ވިލިމާލޭގައި ހިންގި މާރާމާރީއަކާ ގުޅިގެން ހައްޔަރު ކުރި ބަންގްލަދޭޝް މީހުންގެ ބަންދުގެ މުއްދަތު ޖަހައިފި
އެ މީހުންގެ ބަންދާމެދު ގޮތެއް ނިންމުމަށް ހޮނިހިރު ދުވަހު ކޯޓަށް ހާޒިރުކުރުމުން، އެ އެންމެންގެ ބަންދަށް ވަނީ 10 ދުވަސް ޖަހައި، ކަސްޓޯޑިއަލް ޖަލެއްގައި ބަންދު ކުރުމަށް އަމުރު ކޮށްފައި. ވަކިވަކިން ހުރި ކޯޓު އަމުރުތަކުގައިވާ ގޮތުން މި 4 މީހުންވެސް ހައްޔަރުކުރީ އިޖުރާއަތާ އެއްގޮތަށް.
މާރާމާރީގައި ހައްޔަރުކުރި 4 ބިދޭސީން | މޯލްޑިވްސް ޕޮލިސް
ވިލިމާލޭގައި މާރާމާރި ހިންގި މައްސަލައެއްގައި ބަންގްލަދޭޝް 4 ފިރިހެނުން ހައްޔަރުކޮށް ބަންދުގެ މުއްދަތު ޖަހައިފި އެވެ.
ފުލުހުން ބުނީ، މިދިޔަ ހުކުރު ދުވަހު ހަވީރު ހަތަރެއް ޖަހާކަންހާއިރު ވިލިމާލޭގައި ހިންގި މާރާމާރީއަކާ ގުޅިގެން ބަންގްލަދޭޝްގެ ހަތަރު ފިރިހެނަކު ހައްޔަރު ކޮށްފައިވާ ކަމަށެވެ.
އެއީ، 21 އަހަރުގެ ސަހިއްތަ ޚާން، 35 އަހަރުގެ މޫމިން މިއާ، 32 އަހަރުގެ މުހައްމަދު ހަސަން މިއާ އަދި 35 އަހަރުގެ ސޮރިފް މިއަހް އެވެ.
އެ މީހުންގެ ބަންދާމެދު ގޮތެއް ނިންމުމަށް ހޮނިހިރު ދުވަހު ކޯޓަށް ހާޒިރުކުރުމުން، އެ އެންމެންގެ ބަންދަށް ވަނީ 10 ދުވަސް ޖަހައި، ކަސްޓޯޑިއަލް ޖަލެއްގައި ބަންދު ކުރުމަށް އަމުރު ކޮށްފަ އެވެ. ވަކިވަކިން ހުރި ކޯޓު އަމުރުތަކުގައިވާ ގޮތުން މި 4 މީހުންވެސް ހައްޔަރުކުރީ އިޖުރާއަތާ އެއްގޮތަށެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
ރާއްޖޭގައި ގަވާއިދާ ހިލާފަށް ގިނަ އަދަދެއްގެ ބިދޭސީން ދިރިއުޅެމުން ގެންދާއިރު، ކުށުގެ ވެށިން އެމީހުން ހައްޔަރު ކުރާ މިންވަރު ވަނީ އިތުރުވެފަ އެވެ. އެގޮތުން މިދިޔަ ޑިސެންބަރު މަހުގެ ތެރޭގައި ވެސް އޮޅުވާލައިގެން އެހެން ބިދޭސީންގެ އަތުން ގިނަ އަދަދެއްގެ ފައިސާ ހޯދައި މަނީ ލޯންޑަރިންގްގެ އަމަލުތައް ހިންގަމުންދާ ކަމަށް ތުހުމަތުކުރެވޭ މައްސަލައެއްގައި 6 ބިދޭސީއަކު ހައްޔަރު ކޮށްފައިވެ އެވެ.
