ހައުސިން މިނިސްޓަރު ޑރ. އަބްދުﷲ މުއްތަލިބް ވިދާޅުވީ ކުރީ ސަރުކާރުން ނެރުނު ދެވަނަ ބުރުގެ ފުލެޓު ލިސްޓަށް ކޮންސިޑަރ ނުކުރާނެ ކަމަށާއި އެ ލިސްޓުން 400 އަށްވުރެ ގިނަ މީހުން ކެންސަލް ކޮށްފައިވާ ކަމަށެވެ. އެހެން ނަމަވެސް ރައްޔިތުންނާ ގާތުން ބޭއްވި ބައްދަލުވުމުގައި އާންމުން ބުނީ ފުލެޓު ނުލިބޭ ސަބަބު ނުބުނެ އިތުރު ފުރުސަތެއް ވެސް ދީފައި ނުވާ ކަމަށެވެ. މިނިސްޓަރު ވިދާޅުވީ ކެންސަލް ކުރި ހުރިހާ ފަރާތްތަކަށް ވެސް ފުރުސަތު ދީފައިވާނެ ކަމަށެވެ.
ހައުސިން މިނިސްޓަރު ޑރ. އަބްދުﷲ މުއްތަލިބް
ކުރީގެ ރައީސް އިބްރާހިމް މުހައްމަދު ސޯލިހު ގެ ސަރުކާރުން އާންމު ކުރި ފުލެޓު ލިބޭ މީހުންގެ ލިސްޓް އިން މިސަރުކާރުން އުނި ކުރި މީހުންގެ އަދަދު އެނގިވަޑައިނުގަންނަވާ ކަމަށް ހައުސިން މިނިސްޓަރު ޑރ. އަބްދުﷲ މުއްތަލިބް ވިދާޅުވެއްޖެ އެވެ.
ކޮންސްޓްރަކްޝަން މިނިސްޓްރީ އިން ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން މިނިސްޓަރު މުއްތަލިބް ވިދާޅުވީ، ކުރީ ސަރުކާރުން ނެރުނު ދެވަނަ ބުރުގެ ފުލެޓު ލިސްޓުގައި ފުލެޓު ލިބޭ މީހުން ގެ ލިސްޓް އަށް އެއްވެސް ވަރަކަށް ކޮންސިޑަރ ނުކުރާނެ ކަމަށެވެ. އަދި ފުލެޓު ލިބޭނެ ކަމަށް ލިސްޓު ގައި ވާ ފަރާތްތަކުގެ ތެރެއިން ޝަރުތު ހަމަ ނުވާ ފަރާތްތައް އުނި ކޮށްފައިވާނެ ކަމަށާއި އެ ފަރާތްތަށް އެއްބުރުން އުނި ކުރުމުގެ ބަދަލުގައި ކަންކަން ޕުރޫފް ކޮށްދޭން ފުރުސަތު ދީފައިވާނެ ކަމަށް ވެސް މުއްތަލިބު ވިދާޅުވި އެވެ.
އަޅުގަނޑުމެން މިހާރު މިސަރުކާރުން އިންސާފުވެރިކަމާއެކު ހަމަހަމަކަމާއެކު ގެންދަން އުސޫލެއް ޕޮލިސީއެއް އިއުލާން ކޮށް ކަނޑައަޅައި އުސޫލެއް އިުލާން ކޮށްގެން މި ކުރިއަށް ގެންދަނީ އެހެންވީމަ އަޅުގަނޑުމެން މިސަރުކާރުން އަޅަ ފުލެޓު ތައް ދޭނީ އުސޫލުގެ ތެރއިން އެޕްލައި ކުރާ ފަރާތްތަކަށް. އެހެންވިމަ އަޅުގަނޑުމެން އެއްވެސް ވަރަކަށް ތިވިދާޅުވާ ދެނަވަ ބުރުގަ އެ ނެރެފައި އޮތް ލިސްޓަކަށް އެއްވެސް ވަރަކަށް ކޮންސިޑަރ ނުކުރާނެ ވާހަކަ ދަންނަވާލަންހައުސިން މިނިސްޓަރު ޑރ. އަބްދުﷲ މުއްތަލިބް
ފުލެޓު ލިބޭ މީހުން ގެ ލިސްޓުން އުނި ކުރި މީހުންގެ އަދަދު ހާމަ ނުކުރުމުން ދެވަނަ ފަހަރަށް އެ ސުވާލު ތަކުރާރުކުރުމުން މިނިސްޓަރު ވިދާޅުވީ ފުލެޓު ކެންސަލް ކުރި މީހުންގެ ލިސްޓު 400 އިން މަތި ވާނެ ކަމަށާއި އަދިވެސް ރިވިއުގަ ބައިވަރު މީހުން އެބަތިބި ކަމަށެވެ. އަދި އެއްވެސް ފަރާތަކަށް ފުރުސަތު ނުދީ ކެންސަލް ކޮށްފައި ނުވާނެ ކަން ފާހަގަ ކުރައްވާ މިނިސްޓަރު ވިދާޅުވީ ކެންސަލް ކުރި ހުރިހާ ފަރާތްތަކަށް ވެސް ފުރުސަތު ދީފައިވާނެ ކަމަށެވެ.
އެހެން ނަމަވެސް ރައީސް ޑރ. މުހައްމަދު މުޢިއްޒު ރައްޔިތުންނާއި ގާތުން ނަމުގައި ބޭއްވި ބައްދަލުވުން ތަކުގައި އާންމުންގެ ފަރާތުން އިވުނު އެންމެ ބޮޑެތި ޝަކުވާތަކު ގެ ތެރޭގައި ފުލެޓު ނުލިބޭކަމުގެ ސިޓީ ހައުސިންގ މިނިސްޓްރީ އިން ފޮނުވާފައިވާ ވަހަކަ ހިއްސާ ކޮށްފައިވެ އެވެ. އެގޮތުން އެފަރާތްތަކުން ބުނީ އެ ސިޓީ ތަކުގައި ފުލެޓު ނުލިބޭ ސަބަބު ބުނެދީފައެއް ނުވެ އެވެ. އަދި އެފަރާތްތަކަށް އިތުރު ފުރުސަތެއް ވެސް ދީފައި ނުވާ ކަމަށް އެ ބައްދަލުވުންތަކުގައި އާންމުން އައީ ބުނަމުންނެވެ.
އޭގެ އިތުުރުން އެ ލިސްޓު އަލުން ރިވިއު ކޮށްދިނުމަށް ވެސް ރައްޔިތުންގެ ބައްދަލުވުމުގައި ވަނީ އެދިފަ އެވެ. އެހެން ނަމަވެސް ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ އެއްވެސް ވަރަކަށް އެލިސްޓް ކޮންސިޑަރ ނުކުރައްވާނެ ކަމަށެވެ.
