"އެއަރޕޯޓުގެ ފިހާރަތަކާއި ކެފޭ ރެސްޓޯރަންޓް ފަދަ ތަންތަން ދިވެހި ކުންފުނިތަކަށް ދިނުމުގެ ވިސްނުމެއް ނެތް ކަމަށް އެމްއޭސީއެލް އިން ބުނި"
28 ޖުލައި 2025 | ހޯމަ 03:45އެއަޕޯޓުގެ އައު ޓާރމިނަލްގައި ހަދާ ފިހާރަތަކާއި ކެފޭތައް އަދި ރެސްޓޯރަންޓް ފަދަ ތަންތަން ދިވެހި ކުންފުނިތަކަށް ދޭން އެމްއޭސީއެލް ގެ ވިސްނުމެއް ނެތް
އަމްރު މިނިވަން ދުވަހުގެ ޚާއްސަ ކަވަރޭޖް ގައި ވާހަކަދައްކަވަނީ: ވީއައިއޭ އައު ޓާރމިނަލުން ދިވެހި ކުންފުނި ތަކަށް ފުރުސަތު ނުދޭތީ ފާޑު ވިދާޅުވި
ވެލާނާ އިންޓަރނޭޝަނަލް އެއަރޕޯޓުގެ އައު ޓާރމިނަލްގައި އަލަށް ހަދާފައިވާ ފިހާރަތަކާއި ކެފޭ، ރެސްޓޯރަންޓް ފަދަ ތަންތަން ދިވެހި ކުންފުނިތަކަށް ދިނުމުގެ އެއްވެސް ވިސްނުމެއް ނުގެންގުޅޭ ކަމަށް ވެލާނާ އިންޓަނޭޝަނަލް އެއަރޕޯޓު (ވީއައިއޭ) އިން ބުނެފައި ވާކަމަށް ސްޓޭޓް ޓްރޭޑިން އޯގަނައިޒޭޝަން (އެސްޓީއޯ)ގެ ކުރީގެ މެނޭޖިން ޑިރެކްޓަރ ހުސެއިން އަމްރު ވިދާޅުވެއްޖެ އެވެ.
މިނިވަން ދުވަހާއި ގުޅިގެން ރާއްޖެ ޓީވީން ގެނެސްދިން ޚާއްސަ ކަވަރޭޖް ގައި ވާހަކަ ދައްކަވަމުން އަމްރު ވިދަޅުވީ އެއަރޕޯޓުގެ ވީއައިޕީ ޓާރމިނަލް އަކީ އެތަނުން ވަރަށް ގިނަ އާމްދަނީ ލިބޭ އަދި އެތަނަކުން އެމްއޭސީއެލްއަށް ގިނަ އާމްދަނީތަކެއް ވަންނަ މައި ދޮރު ކަމަށެވެ.
އެހެން ކަމުން މިހާރު ހުޅުވަން ތައްޔާރުވަމުން އަންނަ އައު ޓާރމިނަލް ހުޅުވުމާއި އެކު އެތަނުން މާ ގިނަ އާމްދަނީ އެމްއޭސީއެލް އަށް ލިބޭނޭ ކަމަށް ގަބޫލުކުރައްވާ ކަމަށް ވެސް އަމްރު ވިދާޅުވިއެވެ.
އަމްރު ވިދާޅުވީ އެއަރޕޯޓު އަޅަން ލޯނެއް ނަގާއިރު، އެ ލޯނު ނަގަން ހުށަހަޅަނީ އެލޯނު ދައްކާނެ ޕްލޭނަކާއި ވެސް އެކުގައި ކަމަށެވެ. އެގޮތުން މި ޕްލޭނުގައި އެއަރޕޯޓުގެ ވީއައިޕީ ޓާރމިނަލާއި، އެތަނުގައި ހަދާ ކެފޭ، ރެސްޓޯރަންޓް އަދި ފިހާރަތަކުން ލިބޭނޭ އަދަދުތަކުގެ ތަފްސީލް ތައް ކަނޑައެޅި ބަޔާންކޮށްފައި ހުންނާނޭ ކަމަށެވެ.
އެހެން ނަމަވެސް އެއަރޕޯޓު ޓާރމިނަލް ނިމި އެތަން ހުޅުވުމުން އެތަނުން ފިހާރައެއް ނުވަތަ ރެސްޓޯރަންޓެއް އެހެން ބަޔަކަށް ނުވަތަ އެހެން ޕާޓީއަކަށް ދޫކޮށްލާއިރު އޭގެންވެސް ނަތީޖާއެއް ނުކުންނަ ކަމަށެވެ. އަދި އެ ނަތީޖާއަކީ ހަގީގަތުގައި އެތަނުން އާމްދަނީ ލިބެން ވާރަކަށް ނުލިބުމުގެ މައްސަލަ ކަމަށް އަމްރު ވިދާޅުވިއެވެ. އެހެން ކަމުން ދެން ޖެހޭނީ އަނެއްކާ ވެސް އެއަރޕޯޓު ހަދަން ނެގި ލޯނުދައްކަން އިތުރު ދިމާއަކުން ފައިސާތަކެއް ހޯދުމަށް ކަމަށް ވެސް އޭނާ ވިދާޅުވިއެވެ.
