މަސްވެރިންގެ ކަންބޮޑުވުންތަކަށް ބީރު ކަންފަތެއް ދެއްވާ، ރައީސް މުޢިއްޒު މަސްވެރިންގެ ދުވަސް ފާހަގަ ކުރެއްވުމަށް ދުވާފަރަށް ވަޑައިގެންފި
10 ޑިސެމްބަރުގައި ފާހަގަކުރާ މަސްވެރިންގެ ދުވަހާއި ގުޅިގެން ބޮޑުކަންނެލި މަސްވެރިން 49 ދޯންޏާއެކު ކަނޑުމަތީގައި އިހިތިޖާޖު ކުރަމުންދާއިރު، ރައީސް މުޢިއްޒު އަދި އެމަނިކުފާނުގެ އަނބިކަނބަލުން ދުވާފަރަށް ވަޑައިގެންފި. މަސްވެރިން ޑިމާންޑް ކުރަނީ މިފްކޯއަށް ކަންނެލި ގަތުމާއި 80-100 ރުފިޔާގެ އަގުހަމަ ކުރުމާއި ބޭސް ރޭޓުގައި ތެޔޮ ފޯރުކޮށްދިނުމަށެވެ. ރައީސް މުޢިއްޒު ދުވާފަރަށް ވަޑައިގަތީ ތަރައްޤީގެ މަސައްކަތްތައް ފައްޓަވައި މަސްވެރިންގެ ދުވަހުގެ ރަސްމީ ޖަލްސާގައި ބައިވެރިވުމަށެވެ
މަސްވެރިންގެ ކަންބޮޑުވުންތަކަށް ބީރު ކަންފަތެއް ދެއްވާ ރައީސް މުޢިއްޒު ދުޥާފަރަށް
ބޮޑު ކަންނެލި މަސްވެރިކަމުގައި ހުރި ކަންބޮޑުވުންތަކަށް ސަރުކާރުން އެދެވޭ ހައްލެއް ހޯދައިދީފައި ނުވާ ކަމަށް ބުނެ، ޑިސެމްބަރު މަހުގެ 10 ވަނަ ދުވަހުން ފެށިގެން ބޮޑު ކަންނެލި މަސްވެރިން އިހުތިޖާޖު ކުރި ނަމަވެސް، މަސްވެރިންގެ ކަންބޮޑުވުންތަކަށް ބީރު ކަންފަތެއް ދެއްވައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު ރ ދުވާފަރަށް ވަޑައިގެންފި އެވެ.
10 ޑިސެމްބަރުގައި ފާހަގަކުރާ މަސްވެރިންގެ ދުވަހާއި ގުޅިގެން ބޮޑުކަންނެލި މަސްވެރިން ވަނީ ކަނޑުމަތީގައި އިހިތިޖާޖު ކޮށްފަ އެވެ. 49 ދޯންޏާއެކު ފެށި އިހުތިޖާޖުގައި ބޮޑުކަންނެލި މަސްވެރިން ޑިމާންޑް ކުރަމުން އަންނަނީ މި ސަރުކާރުން އެ މަސްވެރިންނަށް ވި ވައުދުތައް ފުއްދައިދިނުމަށާއި މަސްވެރިންގެ ޑިމާންޑްތައް ފުރިހަމަ ކޮށްދިނުމަށެވެ.
އެގޮތުން ސަރުކާރު ގެ މަސްކުންފުނި މިފްކޯއަށް ބޮޑު ކަންނެލި ގަންނަން ފެށުން، ކަންނެލި ގަނެވޭނެ އެންމެ ދަށް އަގަކީ 80 ރުފިޔާ އަދި 100 ރުފިޔާ ކަމަށް ހެދުން އަދި މަސްވެރިންނަށް ބޭސް ރޭޓުގައި ތެޔޮ ފޯރު ކޮށްދިނުމަށާއި، ފަސޭހައިން އައިސް ލިބޭނޭ އިންތިޒާމު ހަމަޖެއްސުން ހިމެނެ އެވެ.
ރައީސް އޮފީހުން ބުނީ، ރައީސް މުޢިއްޒު ހޮނިހިރު ދުވަހު ރ ދުވާފަރު އަށް ވަޑައިގަތީ އެއް ދުވަހުގެ ދަތުރު ފުޅެއްގައި ކަމަށާއި މި ދަތުރުފުޅުގައި ދުވާފަރުގެ ތަރައްޤީގެ ގިނަ މަޝްރޫޢުތަކެއްގެ އަމަލީ މަސައްކަތް ފައްޓަވައި ބައެއް މަސައްކަތްތަކުގެ ނިމުން ފާހަގަ ކުރެއްވުމަށް ވަނީ ހަމަޖެހިފައި ކަމަށެވެ.
އޭގެ އިތުރުން މި ދަތުރުފުޅުގައި، ހޮނިހިރު ދުވަހުގެ ރޭ ބޭއްވުމަށް ހަމަޖެހިފައިވާ މި އަހަރުގެ މަސްވެރިންގެ ދުވަހުގެ ރަސްމީ ޖަލްސާ އަދި މަސްވެރިންގެ ދުވަސް ފާހަގަކުރުމަށް ދުވާފަރުގައި މިހާރު ކުރިއަށްދާ އެކި އެކި ހަރަކާތްތަކުގައި ވެސް ރައީސް މުޢިއްޒު ބައިވެރިވެ ވަޑައިގަންނަވާނެ ކަމަށް ރައީސް އޮފީހުން ބުނެ އެވެ.
މި ދަތުރުފުޅުގައި، ރައީސް މުޢިއްޒު ގެ އަރިހުގައި ބައެއް ވަޒީރުންނާއި ސަރުކާރުގެ ބައެއް މުއައްސަސާތަކުގެ އިސްވެރިން ބައިވެރިވެ ވަޑައިގަންނަވަ އެވެ.
ފާހަގަކޮށްލެވޭ ގޮތުގައި ބޮޑު ކަންނެލީގެ މަސްވެރިން ކުރަމުން ގެންދާ މުޒާހަރާގެ ތެރެއިން ހައްޔަރުކުރި ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު މައުރޫފް ޒާކިރު ގެ އިތުރުން ހައްޔަރު ކުރި އިތުރު ތިން މީހުން ގެ ބަންދަށް ކްރިމިނަލް ކޯޓުން ވަނީ 5 ދުވަސް ޖަހާފަ އެވެ.
