ފަލަސްތީނުގެ ސަރަހައްދަކީ ހަތިޔާރު ނައްތާލެވިފައިވާ ތަނެއްގެ ގޮތުގައި ވެއްޖެނަމަ، 60 ދުވަހުގެ ހަނގުރާމު ހުއްޓާލުގެ އެއްބަސްވުމުގެ މުއްދަތުގެ ތެރޭގައި ގައްޒާގައި ދާއިމީ ހަނގުރާމަ ހުއްޓުވުމަށް މަޝްވަރާކުރަން ތައްޔާރުކަމަށް އިސްރާއިލުން ބުނެފިއެވެ.

އޮކްޓޯބަރު 2023 ގައި ހަމާސްގެ ހަމަލާއާ ގުޅިގެން ފެށުނު ހަނގުރާމަ ވަގުތީގޮތުން ހުއްޓުވުމަށް އެއްބަސްވުމަކަށް އާދެވޭތޯ އިސްރާއީލާއި ހަމާސްގެ ވަފުދުތަކުން ދޯހާގައި ނުސީދާ މަޝްވަރާތައް އާދީއްތަ ދުވަހު ފަށާފައިވެއެވެ.

އެމެރިކާގެ މެދުއިރުމަތީގެ ސްޕެޝަލް އެންވޮއި ސްޓީވް ވިޓްކޮފް ވަނީ ގައްޒާގައި ދިރިހުރި 20 ރަހީނުންގެ ތެރެއިން ދެބައިކުޅަ އެއްބައި މިނިވަންކުރުމަށް 60 ދުވަހަށް ހަނގުރާމަ މެދު ކަނޑާލަން ހުށަހަޅުއްވާފައި ކަމަށް ނަތަންޔާހޫ ބުދަ ދުވަހު ވިދާޅުވިއެވެ. ނަތަންޔާހޫ ވިދާޅުވީ މި ފެށުމުގައި ހަނގުރާމަ ދާއިމީކޮށް ނިމުމަކަށް ގެނައުމަށް މަޝްވަރާތަކަށް ވަންނާނެ ކަމަށެވެ.

އިސްރާއީލްގެ "އަސާސީ ޝަރުތުތަކަކީ" "ހަމާސް އެމީހުންގެ ހަތިޔާރުތައް ދޫކޮށްލުން" އަދި "ވެރިކަމުގެ ނުވަތަ އަސްކަރީ ބާރުތައް" ނުބޭއްވުން ކަމަށް އޭނާ ވިދާޅުވިއެވެ.

"މަޝްވަރާތަކުން މިކަން ހާސިލުކުރެވޭނަމަ، ވަރަށް ރަނގަޅު ކަމަށާއި، 60 ދުވަހުގެ ތެރޭގައި މަޝްވަރާތަކުން މިކަން ހާސިލު ނުކުރެވިއްޖެނަމަ، އަސްކަރިއްޔާގެ ބާރުގެ ބޭނުންކޮށްގެން އެކަން ހާސިލުކުރާނެ ކަމަށް ނަތަންޔާހޫ ވިދާޅުވިއެވެ.

ބުދަ ދުވަހު ހަމާސްއިން ބުނެފައިވަނީ ދިރިހުރި 10 ރަހީނުން ދޫކުރަން އެއްބަސްވެފައިވާ ކަމަށެވެ. ނަމަވެސް ހަމާސްއިން ބުނެފައިވަނީ ގައްޒާގައި އިސްރާއީލުގެ ސިފައިން ތިބުމާއި ގުޅޭ އެއްބަސްވުމަކާ ދެކޮޅު ކަމަށެވެ.

އަދި އިންސާނީ ހާލަތު ރަނގަޅުކުރުމަށް ސަރަހައްދަށް އެހީ ފޯރުކޮށްދިނުމުގެ މިނިވަންކަމާއި، ދެމެހެއްޓެނިވި ސުލްހައަށް "ހަގީގީ ގެރެންޓީތައް" ބޭނުންވާ ކަމަށް ބުނެފައިވެއެވެ.

އިސްރާއީލްގެ ބޮޑުވަޒީރު ވިދާޅުވީ ހަމާސްއަކީ "ރަހުމްކުޑަ ޓެރަރިސްޓް ޖަމާއަތެއް" ކަމަށާއި، ބޭނުންވަނީ ހުރިހާ ރަހީނުން ދޫކުރަން ކަމަށެވެ.

ނަމަވެސް މި ބުރުގައި ވީހާވެސް ގިނަ ބަޔަކު (ދޫކުރުމަށް) އެންމެ ރަނގަޅު ގޮތުގައިކުރެވެން ހުރިހާ ކަމެއް ކުރާނެ ކަމަށާއި، ހުރިހާ ކަމެއް އޭނާގެ އަތްމަތީގައި ނޯންނަކަމަށް ވިދާޅުވިއެވެ.