ހަފްތާ އެއްގެ ތެރޭގައި އައި ދެވަނަ ތޫފާނު ގައި ފިލިޕީންސް ގައި 6 މީހުން މަރުވެއްޖެ
11 ނޮވެމްބަރު 2025 | އަންގާރަ 08:25ހަފްތާއެއްހާ ދުވަހުގެ ތެރޭގައި ދެވަނަ ތޫފާނެއް ފިލިޕީންސް އަށް އަރާ ބޮޑެތި ގެއްލުންތަކެއް ވަނީ ދީފައި، ސުޕަ ޓައިފޫން ފަންގް-ވޮންގް ގެ ސަބަބުން ފެންބޮޑުވުމާއި ބިންގަނޑު ކަނޑައިގެން ދިއުމާ އެކު މަދުވެގެން ހަވަނަ މީހުން މަރުވެ، މުޅި ޕްރޮވިންސްތަކުގައި ކަރަންޓު ކެނޑިފައިވޭ.
ފިލިޕީންސް އަށް ތޫފާން ފަންގް ވޮންގް އެރުމުގެ ކުރިން 1.4 މިލިއަނަށް ވުރެ ގިނަ މީހުން ވަނީ އެހެން ސަރަހައްދުތަކަށް ބަދަލު ކޮށްފައި
ހަފްތާއެއްގެ ތެރޭގައި އައި ދެވަނަ ތޫފާނުގައި ފިލިޕީންސްގައި 6 މީހުން މަރުވެއްޖެ އެވެ.
މި ހާދިސާ ހިނގީ މީގެ ހަފްތާ އެއްހާ ދުވަސް ކުރިން އެ ގައުމަށް އެރި ވަރުގަދަ ތޫފާނުގައި 200 އަށްވުރެ ގިނަ މީހުން މަރުވެފައި ވަނިކޮށް ނެވެ.
ސުޕަ ޓައިފޫން ފަންގް-ވޮންގް ގެ ސަބަބުން ބޮޑު ސަރަހައްދެއް ގައި ފެންބޮޑުވވުމާއި ބިންގަނޑު ކަނޑައިގެން ދިޔުން ކުރިމަތިވި އެވެ. މީގެ އިތުރުން އެތައް ޕްރޮވިންސްތަކުގައި ކަރަންޓު ވަނީ ކެނޑިފައެވެ.
ތޫފާނުގެ އެރުމުގެ ކުރިން އަސަރު ކޮށްފާނެ ކަމަށް ބެލޭ ސަރަހައްދުތަކުން 1.4 މިލިއަނަށްވުރެ ގިނަ މީހުން އެހެން ސަރަހައްދުތަކަށް ބަދަލު ކުރެވުނެވެ. ފިލިޕީންސް އަށް އެރި ތޫފާނުގެ ބާރު މިހާރު ކެނޑިފައިވާއިރު ތޫފާން މިހާރު ދަތުރު ކުރަމުން ދަނީ ތައިވާނާ ދިމާލަށެވެ. އެތަނުގައި 3000 އަށްވުރެ ގިނަ މީހުން ރައްކާތެރި ސަރަހައްދުތަކަށް ބަދަލުކުރެވިފައިވެއެވެ.
ފަންގް-ވޮންގް ނަން ދީފައިވާ މި ތޫފާނަކީ ފިލިޕީންސް އަށް މި އަހަރު އެރި 21 ވަނަ ތޫފާނެވެ.
ގަދަ ވިއްސާރަ އާ އެކު އާދީއްތަ ދުވަހުގެ ރޭ ލުޒޯން ގައިވާ އައުރޯރާ ޕްރޮވިންސް އަށް އެރި މި ތޫފާނުގައި ގަޑިއަކު ގާތްގަނޑަކަށް 185 ކިލޯމީޓަރާއި 230 ކިލޯމީޓަރާ ދެމެދުގެ ބާރުމިނުގެ ވައި ޖެހިފައި ވެއެވެ.
މިއީ ތޫފާން ކަލްމޭގީ އެ ސަރަހައްދަށް އަރާ އެތައް ހާސް މީހުން ހާލުގައި ޖެހިފައިވާ ދަނޑިވަޅެއްގައި ކުރިމަތިވި ނުރައްކާތެރި ގުދުރަތީ ކާރިސާ އެކެވެ.
