އެ ކުންފުނީގެ ދުނިޔޭގެ ފަތުރުވެރިކަމުގެ ވިއުގަ ރާއްޖެ އަށް ފުޅާކޮށްފި އެވެ.
އަރިއަތޮޅު ދެކުނުބުރީގައި ތަރައްގީކޮށްފައިވާ މި ރިސޯޓުގައި މޫދު ކައިރީގައި ހުރި 100 ޕްރައިވެޓް ވިލާ ހިމެނެއެވެ. މީގެ ތެރޭގައި އިންޑިއާ ކަނޑުގެ ހިތްގައިމު މަންޒަރުތައް ފެންނާނޭހެން މޫދުގައި ހަދާފައިވާ "ވޯޓާ ވިލާ" ތަކާއި، އަމިއްލަ ޕޫލާއި މިނިވަން ޖާގަ ހިމެނޭ ގޮތަށް އިރުއޮއްސޭ މަންޒަރު އެންމެ ފުރިހަމައަށް ފެންނާނެހެން ފަރުމާކޮށްފައިވާ "ސަންސެޓް ސުއީޓް ވިލާ" ތައް ފާހަގަކޮށްލެވެ އެވެ.
ވެލާނާ އިންޓަނޭޝަނަލް އެއާޕޯޓަށް ފަތުރުވެރިން އައުމަށްފަހު، 30 މިނެޓުގެ ސީޕްލޭން ދަތުރަކަށްފަހު މި ރިސޯޓަށް ދެވޭނެ އެވެ. މި ރިސޯޓު އޮންނަނީ ދުނިޔޭގެ އެންމެ މަގުބޫލު ކަނޑުގެ ދިރުންތަކުގެ މަރުކަޒު ކަމަށްވާ ސައުތު އަރި މެރިން ޕްރޮޓެކްޓެޑް އޭރިއާ (ސަމްޕާ) އާ ވަރަށް ކައިރީގަ އެވެ. މިއީ މުޅި އަހަރު ދުވަހު ފެހުރިއްސާއި މަޑި ފެންނަ ސަރަހައްދެއްގެ ގޮތުގައި މަޝްހޫރުވެފައިވާ ތަނެކެވެ.
