ސައުދީ ބޯޓެއް ލަންޑަނަށް ދަތުރު ކުރަނިކޮށް ކެބިން މެނޭޖަރު މަރުވުމުން ބޯޓު ކައިރޯ އަށް ޖައްސައިފި
އޭނާ ނިޔާވީ ފްލައިޓް ދަތުރު ކުރަމުން ދަނިކޮށް ހާޓް އެޓޭކެއް ޖެހިގެން ކަމަށް އެއަރލައިން އިން ވަނީ ބުނެފައި
ސައުދީ އަރަބިއަން އެއާލައިންސް ބޮއިންގް 777 މަރުކާގެ ބޯޓެއް
ސަޢޫދީ އެއަރލައިންސް ގެ ބޯޓެއް ސައުދީން ލަންޑަނަށް ދަތުރު ކުރަނިކޮށް ބޯޓުގެ ކެބިން މެނޭޖަރ ކުއްލި އަކަށް މަރުވުމާ ގުޅިގެން ބޯޓު މިސްރުގެ ކައިރޯ އަށް ޖައްސައިފިއެވެ.
މުޙްސިން އަލް-ޒަހްރާނީ މަރުވީ ޖިއްދާގެ ކިންގް ޢަބްދުލްޢަޒީޒް އެއަރޕޯޓުން ލަންޑަނުގެ ހީތްރޯ އެއަރޕޯޓަށް ދަތުރުކުރި ބައިނަލްއަޤްވާމީ ފްލައިޓެއްގައި މަސައްކަތް ކުރަމުން ދަނިކޮށް ކަމަށް އެއަރލައިން އިން ހާމަ ކޮށްފައިވެއެވެ.
ހުކުރު ދުވަހު ހާދިސާ ހިނގުމުން ފްލައިޓްގެ ރޫޓް ބަދަލު ކޮށް އެމަޖެންސީ ކޮށް ކައިރޯގައި ޖެއްސިއެވެ.
އޭނާއަށް ވަނީ ފުރާނައަށް ނުރައްކާވާ ފަދަ ހާޓް އެޓޭކެއް ޖެހި ނިޔާވެފައިވާ ކަމަށް އެތަނުން ވަނީ އިޢުލާނު ކޮށްފައެވެ.
"އަޅުގަނޑުމެންގެ އިޚްލާޞްތެރި ތަޢުޒިޔާ އަލް-ޒަހްރާނީގެ ޢާއިލާއަށާއި، އެކުވެރިންނަށާއި، ރަޙްމަތްތެރިންނަށް އަރިސްކުރަމެވެ،" އެއަރލައިނުން ބަޔާނެއްގައި ބުނެފައިވެއެވެ. އަދި އިތުރަށް ށް ބުނެފައި ވަނީ އޭނާ އަކީ "ޒިންމާދާރުކަމާއި، ތެދުވެރިކަމާއި، ޕްރޮފެޝަނަލިޒަމްގެ ނަމޫނާއެއް" ކަމަށެވެ.
