ރައީސް ސާލިހުގެ ގެދޮރުވެރިޔާ މަޝްރޫއުގެ ދަށުން އިމާރަތްކުރި 4000 ޔުނިޓްގެ ރަމްޒީ ތަޅުދަނޑި ހަވާލުކޮށްފި
އިންޑިއާގެ އެގްޒިމް ބޭންކުގެ ލޯނުގައި ތަރައްގީކޮށްފައިވާ 4000 ހައުސިން ޔުނިޓު އިމާރާތް ކުރުމުގެ މަސައްކަތް ފެށީ 2021 ވަނަ އަހަރު
4000 ހައުސިން ޔުނިޓު ނިންމައި "ރަމްޒީ ތަޅުދަނޑި" ހަވާލުކުރުން
ކުރީގެ ރައީސް އިބްރާހިމް މުހައްމަދު ސޯލިހުގެ ގެދޮރުވެރިޔާ މަޝްރޫއުގެ ދަށުން އިމާރާތް ކުރި 4000 ހައުސިން ޔުނިޓު ނިންމައި "ރަމްޒީ ތަޅުދަނޑި" އިންޑިއާގެ ބޮޑުވަޒީރު ނަރެންދުރަ މޯދީ، ރައީސް ޑރ. މުހައްމަދު މުއިއްޒުއާ ހަވާލުކުރައްވައިފި އެވެ.
އިންޑިއާގެ އެގްޒިމް ބޭންކުގެ ލޯނުގައި ތަރައްގީކޮށްފައިވާ 4000 ހައުސިން ޔުނިޓު އިމާރާތް ކުރުމުގެ މަސައްކަތް ފެށީ 2021 ވަނަ އަހަރު އެވެ. މި ހައުސިންގ ޔުނިޓްގައި ދެ ކޮޓަރީގެ 1200 އެޕާޓްމަންޓާއި ތިން ކޮޓަރީގެ 2800 އެޕާޓްމަންޓް ހުރެއެވެ.
4000 ހައުސިން ޔުނިޓްގެ މަޝްރޫއު އެއްކޮށް ނިންމައި ސަރުކާރާއި ހަވާލުކޮށްފައިވަނީ ރައީސް އޮފީހުގައި ބޭއްވި ރަސްމިއްޔާތުގަ އެވެ.
ގެދޮރުވެރިޔާ ސްކީމްގެ ދަށުން ދޫކުރާ 4000 ފްލެޓް ލިބޭ ފަރާތްތަކާއެކު އެއްބަސްވުމުގައި ސޮއިކޮށް ފްލެޓް ހަވާލުކުރުމުގެ މަސައްކަތް ފަހި ދިރިއުޅުން ކޯޕަރޭޝަން (އެފްޑީސީ) ވަނީ ފަށާފައެވެ.
މި ފްލެޓްތައް ލިބޭ ކަމަށް ކުރީގެ ސަރުކާރުން އިއުލާންކުރި ލިސްޓް ރިވިއުކޮށް، އޭގެ ތެރެއިން ޝަރުތު ހަމަވެ، ފްލެޓް ލިބޭ މީހުންގެ ލިސްޓެއް މި ސަރުކާރުން މިދިޔަ އެޕްރީލް މަހު ވަނީ އާންމުކޮށްފައެވެ. އެންމެ ފަހުން ހަުސިންގ މިނިސްޓްރީން ބުނެފައިވަނީ ފުލެޓް ދެމުންގެންދާނީ ކުރީ ސަރުކާރުން ފުލެޓް ލިބޭނެ ކަމަށް ގެޒެޓް ކުރި ލިސްޓަށް ކަމުގައެވެ.
