އެމެރިކާ ސިފައިންގެ ފަރާތުން ޕެސިފިކް އަދި ކެރިބިއަން ސަރަހައްދުގައި މަސްތުވާތަކެތީގެ ވިޔަފާރިކުރާ ކަމަށް ތުހުމަތުކުރާ 20 އަށްވުރެ ގިނަ ބޯޓަކަށް ހަމަލާދީ، މަދުވެގެން 90 މީހުން މަރާލާފައިވެއެވެ. ބައެއް ގާނޫނީ ތަޖުރިބާކާރުން ބުނަނީ އެ ހަމަލާތަކަކީ ބައިނަލްއަގުވާމީ ގާނޫނާ ޚިލާފު ހަމަލާތަކެއް ކަމަށް.
ޑިސެމްބަރު 15 ވަނަ ދުވަހު، ސެކްރެޓަރީ ޕީޓް ހެގްސެތު ގެ އިރުޝާދުގެ މަތިން ޖޮއިންޓް ޓާސްކްފޯސް ސަދަން ސްޕިއާރ އިން ވަނީ ބައިނަލްއަޤްވާމީ ކަނޑުތަކުގައި ތިން އުޅަނދަކަށް ހަމަލާދީފައި
އެމެރިކާގެ ސިފައިން ބުނެފައިވަނީ ޕެސިފިކް ކަނޑުގައި މަސްތުވާތަކެތީގެ ވިޔަފާރިކުރާ ކަމަށް ތުހުމަތުކުރާ ތިން ބޯޓަކަށް ހަމަލާދީ، އަށް މީހުން މަރާލާފައިވާ ކަމަށެވެ.
އެމެރިކާގެ ސަދާން ކޮމާންޑުން ސޯޝަލް މީޑިއާގައި ހަމަލާތަކުގެ ފޮޓޯތައް ޝާއިއުކޮށް ބުނެފައިވަނީ އެ ބޯޓުތައް "މަސްތުވާތަކެތީގެ ވިޔަފާރިކުރާ ކަމަށް އެނގިފައިވާ މަގުތަކުގައި ދަތުރުކުރަމުން އައިސް... މަސްތުވާތަކެތީގެ ވިޔަފާރިކުރުމުގައި އުޅުނު" ކަމަށެވެ.
ރައީސް ޑޮނަލްޑް ޓްރަމްޕް އެ ސަރަހައްދުގައި މަސްތުވާތަކެތި އުފުލާ ކަމަށް ތުހުމަތުކުރާ ގުރޫޕުތަކާ ދެކޮޅަށް ކުރިއަށްގެންދާ ވަރުގަދަވަމުންދާ ކެމްޕޭނެއްގެ ބައެއްގެ ގޮތުން، ފަހުގެ މަސްތަކުގައި ޕެސިފިކާއި ކެރިބިއަންގައި 20 އަށްވުރެ ގިނަ ބޯޓަކަށް ހަމަލާދީ، މަދުވެގެން 90 މީހުން މަރާލާފައިވެއެވެ.
ބައެއް ތަޖުރިބާކާރުން ބުނާގޮތުގައި މި ހަމަލާތަކުން ހަނގުރާމައިގެ ހަމަތަކަށް ހުއްދަދޭ ގާނޫނުތަކަށް ފުށުއަރާނެއެވެ.
އެމެރިކާ އިން ސެޕްޓެމްބަރު 2 ގައި ދިން ފުރަތަމަ ހަމަލާ އަކީ ވަކިން ސަމާލުކަން ލިބިފައިވާ ހަމަލާއެކެވެ. އެ ދުވަހު ފުރަތަމަ ދިން ހަމަލާ އިން ސަލާމަތްވި މީހުންނަށް ދެވަނަ ހަމަލާ އެއް ދީ އެމީހުން ވަނީ މަރާލާފަ އެވެ.
ގިނަ ގާނޫނީ ތަޖުރިބާކާރުން ބުނެފައިވަނީ ވެނެޒުއެލާގެ މަސްތުވާތަކެތީގެ ބޯޓެއް ކަމަށް ބުނާ ބޯޓަކަށް އެމެރިކާގެ ސިފައިން ދިން ދެވަނަ ހަމަލާއަކީ ގާނޫނާ ޚިލާފު ހަމަލާއެއް ކަމަށާއި، އަދި ބައިނަލްއަގުވާމީ ގާނޫނުގެ ދަށުން އެއީ ގާނޫނީ އިޖުރާއަތެއް ނެތި މީހުން މަރާލުމެއް ކަމުގައި ބެލޭނެ ކަމެއް ކަމަށެވެ.
އިންޓަނޭޝަނަލް ކްރިމިނަލް ކޯޓުގެ ކުރީގެ ޗީފް ޕްރޮސެކިއުޓަރު ބީބީސީވއަށް ބުނެފައިވަނީ އެމެރިކާގެ ސިފައިންގެ ކެމްޕޭނަށް އާންމު ގޮތެއްގައި ބަލާއިރު، އެއީ އާންމުންނާ ދެކޮޅަށް ރާވައިގެން ނިޒާމީ ގޮތެއްގައި ދިން ހަމަލާއެއްގެ ގޮތުގައި ހިމެނޭ ކަމެއް ކަމަށެވެ.
މި ވާހަކަތަކަށް ރައްދު ދެމުން ވައިޓް ހައުސްއިން ބުނެފައިވަނީ، އެމެރިކާ އަށް "ޒަހަރު" ގެންނަ އަދި އެމެރިކާގެ ރައްޔިތުންގެ ދިރިއުޅުން ހަލާކުކުރާ" ކާޓެލްތަކުން އެ ގައުމު ރައްކާތެރިކުރުމަށް ހުއްދަދޭ ގާނޫނުތަކާ އެއްގޮތަށް އަމަލުކޮށްފައިވާ ކަމަށެވެ.
ވެނެޒުއެލާ އިން އެމެރިކާ އަށް މަސްތުވާތަކެތި ފޮނުވާ ކަމަށް ތުހުމަތުކޮށް، މި ފާއިތުވި ދެތިން މަސް ދުވަހުގެ ތެރޭގައި ރައީސް ނިކޮލަސް މަދޫރޯ އެކަހެރި ކުރުމަށް ކުރާ މަސައްކަތް ވަރުގަދަކޮށްފައިވެއެވެ.
