ފިލިޕީންސްގައި ޑޮކްޓަރުކަން ކިޔަވައި ނިންމި ދިވެހި ދަރިވަރަކު މަރުވެފައި އޮއްވައި ފެނިއްޖެ
26 ސެޕްޓެމްބަރު 2025 | ހުކުރު 18:42މައުލޫމާތި ލިބޭ ގޮތުގައި މަރުވެފައި އޮއްވައި ފެނުނު ދަރިވަރަކީ މުހައްމަދު ހުމައިދު
މާލެ މަގުމަތި
ފިލިޕިންސްގައި ޑޮކްޓަރުކަން ކިޔަވައި ނިންމުމަށްފަހު އެނބުރި ރާއްޖެ އަންނަން ތައްޔާރުވަމުންދިޔަ ދިވެހި ދަރިވަރެއް މަރުވެފައި އޮއްވައި ފެނިއްޖެ އެވެ.
މައުލޫމާތި ލިބޭ ގޮތުގައި މަރުވެފައި އޮއްވައި ފެނުނު ދަރިވަރަކީ ނ. ހޮޅުދޫ އަށް ނިސްބަތްވާ މުހައްމަދު ހުމައިދު އަހުމަދު (30 އަހަރު) އެވެ.
ލިބިފައިވާ މައުލޫމާތުތަކަށް ބަލާއިރު، ހުމައިދު އިއްޔެ ފިލިޕިންސްއިން ރާއްޖެ އައުމަށް ވަނީ ޓިކެޓް ނަގާފައި އެވެ. ނަމަވެސް ފްލައިޓަށް ހާޒިރުނުވުމާ ގުޅިގެން އޭނާ ދިރިއުޅެމުން އައި ގެ ބެލިއިރު މަރުވެފައި އޮއްވައި ވަނީ ފެނިފަ އެވެ.
ހުމައިދުގެ މަރުގެ މައްސަލަ ފިލިޕިންސް ފުލުހުން ވަނީ ތަހުގީގު ފަށާފައެވެ. އެހެންނަމަވެސް މިވަގުތާ ހަމައަށް އޭނާ މަރުވި ގޮތެއް އަދި ސާފުވެފައެއް ނުވެއެވެ. އަދި މި ހިތާމަވެރި ހާދިސާއާ ގުޅޭގޮތުން ރާއްޖޭގެ ކަމާބެހޭ އިދާރާތަކުން މިހާތަނަށް އެއްވެސް އެއްޗެއް ބުނެފައެއް ނުވެ އެވެ.
ފިލިޕިންސްގައި ތައުލީމު ހާސިލުކުރަމުންދިޔަ ހުމައިދު އެންމެ ފަހުން ރާއްޖެ އައިސްފައިވަނީ ކޮވިޑް-19 ގެ ބަލިމަޑުކަމުގެ ދުވަސްވަރުގައެވެ.
