"ބާދްޝާހޯ"އަށް 4 ދުވަހުން 43.30 ކުރޯޑް ރުޕީސް
ބާދްޝާހޯ" އަކީ 1975 ވަނަ އަހަރު އިންޑިއާގައި އިއުލާންކޮށްފައި އޮތް ކުއްލި ހާލަތުގެ މައްޗަށް ބިނާކޮށް ހަދާފައިވާ ފިލްމެއް
ބާދްޝާހޯގެ ޕޯސްޓަރ
އަޖޭދޭވްގަންގެ "ބާދްޝާހޯ" އަށް ހަތަރު ދުވަހުން 43.4 ކުރޯޑް އިންޑިއަން ރުޕީސް ލިބިއްޖެއެވެ.
މިއީ މި ފަހަކަށް އައިސް ހިންދީ ފިލްމަކަށް ކުޑަ ދުވަސްކޮޅެއްގެ ތެރޭގައި މިހާ ބޮޑު އާމްދަނީއެެއް ލިބުނު ފުރަތަމަ ފަހަރެވެ
"ބާދްޝާހޯ" ވަނީ 3242 ސްކްރީނެއްގައި އަޅުވާފައެވެ. އެ ފިލްމަށް ވަނީ އެޅުވި ފުރަތަމަ ދުވަހުވެސް 12 ކުރޯޑް ރުޕީސް ލިބިފައެވެ.
"ބާދްޝާހޯ" އަށް އެއްދުވަހަކުން އަނެއްދުވަހަކު ލިބޭ އާމްދަނީ އިތުރުވަމުންއަންނައިރު، އަންނަ ހަފްތާ ބަންދުގައި މިފިލްމުގެ އާމްދަނީ ވަރަށް ބޮޑުތަން ރަނގަޅުވާނެކަމަށް ބެލެވޭކަމަށް އިންޑިއާގެ ނޫސްތަކުގައި ވަނީ ބުނެފައެވެ.
މިލަން ލުތުރިއާގެ ޑައިރެކްޝަންގައި އުފައްދާފައިވާ "ބާދްޝާހޯ" އަކީ 1975 ވަނަ އަހަރު އިންޑިއާގައި އިއުލާންކޮށްފައި އޮތް ކުއްލިހާލަތުގެ މައްޗަށް ބިނާކޮށް ހަދާފައިވާ ފިލްމެކެވެ.
މި ފިލްމުގެ ލީޑު ރޯލުން ފެނިގެންދަނީ އަޖޭ ދޭވްގަންގެ އިތުރުން އިމްރާން ހާޝިމީ، އީޝާ ގުޕްތާ އަދި އިލިއާނާ ދި ކްރޫޒްއެވެ.
