މާލޭގައި މާރާމާރީއެއް ހިންގައި ބިދޭސީއެއް ޒަހަމް ކޮށްލައިފި
މި މާރާމާރީގެ މައްސަލަ ރިޕޯޓުކޮށްފައިވަނީ އާދިއްތަ ދުވަހުގެ ރޭ 3:10 ހާއިރު
ފުލުހުންނާއި ސިފައިން ގުޅިގެން ކުރިއަށްގެންދިޔަ ގައުމީ ސަލާމަތާއި ގުޅުންހުރި ހާއްސަ އޮޕަރޭޝަނުގައި ޝަބްނަމީ މަގުގައި ހުރި ގެއެއް ބަލާ ފަސްކުރަނީ - 10 މާޗް 2025
މާލޭގައި މާރާމާރީއެއް ހިންގައި ބިދޭސީއެއް ޒަހަމް ކޮށްލައިފިއެވެ.
ހޯމަ ދުވަހު ފުލުހުން ބުނީ، މާލެ ޝަހީދު ކުޑަނެވި ތުއްތު މަނިކު ހިނގުމުގައި މީހަކަށް ތޫނު އެއްޗަކުން ހަމަލާދީ ޒަހަމްކޮށްލި މައްސަލައެއް އާދިއްތަ ދުވަހުގެ ރޭ 3:10 ހާއިރު ރިޕޯޓްކޮށްފައިވާ ކަމަށެވެ.
އެ މާރާމާރީގައި އަނިޔާވެފައިވަނީ ބަންގްލަދޭޝް ފިރިހެނަކަށް ކަމަށާއި، އެ މީހާއަށް ފަރުވާ ދިނުމަށް އައިޖީއެމްއެޗަށް ގެންގޮސްފައިވާ ކަމަށް ފުލުހުން ބުނެއެވެ.
ނަމަވެސް އިތުރު ތަފްސީލެއް ހިއްސާކޮށްފައިނުވެއެވެ.
މިމައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.
