ޕިއްޒާ ބޯނާގެ އިތުރު އައުޓްލެޓް ހުޅުވައިފި

ޕިއްޒާ ބޯނާގެ އިތުރު އައުޓްލެޓެއް ހުޅުވައިފިއެވެ.

ބުދަ ދުވަހުގެ ރޭ މާފަންނު ރުވާމަގުގައި ހުޅުވި އައުޓްލެޓް ހުޅުވައި ދެއްވީ މާލޭ އެރޭޓެޑް ވޯޓާ ކޮމްޕެނީގެ ޖެނެރަލް މެނޭޖަރު މިލިންދް ޑެރަސާރީ އެވެ.

މިކަމަށްޓަކައި އެއައުޓްލެޓްގައި ބޭއްވި ރަސްމިއްޔާތުގައި ނޫސްވެރިންނާ ވާހަކަ ދައްކަވަމުން ޕިއްޒާ ބޯނާގެ ޝެއާހޯލްޑާ ހުސެން ހާލީ ވިދާޅުވީ، އަލަށް މި ހުޅުވި އައުޓްލެޓަކީ ޕިއްޒާ ބޯނާގެ ޕިއްޒާތަކަށް ލޯބި ކުރާ ފަރާތްތަކަށް ހާއްސަކޮށްގެން ހުޅުވި ތަނެއް ކަމަށާއި މިއީ ޖާގައިގެ ގޮތުންވެސް ތަނަވަސް ތަނަކަށް ވުމުން އާއިލާއާއި ރައްޓެހިންނާއި އެކީ ވަގުތު ހޭދަ ކުރަމަށް ހިތްފަސޭހަ ވަގެންދާނެ ކަމަށެވެ.

އެހެންކަމުން އެތަނުގައި އެކި އެކި އިވެންޓްތަކާއި ފަންކްޝަންތައް ބޭއްވުމުގެ ފުރުޞަތުވެސް މިހާރު އެބައޮތް ކަމަށް އޭނާ ވިދާޅުވިއެވެ.

މީގެ ކުރިން ހެންވޭރުގައި ހުޅުވާފައި ހުރި 20 މީހުންގެ ޖާގައިގެ ތަނެކެވެ. އަދި ކުރިއަށް އޮތް ތަނުގައި ހުޅުމާލޭގައިވެސް ޕިއްޒާ ބޯނާގެ އައުޓްލެޓެއް ހުޅުވުމުގެ މަސައްކަތް ކުރަމުން އަންނަ ކަމަށް އެފަރާތުން ބުންޏެވެ.

ޕިއްޒާ ބޯނާއިން ތަފާތު ގިނަ ވައްތަރުގެ ޕިއްޒާތައް ވިއްކަމުންދާއިރު އަބަދުވެސް އައު ރެސިޕީތަކަށް ޕިއްޒާތައް މާކެޓަށް ނެރެމުންގެންދެއެވެ.