raajjemv logo
އެމްއެމްއޭގެ ތަފާސްހިސާބު
ރާއްޖޭގެ އުފެއްދުންތެރިކަމުގެ ނިސްބަތް 2.7 ޕަސެންޓް އިތުރުވެއްޖެ
 
ރާއްޖޭގެ ޖީޑީޕީ 2.7 ޕަސެންޓް އިތުރުވެއްޖެ
 
ދައުލަތުންކުރާ ޚަރަދު 22.2 ބިލިއަން ރުފިޔާ އަރާނެ
 
ދައުލަތުން 2017 ވަނަ އަހަރު 21.9 ބިލިއަން ރުފިޔާގެ އާމްދަނީ ލިބޭނެ ކަމަށް ވަނީ ލަފާކޮށްފަ
ފާތިމަތު ޝަނާ މުހައްމަދު
3,608
ކ. މާލެ |
10 ފެބްރުއަރީ 2017 | ހުކުރު 18:23
އެމްއެމްއޭ
ގޫގުލް

ރާއްޖޭގެ އުފެއްދުންތެރިކަމުގެ ނިސްބަތް 2.7 ޕަސެންޓް އިތުރުވެފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފި އެވެ.

އެމްއެމްއޭ އިން އާއްމުކޮށްފައިވާ ތަފާސް ހިސާބުތަކުން ދައްކާ ގޮތުގައި ރާއްޖޭގެ އުފެއްދުންތެރިކަމުގެ ނިސްބަތް، 2016 ވަނަ އަހަރުގެ ނިޔަލަށް 2.7 ޕަސެންޓް އިތުރުވެފައިވާ އިރު، އުފެއްދުންތެރިކަމުގެ 23 ޕަސެންޓް ހިއްސާކުރަނީ ފަތުރުވެރިކަމުގެ ސިނާއަތެވެ.

ރާއްޖޭގެ އުފެއްދުންތެރިކަމުގެ 10 ފަސެންޓް ކޮމިއުނިކޭޝަން ދައިރާއަށް ހިއްސާކުރާ އިރު ނުވަ ޕަސެންޓް ހިއްސާ ކުރަނީ ކޮންސްޓްރަކްޝަންގެ ދާއިރާ އެވެ.

ރާއްޖޭގެ އުފެއްދުންތެރިކަމުގެ އެންމެ ބޮޑު ޕަސެންޓެއް ފަތުރުވެރިކަމުގެ ދާއިރާ ހިއްސާކުރާއިރު މިދިޔަ އަހަރުގެ ޑިސެމްބަރު މަހު އެކަނި ރާއްޖެއަށް 119،000 ފަތުރުވެރިން ޒިޔާރަތްކޮށްފައިވެ އެވެ. އެހެން ނަމަވެސް 2015 ވަނަ އަހަރުގެ ޑިސެންބަރު މަހާ އަޅައިބަލާއިރު ފަތުވެރިން ޒިޔާރަތްކުރި އަދަދަށް މާބޮޑު ބަދަލެއް އައިސްފައި ނުވެ އެވެ.

މި މުއްދަތުގެ ތެރޭގައި ޖުމްލަކޮށް ފަތުރުވެރިން ހޭދަކޮށްފައިވާ ރޭގެ އަދަދު ވަނީ ތިން ޕަސެންޓް އިތުރުވެފައެވެ. އަހަރުންއަހަރަށް ބަލާއިރު، ޑިސެމްބަރު މަހު ފަތުރުވެރިން ޒިޔާރަތްކުރި އަދަދު ޖުމްލަކޮށް އިތުރުވެފައިވަނީ އޭޝިއާގެ ޤައުމުތަކުން ކަމަށް އެމްއެމްއޭގެ ތަފާސް ހިސާބުތަކުން ދައްކަ އެވެ. އެގޮތުން އިންޑިޔާ އަދި މެލޭޝިއާއިން ޒިޔާރަތްކުރި ފަތުރުވެރިންގެ އަދަދު ވަނީ އިތުރުވެފަ އެވެ. ނަމަވެސް މި މުއްދަތުގެ ތެރޭގައި ޔޫރަޕުގެ ބޮޑެތި މާކެޓްތައްކަމުގައިވާ ޔޫކޭ އަދި ޖަރުމަނުންޒިޔާރަތްކުރި ފަތުރުވެރިންގެ އަދަދު ވަނީ ދަށްވެފަ އެވެ.

ދައުލަތުން މިއަހަރަށް ކަނޑައަޅާފައިވާ ބަޖެޓުގައި 21.9 ބިލިއަން އާމްދަނީގެ ގޮތުގައި ލިބޭނެ ކަމަށް އަންދާޒާކޮށްފައިވާ އިރު 22.2 ބިލިއަން ރުފިޔާ ޚަރަދު ކުރުމަށް ވަނީ ނިންމާފަ އެވެ. އެގޮތުން ބަޖެޓުން އެންމެ ބޮޑު ހޭދައެއް ކުރުމަށް ހަމަޖެހިފައިވަނީ ތަރައްގީގެ ބޮޑެތި މަޝްރޫއުތަކަށެވެ.

 

 

 

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ހުސެން ފިޔާޒް
0%
އަންތަރީސް ވެއްޖެ
0%
އުފާ ވެއްޖެ
0%
ދެރަ ވެއްޖެ
0%
ރުޅި ގަދަ ވެއްޖެ
0%
މޮޔަވެއްޖެ
0%
ލިޔުން ރަނގަޅު
ކޮމެންޓް