އޮސްޓްރޭލިއާ ގެ މަޝްހޫރު ބޮންޑީ ބީޗުގައި ނުރައްކާތެރި ހަމަލާ ތަކެއް، ދެ މީހަކު ހައްޔަރު ކޮށްފި

އޮސްޓްރޭލިއާ ގެ ސިޑްނީގެ މަޝްހޫރު ބޮންޑީ ބީޗުގައި ނުރައްކާތެރި ހަމަލާއެއް ދީ އެތައް ބަޔަކަށް އަނިޔާވެފައިވާއިރު، ދެ މީހަކު ހައްޔަރު ކޮށްފައިވާ ކަމަށް އޮސްޓްރޭލިއާގެ ފުލުހުން ހާމަ ކޮށްފި އެވެ. 

ނިއު ސައުތު ވޭލްސްގެ އެމްބިއުލާންސް ޚިދުމަތުގެ ތަރުޖަމާނު ބުނެފައި ވަނީ އެ ހަމަލާގައި ތޭރަ މީހަކު ހޮސްޕިޓަލް އަށް ގެންގޮސްފައިވާ ކަމަށެވެ. އަދި އަވަސް ފަރުވާ އާއި ޚިދުމަތް ދެމުން އަންނަ ޓީމު ތަކުން ޙާލަތު ބަލަމުން އަންނަ ކަމަށާއި، އަނިޔާވި މީހުންނަށް ފަރުވާ ދެމުން އަންނަ ކަމަށް ބުނެފައިވެ އެވެ. 

އޮސްޓްރޭލިއާގެ ބޮޑު ވަޒީރު އެންތަނީ އަލްބަނީސް ވަނީ މިއީ ކަންބޮޑުވާން ޖެހޭ ހާދިސާއެއް ކަމަށް ސިފަ ކުރައްވައިފަ އެވެ. އަދި އެކަމުން ލިބިވަޑައިގެންނެވީ ކުއްލި ހައިރާން ކަމެއް ކަަމަށާއި، ސަރުކާރާއި، ކުއްލި ޚިދުމަތް ދެމުން އަންނަ ފަރާތްތަކުން ޙަރަކާތްތެރި ވަމުން އަންނަ ކަމަށް ވެސް ވިދާޅުވެފައިވެ އެވެ. 

ހަމަލާގެ ތަފްސީލް ދެމުން މީހަކު ބުނެފައި ވަނީ ބިން މައްޗަށް ވެއްޓިފައި ވެސް 10 މީހަކު އޮތް ކަމަށާއި، އެ ސަރަހައްދު އޮތީ ލެއިން ތަތް ތެޅިފައި ކަމަށެވެ. އެ ސަރަހައްދުގައި އެ ވަގުތު އިންތިހާާ އަށް ބިރުވެރިކަން އޮތް ކަމަށާއި، އޭނާ ވެސް ހުންނަން ޖެހުނީ ހާސްވުމެއްގެ ތެރޭގައި ކަމަށް، އުމުރުން 31 އަހަރުގެ ހެރީ ވިލްސަން ބުނެފައިވެ އެވެ.

ރިޕޯޓުތައް ބުނާ ގޮތުގައި މިހާތަނަށް ހާދިސާ ގައި 10 މީހުން މަރުވެ، މަދުވެގެން 12 މީހުން ވަނީ ޒަޚަމްވެފަ އެވެ. 

އެ ހަމަލާއާ ގުޅިގެން އިޒްރޭލު ގެ ރައީސް އައިޒަކް ހާޒޮގް ވިދާޅުވެފައި ވަނީ އެއީ ބީޗަށް ގޮސް އުޅުނު ޔަހޫދީ ބަޔަކަށް އަމާޒު ކޮށް ދީފައިވާ ހަމަލާއެއް ކަމަށެވެ. 

ދުނިޔޭގެ އެންމެ މަޝްހޫރު ބީޗު ތަކުގެ ތެރޭގައި ވެސް ހިމެނޭ ބޮންޑީ ބީޗަކީ އާންމުކޮށް އާންމު ރައްޔިތުން އަދި ފަތުރުވެރިން ވެސް ގިނަ އަދަދަކަށް ގޮސް އުޅޭ ތަނެކެވެ. ޚާއްސަކޮށް ހޫނު މޫސުމުގެ ދުވަސް ތަކާއި، ހަފުތާ ބަންދު ދުވަސް ތަކުގައި އެ ސަރަހައްދަށް ގިނަ ބަޔަކު އެއްވާއިރު، އެ ސަރަހައްދު އޮންނަނީ ތޮއްޖެހިފަ އެވެ.

އޮސްޓްރޭލިއާގެ ޔަހޫދީގެ އެގްޒެކްޓިވް ކައުންސިލްގެ އިސް އޮފިސަރެއް ކަމަށްވާ އަލެކްސް ރިވްޗިން ބުނީ، އެ ހަމަލާ ދީފައި ވަނީ ޔަހޫދީންގެ ބަޔަކަށް އަމާޒު ކޮށްގެން ކަމަށް ބެލެވޭ ކަމަށެވެ. އަދި އެއީ އެގޮތަށް ވެއްޖެ ކަމެއް ނަމަ، އެއީ ހިތަށް ވެސް ނާރާހާ ބިރުވެރި ކަމެއް ކަމަށް އޭނާ ބުންޏެވެ. އެ ހަމަލާގައި އޭނާގެ މީޑިއާ އެޑްވައިޒަރަށް ވެސް އަނިޔާވެފައިވާ ކަމަށް ހާމަ ކޮށްފައިވެ އެވެ. 

ސޯޝަލް މީޑިއާގައި ދައުރު ވަމުން އަންނަ ވީޑިއޯ ތަކުން ފެންނަނީ ބީޗާ ކައިރީގައި ހުރި ޕާކުގައި މީހުން ހިނގާ ބިނގާވެ އުޅެނިކޮށް، ކުއްލި އަކަަށް ހަމަލާގެ ވަޒަން ތަކުގެ އަޑު ފަށްގަނޑު އިވޭ މަންޒަރެވެ. މި ހަމަލާ އަކީ ސިޑްނީގެ ލިންޑުޓް ކެފޭގައި ދިން ހަމަލާ އަށް ފަހު، މިހާތަނަށް ހިނގި މިފަދަ އެންމެ ބޮޑު ހާދިސާ ކަމަށް ފާހަގަ ކޮށްފައިވެ އެވެ.