ވީއައިއޭގެ އައު ޓާރމިނަލްގައި ހަދާފައި ހުރި ފިހާރަތަކާއި ރެސްޓޯރަންޓް ފަދަ ތަންތަން، ބޭރުގެ ކުންފުނިތަކަށް ދޭން އެމްއޭސީއެލް ކުންފުނިން މިޖެހެނީ ކީއްވެތޯ ސުވާލު އުފައްދަވަމުން އަމްރު ވިދާޅުވީ މިތާ އުސޫލުހަދާފައި މި އޮންނަ ގޮތުން ބޭރުގެ ކުންފުންޏަކުން އައިސް ކަމެއް ކުރީމަ ނޫނީ މިތަނުން ދިވެހިންނަށް ފައިދާއެއް ނުވަތަ އެއްވެސް އެއްޗެއް އެނގޭކަމަށް ވެސް ނުވާ ކަމަށެވެ. އަދި އެތަނުން މަންފާއެއް ވެސް ލިބޭ ކަމަށް ނުވެއެވެ. އަދި އެއީ ވަރަށް ބޮޑު މައްސަލައެއް ކަމަށް ވެސް އޭނާ ފާހަގަކުރެއްވި އެވެ.
އަމްރު ވިދާޅުވީ އެއަރޕޯޓުގައި މިހާރު އަލަށް ހުޅުވާ އައު ޓާރމިނަލުން ފިހާރަތަކާއި، ކެފޭ، ރެސްޓޯރަންޓް ފަދަ ތަންތަން ދިވެހި ކުންފުނިތަކަށް ދޭ އުސޫލަކީ ކޮބައިތޯ ބެލުމަށް ފޯނުން ގުޅައި މައުލޫމާތު ސާފުކުރެއްވި ކަމުގައެވެ. އަދި އެއާޕޯޓުގެ އެއްވެސް ތަނަކުން އެއްވެސް އިންވެސްޓެއް ކުރުމަށް ދިވެހި ކުންފުންޏަކަށް ދިނުމުގެ ވިސްނުމެއް ނެތް ކަމަށް އެ ފަރާތުން ބުނެފައިވާ ކަމަށް އޭނާ ވިދާޅުވިއެވެ.
އަދި އޭގެ ބަދަލުގައި ބޭނުން ވަނީ އެއަރޕޯޓަށް ބޭރުގެ ކުންފުނިތަން ގެންނަން ކަމުގައި ވެސް އެ ފަރާތުން ބުނެފައިވާ ކަމަށް އަމްރު ވިދާޅުވިއެވެ.
މިތަނަށް މި އަންނަ 2 މިލިއަން ޓޫރިސްޓުން އަންނަނީ މިތަނުގެ ކޮސްޓް އާއި ބްރޭންޑްގެ ކޮފީ އެއަރޕޯޓު ޓާމިނަލަލުން ލިބޭތީކީ ނޫނޭ. ނޫނިއްޔާ ކޮފީ ކުލަބް އެތަނުގައި ހުރެގެން އެތަނުން ކޮފީ އެއް ބުވޭތީކީ ނޫނޭ، މިތަނަށް ޓޫރިސްޓުން އަންނާނޭ މިތަނުގައި ދިވެހި ކުންފުނިތަކުން އެތަނުގައި އެކަން ކުރިޔަސްއެސްޓީއޯގެ ކުރީގެ މެނޭޖިންގ ޑިރެކްޓަރ ހުސެއިން އަމްރު
އަމްރު އިތުރަށް ވިދާޅުވީ ދުނިޔޭގެ އެހެން ގައުމުތަކުގައި އެ ގައުމުތަކުގެ އެއަރޕޯޓުތަކުގަ ވެސް މުޅިން ވެސް ބޭނުން ކުރަނީ އެ ގައުމުތަކުގެ އުފެއްދުން ތަށް ކަމަށެވެ. އަދި އެ އުފެއްދުންތައް ބަލައިގަނެ، އެތަންތަނަށް އައިސް ގޮސް އުޅޭ ފަތުރުވެރިންގެ ނިސްބަތް ވެސް މަދު ނޫން ކަމަށް އަމްރު ވިދާޅުވި އެވެ.
އަދި ބޭރުފައިސާ ރާއްޖެއަށް އެތެރެކުރުމަށް، ޚާއްސަކޮށް ރާއްޖޭގެ އުފެއްދުންތައް ބޭރު ގައުމުތަކަށް އެކްސްޕޯޓް ކޮށް، ޑޮލަރުގެ އާމްދަނީ އިތުރު ކުރުމަށް އެއަރޕޯޓުން ޚިދުމަތްތައް ދޭ ތަންތަން ދިވެހިންނަށް ދިނުމަކީ ވަރަށް މުހިންމު ކަމެއް ކަމުގައި ވެސް އޭނާ ފާހަގަ ކުރެއްވި އެވެ.
