ރަޝިޔާގެ ހަނގުރާމަ މަތީ ބޯޓެއް ޔޫކްރެއިން އިން ވައްޓާލައިފި

ޔޫކްރެއިންގެ ވައިގެ ބާރުތަކުން ހޮނިހިރު ދުވަހުގެ ހެނދުނު ރަޝިޔާގެ އެސްޔޫ-35 މަރުކާގެ ހަނގުރާމަ މަތީ މަތިންދާބޯޓެއް ވައްޓާލައިފި ކަމަށް އެ ގައުމުގެ ސިފައިން ބުނެފިއެވެ.

"މިއަދު ހެނދުނު، 7 ޖޫން 2025 ގައި، ކުރްސްކް ސަރަޙައްދުގައި ވައިގެ ބާރުތަކުން ހިންގި ކާމިޔާބު އޮޕަރޭޝަނެއްގެ ނަތީޖާއެއްގެ ގޮތުން، ރަޝިޔާގެ އެސްޔޫ-35 ގެ ހަނގުރާމަ މަތީ މަތިންދާބޯޓެއް ވަނީ ވައްޓާލެވިފައެވެ،" ޓެލެގްރާމް މެސެންޖަރގައި ޔޫކްރެއިން ގެ އަސްކަރިއްޔާ އިން ބުނެފައިވެއެވެ.

އިތުރު ތަފްސީލެއް އެމީހުން ދީފައެއް ނުވެއެވެ. ރަޝިޔާގެ ބާރުތަކުން މިކަމާ ގުޅޭގޮތުން އަދި އެއްވެސް އެއްޗެއް ބުނެފައެއް ނުވެއެވެ. އަދި ރޮއިޓަރސް އިން ބުނާ ގޮތުގައި މި ރިޕޯޓު މިނިވަން ގޮތެއްގައި ކަށަވަރު ކުރެވިފައެއް ނުވެއެވެ.

ޔޫކްރެއިންގެ ސެކިއުރިޓީ އޭޖެންސީ، އެސްބީޔޫ އިން ފާއިތުވި ހަފްތާގައި 40 އަށް ވުރެ ގިނަ ރަޝިޔާގެ އަސްކަރީ މަތިންދާބޯޓުތަކަށް ބޮޑު ޑްރޯން ހަމަލާއެއް ދީފައިވެއެވެ. ހަލާކު ކޮށްލި މި ބޯޓުތަކަކީ ރަޝިޔާ އިން ޔޫކްރެއިނަށް ދުރުން މިސައިލް ހަމަލާ ދިނުމަށް ބޭނުންކުރާ ބޯޓުތަކެވެ.