ކ. މާލެ
|
29 އޯގަސްޓް 2017 | އަންގާރަ 12:05
ތޫފާން ހާޥީ ޓެކްސަސް އަރާ ވައިގަދަވެ ބޯކޮށް ދަނީ ވާރޭވެހެމުން
ތޫފާން ހާޥީ ޓެކްސަސް އަރާ ވައިގަދަވެ ބޯކޮށް ދަނީ ވާރޭވެހެމުން
އޭއެފްޕީ
ތޫފާން ހާވީ
ތޫފާން ހާވީ:ޓެކްސަސްގެ ވަގުތީ ހިޔާތަކުގައި އެ ސްޓޭޓުގެ 30،000 ރައްޔިތުން ބައިތިއްބަން ޖެހޭނެ
 
ހޯމަ ދުވަހު އޮފިޝަލުން ބުނެފައި ވަނީ އިތުރު ހަ މީހަކު މަރުވެފައިވާ ކަމުގެ ބިރުހީވެފައިވާ ކަމަށް

އެމެރިކާގެ ޓެކްސަސް ސްޓޭޓްއަށް ތޫފާން ހާވީ ހުކުުރު ދުވަހު އަރާ ވެހެމުންދާ ވާރޭއާ ގުޅިގެން ވަރަށް ބޮޑަށް ފެންބޮޑުވެފައިވާއިރު ވަގުތީ ހިޔާތަކުގައި އެ ސްޓޭޓުގެ 30،000 ރައްޔިތުން ބައިތިއްބަން ޖެހޭނެ ކަމަށް އޮފިޝަލުން ބުނެފިއެވެ.

ކުރިއަށް އޮތްދުވަސްތަކުގައި ވެސް ބޯކޮށް ވާރޭވެހޭނެ ކަމަށް ބެލެވޭއިރު އެމެރިކާގެ ފެޑެރަލް އިމާޖެންސީ މެނޭޖްމަންޓް އެޖެންސީގެ ޑައިރެކްޓާ ބްރޮކް ލޮންގް ހޯމަ ދުވަހު ވިދާޅުވީ ޓެކްސަސްގެ 50 ކައުންޓީއަކަށް ފެންބޮޑުވުމުގެ އަސަރުކޮށްފައިވާ ކަަމަށާއި ހަމައެކަނި ވޭތުވެދިޔަ ތިން ދުވަހު އެކަނިވެސް "ހަމަހަށް ވާވަރަށް ވާރޭ ވެހިފައިވާ ކަމަށެވެ."

ޓެކްސަސްއަށް ތޫފާން ހާވީ އެރުމާ ގުޅިގެން މިހާތަނަށް ތިން މީހަކު މަރުވެފައިވާ ކަމަށް އޮފިޝަލުން ކަށަވަރުކޮށްދީފައިވާއިރު ހޯމަ ދުވަހު އޮފިޝަލުން ބުނެފައި ވަނީ އިތުރު ހަ މީހަކު މަރުވެފައިވާ ކަމުގެ ބިރުހީވެފައިވާ ކަމަށެވެ. 

ޓެކްސަސްގެ ގަވަރނަރ ގްރެގް އެބޮޓް މީޑިއާއަށް ވިދާޅުވެފައި ވަނީ ޓެކްސަސް ގައި ރެސްކިއު އޮޕަރޭޝަނަށް މިހާރު ފޮނުވައިފައިވާ 3000 ސިފައިންގެ އިތުރަށް، އިތުރު 1000 ސިފައިން ފޮނުވާފައިވާ ކަމަށެވެ. 

އެންމެ ފަހުގެ ރިޕޯތުތައް ބުނާގޮތުން ޓެކްސަސް ސްޓޭޓުގެ 300 ނޫނީ 400 ގެއަށް ވަނީ ކުއްލި އެހީތެރިކަން ބޭނުންވެފައެވެ. 

 

 

 

 

 

 

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް