ޕޮއިޒްގެ ފަރާތުން ރާއްޖެއަށް އެންމެ ފަހުން ތައާރަފް ކުރި ހޮޓް އައިސް ސްޕޯޓް ބޮޑީ ސްޕްރޭ ޕްރޮމޯޓް ކުރުމަށް ވަންޑޭ ކަޕެއް ކުރިއަށް ގެންގޮސްފިއެވެ.
ހުކުރު ދުވަހު ކުރިއަށްގެންދިޔަ މި ވަންޑޭ ކަޕްގައި ޖުމްލަ ހަ ޓީމު ބައިވެރިވެފައިވާއިރު މި މުބާރާތް ފަށާފައިވަނީ ދިވެހި މީޑިއާއިން އެކުލަވާލި ޓީމަކާއި ޕޮއިޒްގެ ޓީމަކާއި ދެމެދު ކުޅެވުނު ފޯރިގަދަ ފުޓްބޯޅަ މެޗަކުންނެވެ. އެ މެޗުގައި މީޑިއާ ޓީމުން ވަރުގަދަ ކުޅުމެއް ދެއްކި ނަމަވެސް 4 ލަނޑު ދެ ލަނޑުން މޮޅުވެފައިވަނީ ޕޮއިޒްގެ ޓީމެވެ.
މުބާރާތުގެ ފައިނަލް މެޗް ހުކުރު ދުވަހުގެރޭ ކުޅެފައިވާއިރު މުބާރާތުގެ ފައިނަލުގައި ކުޅެފައިވަނީ ޓީމް އެންވީކޭ އާއި އައި ކޮރަލް ޓީމެވެ. މުބާރާތުގެ ޗެމްޕިއަންކަން ހޯދާފައި ވަނީ އެންވީކޭ ޓީމުންނެވެ. މުބާރާތުގެ އެކި ވަނަތަކަށް އިނާމު ދިނުމުގެ ރަސްމިއްޔާތު، މުބާރާތް ނިމުމާއެކު ހުކުރު ދުވަހުގެރޭ ވަނީ ކުރިއަށް ގެންގޮސްފަ އެވެ.
މި މުބާރާތުގެ ނިމުން ފާހަގަ ކުރުމަށް ބޭއްވި ރަސްމިއްޔާތުގައި ހޮޓް އައިސް ސްޕޯޓްގެ ރަސްމީ އިސްތިހާރު ވަނީ ލޯންޗް ކުރެވިފަ އެވެ. އަދި ހޮނިހިރު ދުވަހުން ފެށިގެން އެ އިސްތިހާރު ބޭނުން ކުރެވެމުން ދާނެއެވެ.
ސެންޓް އުފެއްދުމުގައި ދުނިޔޭގެ ނަން މަޝްހޫރު ބްރޭންޑެއް ކަމުގައިވާ އައިއެފްއައި އިން އުފައްދާފައިވާ ހޮޓް އައިސް ސްޕޯޓް އަކީ އެފަދަ ހާލަތުތަކަށާ، ކުޅިވަރު ކުޅޭ، އަދި ހަލަބޮލި މާހައުލުތަކުގައި ވަގުތުތައް ހޭދަކުރައްވާ ފަރާތްތަކަށް ހާއްސަ އަދި ތަފާތު ބޮޑީ ސްޕްރޭ އެކެވެ.
