ވެނެޒުއޭލާ އިން އެމެރިކާއަށް ބޭރު ކުރާ ތެޔޮ ހުއްޓުމަކަަށް އަންނާނެ: ރައީސް މަޑޫރޯ
އޯގަސްޓް މަހު ކުރީކޮޅު ވެސް އެމެރިކާ އިން ވަނީ ވެނެޒުއޭލާއަށް ދަތިކުރުމުގެ ފިޔަވަޅު އަޅާފައި
ރައީސް ނިކޮލަސް މަޑޫރޯ
އެމެރިކާ އިން ވެނެޒުއޭލާ އަށް ހުކުރު ދުވަހު އެޅި މާލީ ދަތިކުރުމުގެ ފިޔަވަޅުތަކުގެ ސަބަބުން މިހާތަނަށް ހޯދިހޯދުންތަކުން އެގިގެން ދަނީ އެ ފިޔަވަޅުތަކުގެ ސަބަބުން ވެނެޒުއޭލާ އިން އެމެރިކާ އަށް ބޭރު ކުރާ ތެޔޮ، ހުއްޓުމަކަށް އަންނާނެ ކަަން ކަމަށް ވެނެޒުއޭލާގެ ރައީސް ނިކޮލަސް މަޑޫރޯ ވިދާޅުވެއްޖެއެވެ.
އެމެރިކާ އިން ވެނެޒުއޭލާ އަށް އަޅާފައިވާ ދަތިކުރުމުގެ ފިޔަވަޅުތަކުގެ ތެރޭގައި ވެނެޒުއޭލާގެ ދައުލަތުގެ ތެޔޮ ކުންފުނިން އެމެރިކާގައި ބޮންޑް ވިއްކުން މަނާކުރުން ހިމެނެއެވެ.
ރައީސް މަޑޫރޯ ވެނެޒުއޭލާގެ ޓީވީގައި ވިދާޅުވީ "ބޭރުގެ އިސްތިއުމާރީ ބާރުތަކަށް ބޯނުލަނބާނެ" ކަމަށާއި އެމެރިކާގެ ފިޔަވަޅުތައް ކުށްވެރި ކުރައްވާ ކަމަށެވެ.
ވެެނެޒުއޭލާއަށް މާލީ ގޮތުން ދަތިކުރުމުގެ ފިޔަވަޅުތައް އެޅުމަށް ރައީސް ޓްރަމްޕް ރިޔާސީ ގަަރާރެއް ސޮއެ ކުރެއްވީ ހުކުރު ދުވަހުއެވެ.
ވެނެޒުއޭލާ އާ ދެކޮޅަށް އަޅާފައިވާ ފިޔަވަޅުތަކުގެ ހާމަކުރަމުން ވައިޓް ހައުސް އިން ބުނެފައި ވަނީ "މަޑޫރޯ ޑިކްޓޭޓާޝިޕް" އިން ވެނެޒުއޭލާއަށް ކާބޯތަކެއްޗާއި ބޭސް ވެސް ދިނުމަށް އިންކާރު ކުރަމުންދާ ކަމަށެވެ.
ވެނެޒުއޭލާގައި އާ ގާނޫނު އަސީސެއް އެކުލަވާލުމަށް ރައީސް މަޑޫރޯ ކުރައްވާ މަސައްކަތްޕުޅުގެ ސަބަބުން ގައުމު ވަނީ ހަލަބޮލިވެފައެވެ. އާ ގާނޫނު އަސާސީއެއް އެކުލަވާލުމަށްޓަކައި ކުރަމުންދާ މަސައްކަތްތަކުގެ ތެރެއިން ދާދިފަހުން ރައީސް މަޑޫރޯ ވަނީ އާ ގާނޫނު ހަދާ މަޖިލީހެއް ވެސް އިންތިޚާބުކޮށްފައެވެ. އާ ގާނޫނު ހަދާ މަޖިލީހުން ވަނީ ވެނެޒުއޭލާގެ އިދިކޮޅު ފަރާތްތަކުގެ ކޮންޓްރޯލް އޮންަނަ ގާނޫނު ހަދާ މަޖިލީހުގެ ބާރުތައް ވެސް ނަގާފައެވެ.
އާ ގާނޫނު އަސާސީއެއް އެކުލަވާލުމަށް ރައީސް މަޑޫރޯ ކުރައްވާ މަސައްކަތްޕުޅުގެ ސަބަބުން ވެނެޒުއޭލާ އަށް ވަނީ ބައިނަލްއަގްވާމީ ދުނިޔޭގެ ފިއްތުމާއި ފާޑުކިޔުންތައް އަމާޒުވެފައެވެ.
