އަހަރެން އަދިވެސް އިތުރު ކާމިޔާބީ ހޯދަން ބޭނުން:ރޮނާލްޑޯ

ކުރިޔަށް އޮތް ތަނުގައި އިތުރު ކާމިޔާބީ ހޯދަން ބޭނުން ކަމުގައި ރެއާލްގެ ފޯވާޑް ކްރިސްޓިއާނޯ ރޮނާލްޑޯ ބުނެފިއެވެ.

ރޮނާލްޑޯ މިހެން ބުނެފައިވަނީ އެންމެ މެފަހުން ޔޫރަޕްގެ އެންމެ މޮޅު ކުޅުންތެރިޔާގެ މަގާމުލިބުމާ ގުޅިގެން ނޫސްވެރިޔަކު ކުރި ސުވާލަކަށް ޖަވާބު ދެމުންނެވެ.

ރޮނާލްޑޯ ބުނީ ޔޫރަޕްގެ އެންމެ މޮޅު ކުޅުންތެރިޔާގެ މަގާމު އޭނާއަށް ލިބުނީ ބުރަ މަސައްކަތުން ކަމަށެވެ. އަދިވެސް އެގޮތަށް ކާމިޔާބީތަށް ހޯދުމަށް ރަނގަޅަށް މަސައްކަތް ކުރާނެ ކަމަށްވެސް އޭނާ ވަނީ ބުނެފައެވެ.

ރޮނާލްޑޯއަށް ޔޫރަޕްގެ އެންމެ މޮޅު ކުޅުންތެރިޔާގެ މަގާމު ލިބުނުއިރު އޭނާ ވަނީ ނިމިގެން ދިޔަ އަހަރުގެ ޗެމްޕިއަންސް ލީގު މުބާރާތުގެ އެންމެ މޮޅު ފޯވާޑުގެ މަގާމުވެސް ލިބިފައެވެ.

ރޮނާލްޑޯ ވަނީ ޔޫއެފާ ޗެމްޕިއަންސް ލީގުގެ ތަށި ޖެހިޖެހިގެން ދެއަހަރު ރެއާލް އާ އެކު ކާމިޔާބު ކޮށްފައެވެ.