މީލާދީ އައު އަހަރު 2026 ށް ދުނިޔެ މަރުހަބާ ކިޔައިފި
2026 ވަނަ އަހަރަށް ފުރަތަމަ މަރުހަބާ ކީ ޕެސިފިކް ސަރަހައްދުގެ ގައުމުތައް ކަމަށްވާ ކިރިބާސް އިން ފެށިގެން ފިޖީ، ޓޮންގާ، ސަމޯއާ، ގުއާމް އަދި ނިއުޒީލެންޑުން. އޮސްޓްރޭލިއާގެ ސިޑްނީ ގައި ބަޑިބޭހުގެ ކުލަގަދަ ޝޯވަކުން އައު އަހަރު ފާހަގަކުރި ނަމަވެސް ޑިސެމްބަރު މަހުގެ ކުރީކޮޅު ބޮންޑައި ބީޗްގައި ހިނގި ޓެރަރިސްޓް ހަމަލާގެ ހިޔަނި އަދިވެސް އެޅިފައިވޭ.
ސިޑްނީ ގައި 2026 ވަނަ އަހަރަށް މަރުހަބާ ކީ ބަޑިބޭހުގެ ކުލަގަދަ ހަރަކާތްތަކާ އެކު
މީލާދީ އައު އަހަރު - 2026 ދުނިޔެ އާ ބައްދަލު ކުރި އިރު އެންމެ ފުރަތަމަ އައު އަހަރަށް މަރުހަބާ ކީ ޕެސިފިކް ގައި އޮންނަ ޖަޒީރާ ގައުމެއް ކަމަށްވާ ކިރިބާސް އިންނެވެ. އައު އަހަރަށް އެންމެ ފުރަތަމަ މަރުހަބާ ކިޔާ މީހުންގެ ތެރޭގައި ހިމެނުމަށް އެތައް ފަތުރުވެރިންނެއް ކިރިބާސް އަށް ވަނީ ޒިޔާރަތް ކޮށްފަ އެވެ.
އޮސްޓްރޭލިއާގެ ސިޑްނީ ގައި 2026 ވަނަ އަހަރަށް މަރުހަބާ ކީ ބަޑިބޭހުގެ ކުލަގަދަ ޝޯވ އަކުންނެވެ. އޮސްޓްރޭލިއާ ގައި ކުލަގަދަ ކޮށް އައު އަހަރު ފާހަގަ ކުރި ނަމަވެސް ޑިސެމްބަރު މަހުގެ ކުރީކޮޅު ބޮންޑައި ބީޗްގައި ހިނގި ޓެރަރިސްޓް ހަމަލާގެ ހިޔަނި އެޅިފައިވާ ކަމަށް ރިޕޯޓުތައް ބުނެ އެވެ.
އައު އަހަރު ދުނިޔެ އާ ފުރަތަމަ ބައްދަލު ކުރީ ޕެސިފިކް ސަރަހައްދުން ކަމަށް ވުމާއެކު ފިޖީ، ޓޮންގާ، ސަމޯއާ، ގުއާމް، އަދި ނިއުޒީލެންޑް ގައި ވެސް އައު އަހަރު ވަނީ ފާހަގަ ކޮށްފަ އެވެ. ނިއުޒީލެންޑުގެ ޗެތަމް ޖަޒީރާ ގައި 2026 ވަނަ އަހަރު ފެށުނީ، އެންމެ ފުރަތަމަ އައު އަހަރު ބައްދަލު ކުރި ކިރިބާސް ގެ ކްރިސްމަސް އައިލެންޑުން އައު އަހަރަށް މަރުހަބާ ކީތާ 15 މިނެޓް ފަހުންނެވެ.
ބައެއް މީހުން އައު އަހަރު ފާހަގަ ކުރުމުގައި އެއް ފަހަރަށް ވުރެ ގިނަ ފަހަރު ބައިވެރިވުމުގެ ގޮތުން ޕެސިފިކްގެ ޖަޒީރާ އެއްގައި އައު އަހަރު ފާހަގަ ކުރުަމަށްފަހު "ޓައިމް-ޓްރެވަލް" ކޮށްގެން އެހެން ސަރަހައްދަކަށް ދަތުރު ކޮށް އަނެއްކާ ވެސް އައު އަހަރު ފާހަގަކުރެ އެވެ.
