ޑޮމެސްޓިކް ކެޓެގަރީގެ ކަރަންޓް ޓެރިފް ރޭޓު އަންނަ މަހުން ފެށިގެން ކުޑަކުރަނީ
30 މެއި 2025 | ހުކުރު 16:31މި އުސޫލަށް އަމަލުކުރަން ފަށާނީ ޖޫން މަހުގެ ފުރަތަމަ ދުވަހުން ފެށިގެން
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު
ސްޓެލްކޯ އާއި ފެނަކައިން ކަރަންޓުގެ ޚިދުމަތް ފޯރުކޮށްދޭ ސަރަހައްދުތަކުގެ ޑޮމެސްޓިކް ކެޓަގަރީގެ ކަރަންޓް ޓެރިފް ރޭޓު ޖޫން މަހުން ފެށިގެން ކުޑަކުރަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމައިފިއެވެ.
ޖޫން މަހުން ފެށިގެން ޑޮމެސްޓިކް ކެޓަގަރީގެ ކަރަންޓް ޓެރިފް ރޭޓު ކުޑަކުރަށްވާނެ ކަމަށް އިއުލާން ކުރެއްވީ އެކްސް ގައި ކުރެއްވި ޕޯސްޓެއްގައެވެ. ރައީސް ގެ އެކްސް ޕޯސްޓުގައި ވަނީ ރޭޓް ތަކަށް ގެންނަން އެންގެވި ބަދަލުތަށް ހިއްސާކުރަށްވާފައެވެ.
އެ ބަދަލުތަކުގައިވާ ގޮތުން، 0-100 ޔުނިޓުގެ ބޭންޑަށް މިހާރު ނަގާ 1.50 ރުފިޔާގެ ރޭޓު 1.25 ރުފިޔާއަށް ދަށްކޮށްފައިވެއެވެ. އަދި 101-200 ޔުނިޓުގެ ބޭންޑަށް މިހާރު ނަގާ 1.70 ރުފިޔާގެ ރޭޓު 1.50 ރުފިޔާއަށް ދަށްކޮށް 201-300 އަދި 301-400 ޔުނިޓުގެ ބޭންޑުތަކަށް މިހާރު ނަގާ 2.15 އަދި 2.50 ރުފިޔާގެ ރޭޓު 1.50 ރުފިޔާއަށް ވަނީ ދަށްކޮށްފައެވެ.
މީގެއިތުރުން، 401-500 ޔުނިޓުގެ ބޭންޑަށް މިހާރު ނަގާ 2.95 ރުފިޔާގެ ރޭޓު 2.66 ރުފިޔާއަށް ދަށްކޮށް 501-600 ޔުނިޓުގެ ބޭންޑަށް މިހާރު ނަގާ 3.55 ރުފިޔާގެ ރޭޓު 3.20 ރުފިޔާއަށް ދަށްކޮށްފައިވެއެވެ. އަދި 600 ޔުނިޓަށްވުރެ މަތީ ބޭންޑަށް މިހާރު ނަގާ 4.25 ރުފިޔާގެ ރޭޓު 3.83 ރުފިޔާއަށް ވަނީ ދަށްކޮށްފައެވެ.
ކޮންމެ މަހެއްގެވެސް ކަރަންޓު ބިލު ލިބުމުން ކަރަންޓު ބިލު އަގުބޮޑުވެގެން ރައްޔިތުންގެ ޝަކުވާތަކުގެ އަޑު ދުވަހެއް ދުވަހަކަށް ދަނީ ގަދަވަމުންނެވެ.
