އައްޑޫ ހައި ސްކޫލުގައި ޓީޗަރަކު ދަރިވަރަކަށް އަނިޔާ ކުރާ ވީޑިއޯއެއް ސޯޝަލް މީޑިއާގައި ދަރުވަނީ
އައްޑޫ ހައި ސްކޫލުގައި ޓީޗަރަކު ދަރިވަރަކަށް އަނިޔާ ކުރަނީ
އައްޑޫ ހައި ސްކޫލުގައި ޓީޗަރަކު ދަރިވަރަކަށް އަނިޔާ ކުރާ ވީޑިއޯ އެއް ސޯޝަލް މީޑިއާ ގައި ދައުރުވާން ފަށައިފި އެވެ.
މިކަން ހިނގާފައިވަނީ ބުދަ ދުވަހު ސްކޫލު ގަޑީގައި ކަމަށް މައުލޫމާތު ލިބިފައިވެ އެވެ.
މި ވީޑިއޯ އިން ފެންނަ ގޮތުގައި ޓީޗަރު ސްކޫލު ކުއްޖާގެ ބުރަކަށި މައްޗަށް އަރާ އަނިޔާ ކުރަމުންދާ މަންޒަރު ފެނެ އެވެ. އަދި އެކުއްޖާވެސް ފަހުން ޓީޗަރަށް ހަމަލާ ދޭ މަންޒަރު ފެނެ އެވެ.
މި ހަދިސާ ހިނގަން މެދުވެރިވި ސަބަބެއް ކަމަށް، މަންޒަރު ދުށް ބައެއް ކުދިން ރާއްޖެއެމްވީ އަށް ބުނެފައިވަނީ، ދަރިވަރު ފޯނުން އޯޑިއޯ އެއް ޕްލޭ ކުރުމުން އެކަމާއި، ބިދޭސީ ޓީޗަރު ހިތް ހަމަ ނުޖެހިގެން ފޯނު އަތުލުމަށް، ދަރިވަރު ގަޔަށް ފުރަތަމަ އަތްލައި މާރާމާރީ ހިންގާ ދަރިވަރު ބިން މައްޗަށް ވައްޓާލާ ކަމަށެވެ. އެއަށް ފަހު ދަރިވަރު ފަހުން ތެދުވެ، ޓީޗަރު މޫނު މަތީގަ ޖަހައި، ޓީޗަރާއި ކުއްޖާއާއި ދެމެދު މާރާމާރީ ހިންގާ މަންޒަރު ފެނެ އެވެ.
މިއީ އައްޑޫ ހައި ސްކޫލުގެ ގްރޭޑް 12 ގައި ކިޔަވަމުންދާ ކްލާހުގައި ހިނގި ހަދިސާ އެއް ކަމަށް ވަނީ މައުލޫމާތު ލިބިފަ އެވެ.
މިކަމާއި ގުޅިގެން ބަހެއް ހޯދުމަށް ރާއްޖެއެމްވީ ސްކޫލުގެ ޕްރިންސިޕަލް އަށް ގުޅާލުމުން ފޯނަށް ޖަވާބެއް ނުދެއްވަ އެވެ.
