ޒިންމާ އިން ރެކެން، ސަރުކާރުން ހުށަހަޅަންވީ "ކުރީ ސަރުކާރު" ކިޔާ ބިލެއް ކަމަށް މަޖިލީހުގެ ކަނޑިތީމު ދާއިރާގެ މެމްބަރު އަމީން ފައިސަލް ވިދާޅުވެއްޖެއެވެ.

އަމީން އެފަދައިން ވިދާޅުވީ މަޖިލީހުގެ ތަޅުމުގައި ހޯމަ ދުވަހު، "މޯލްޑިވްސް އިންޓެލެކްޗުއަލް ޕްރޮޕަޓީ އޮފީހުގެ ގާނޫނު" ގެ ބިލުގެ ބަހުސްގެ ތެރެއިންނެވެ. މި ސަރުކާރުން ކުރީ ސަރުކާރުގެ ނަމުގައި ބިލެއް ހުށަހަޅަން ޖެހޭ ކަމަށް އަމީން ވިދާޅުވީ ކަންކަން ނުވުމުން "ކުރީ ސަރުކާރު"ން ކަންކަން ނުކުރުމުން، ނުވަތަ އޭރު ކަމެއް ފުރިހަމަ ވެފައި ނެތް ކަމަށް ބުނެ ސަރުކާރުން ކަންކަމާއި ޒިންމާ ނަގަން ދެކޮޅު ހަދަމުންދާތީ އެކަމަށް އިޝާރާތްކުރައްވައެވެ.

"ކުރީ ސަރުކާރު ކިޔާ ބިލެއް ހުށަހަޅަންވީ ޒިންމާ އިން ހިމާޔަތްކުރަން. އެއްވެސް ޚިދުމަތެއް ނުދީ ސަރުކާރު ނިސްބަތްވާ މީހަކު ނޫނިއްޔާ ތަރައްޤީ އިން ވެސް އެކަހެރިކޮށްފަ. ޖަވާބުދާރީވާން ނުޖެހޭނެ ބިލަކާ މިކަހަލަ ބިލެއް އަޅުގަނޑުގެ ދާއިރާ އަށްބަލާ އިރު މި ވަގުތަށް އެންމެ މުހިންމީ ކަންކަން ހިނގާ ގޮތުން." އޭނާ ވިދާޅުވިއެވެ.

މީގެ އިތުރުން މި ގައުމަކީ 21 ވަނަ ގަރުނުގެ ވާހަކަދައްކާ، 21 ވަނަ ގަރުނުގެ ޚިދުމަތް ނުލިބޭ ޤައުމެއް ކަމަށް އޭނާ ވިދާޅުވިއެވެ. މި ބިލުގެ މަޤްސަދުގެ ގޮތުގައި ހިމަނާފައިވާ ކަންކަމުގައި ގޯހެއް ނެތް ކަމަށް އޭނާ ވިދާޅުވިއެވެ. އަދިވެސް އަސާސީ ޚިދުމަތްތައް ރާއްޖޭގައި ނުދެވިގެން އުޅޭ އިރު އިތުރު އޮފީސްތައް އުފެއްދުމަކީ މި ވަގުތަށް އެއް ގޮތަކަށް ވެސް މުހިންމު ކަމެއް ނޫން ކަމަށް އަމީން ވިދާޅުވިއެވެ. މީގެ އިތުރުން މި ދަނޑިވަޅަކީ ވެސް މިފަދަ ބިލެއް ހުށަހަޅަން އެންމެ ރަނގަޅު ދަނޑިވަޅު ކަމަށް ޤަބޫލު ނުކުރައްވާ ކަމަށް އަމީން ފާހަގަކުރައްވާފައިވެއެވެ.

"ވެރިންނަކީ ވެސް ހުވަޔާ ހަވާލުވާ ޒިންމާ އާއި އެއް ގޮތަށް މަސައްކަތް ކުރާ ބައެއް ނޫން. އަދި ނުދޭ 21 ވަނަ ގަރުނުގެ ވާހަކަ ދައްކާ އެ ހިސާބަކަށް. ވަޒީރެއްގެ ވެސް ނެތޭ އެންމެ ރުފިޔާ އެއް ވެސް ރައްކާ ކުރެވޭނެ ގޮތެއް ހޯދާދިނުމުގެ ވިސްނެއް." އަމީން ވިދާޅުވިއެވެ.

ފިކުރީ މުދާ ހިމާޔަތް ކުރަން އިންޓެލެކްޗުއަލް ޕްރޮޕަޓީ އޮފީހެއް ގާއިމުކުރަން ގާނޫނެއް ހުށަހެޅީ ހޯމަ ދުވަހެވެ.