ޕީއެންސީ އަކީ ސިޔާސީ ޕާޓިއެއް ނޫން، ވައްކަން ކުރަން ހަދާފައިވާ ޖަމާއަތެއް: މަލީހް
16 އޯގަސްޓު 2025 | ހޮނިހިރު 14:34ޕީއެންސީ އަކީ ވަގަށް މީހުން ވައްދައިގެން ކޯޓުން ހުކުމް ކުރި ހަމައެކަނި ޕާޓީ
މުޙައްމަދު މަލީހް ޖަމާލް - ވޭކް އަޕް" އިވެންޓާ ބެހޭ ގޮތުން ޕީ.އެން.އެފްއިން ބޭއްވި ނޫސްވެރިންގެ ބައްދަލުވުމުގެ ތެރެއިން
ޕީއެންސީ އަކީ ވައްކަން ކުރުމަށް ހަދާފައިވާ ޖަމާއަތެއް ކަމަށް ޕީއެންއެފްގެ ސެކެރެޓަރީ ޖެނެރަލް އަދި ކުރީގެ ސައިންސް މިނިސްޓަރު މުޙައްމަދު މަލީހް ޖަމާލް ވިދާޅުވެއްޖެއެވެ.
"ވޭކް އަޕް" އިވެންޓާ ބެހޭ ގޮތުން ޕީ.އެން.އެފްއިން ހޮނިހިރު ދުވަހު ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން މަލީހް ވިދާޅުވީ، ޕީއެންސީ އަކީ ސިޔާސީ ޕާޓިއެއް ނޫން ކަމަށާއި އެއީ ވައްކަން ކުރުމަށް ހަދާފައިވާ ޖަމާއަތެއް ކަމަށެވެ.
މަލީހް ވިދާޅުވީ، ޕީއެންސީ ފިޔަވާ ރާއްޖޭގެ އެއްވެސް ސިޔާސީ ޕާޓިއަކަށް ވަގަށް މީހުން ވައްދައިގެން ކޯޓުން ހުކުމް ކުރި އެހެން ޕާޓީއެއް ނޯންނާނެ ކަމަށެވެ.
ޕީއެންސީއަށް މީހުން ވެއްދީ ވަގަށް، ޕީޕީއެމްގައި ތިއްބެވި ރައީސް ޔާމީންގެ ސިޔާސީ ފަލްސަފާއަށް ތާއީދު ކުރާ ދީނީ ވަތަނީ ގައުމީ ބޭބޭފުޅުން ތިއްބެވި ޕާޓިއެއް، އެބޭފުޅުން އަދިވެސް ބުނަނީ ތިމަންނަމެއް އަދިވެސް އެއްވެސް ޕާޓިއަކަށް ސޮއި ނުކުރަމޭ، އެތައް ހާސް މީހުންނެއް އަޅުގަނޑުމެންނަށް ގުޅާފާ އެހެން އެބަ ފާހަގަ ކުރޭ، އެހެންވީމަ ހަގީގަތުގައި ޕީއެންސީއަށް ވައްދާފަ އޮތީ ވައްކަމުން.މުޙައްމަދު މަލީހް ޖަމާލް
މަލީހް ވިދާޅުވީ ޕީއެންސީއަށް ވަގަށް ވައްދާފައި ތިބި މެންބަރުންގެ ދައުވާތައް އުފުލެން ޖެހޭނީ ވަކިވަކިން ކަމަށެވެ. އަދި ޕީއެންސީން އެޕާޓީގައި އެއްލައްކަ މެންބަރުން ތިބިކަމަށް ބުނެފި ނަމަ ވަގުތުން އެބޭފުޅުންނާ ދެކޮޅަށް އެއްލައްކަ ދައުވާ އަންނާނެ ކަމަށް މަލީހް ވިދާޅުވި އެވެ.
މިދިޔަ އަހަރުގެ އޭޕްރީލް މަހު ޕީއެންއެފް އުފެއްދުމަށް ފަހު ޕާޓީގެ ޖަލްސާތައް ބާއްވަމުން ގެންދަނީ ޔާމީންގެ އަމިއްލަގެކޮޅު ކަމުގައިވާ، ހ. ދޫވެހީގައި ހަދާފައިވާ ޕީއެންއެފްގެ އޮފީހުގަ އެވެ. އަދި ކުރީގެ ރައީސް އަބްދުﷲ ޔާމީންގެ ޕީއެންއެފްގެ ފުރަތަމަ ބޮޑު ޖަލްސާ ބުރާސްފަތި ދުވަހުގެ ރޭ އާޓިފިޝަލް ބީޗްގައި ބާއްވަން ވަނީ ނިންމާފަ އެވެ.
ޔާމީން ބޮޑު ޖަލްސާއެއް މި ބާއްވަނީ ލޯކަލް ކައުންސިލްތަކުގެ އިންތިހާބު ގާތްވެފައި ވަނިކޮށް ލާމަރިކަޒީ ބާރުތައް ވެސް އަދި ޝަރުއީ ނިޒާމާއި ރައްޔިތުންގެ މަޖިލީހުގެ ބާރުތައް ވެސް މުއިއްޒު ނަގާފައި ވަނިކޮށެވެ.
މިފަދަ އެތައް ކަމެއްގެ ސަބަބުން ކުރިއަށް އޮތް މަސްދުވަހު ވެސް ރައީސުލްޖުމްހޫރިއްޔާގެ މަގާމުގައި މުހައްމަދު މުއިއްޒު ބަހައްޓަން ރައްޔިތުންގެ ތެރެއިން ގިނަ މީހުން ބޭނުން ނުވާނެ ކަމަށާއި އެންމެ ރީތި ގޮތަކީ ވެރިކަން ނުކުރެވުނު ކަމަށް އަމިއްލައަށް ގަބޫލުކޮށް މަގާމުން އިސްތިއުފާ ދެއްވުން ކަމަށް މި ވެރިކަން ޕީއެންސީއަށް ހޯދައިދެއްވި ޔާމީން ވިދާޅުވެފައިވެ އެވެ.
