މަހްތަރިޔާންގެ ލަނޑަށްވުރެ އަހަރެންގެ ލަނޑު ރީތި: ޖިރޫ
18 ޖެނުއަރީ 2017 | ބުދަ 00:50މަހްތަރިޔާން ކާމިޔާބުކުރި ލަނޑަށްވުރެ އަހަރެން ކާމިޔާބުކުރި ސްކޯޕިއަން ކިކް ރީތި: ޖިރޫ
ކްރިސްޓަލް ޕަލަސްއާ ދެކޮޅަށް ސްކޯޕިއަން ކިކަކުން ޖިރޫ ލަނޑު ޖަހަނީ
މެންޗެސްޓާ ޔުނައިޓެޑްގެ ހެންރިކް މަހްތަރިޔާން ކާމިޔާބުކުރި ލަނޑަށްވުރެ އޭނާ ކާމިޔާބުކުރި ލަނޑު ރީތި ކަމަށް އާސެނަލް އަށް ކުޅެމުން އަންނަ އޮލިވާ ޖިރޫ ބުނެފި އެވެ.
ސްކައި "ސޮކާއޭއެމް" އަށް ދިން އިންޓަވިއުއެއްގައި ކްރިސްޓަލް ޕަލަސްއާ ދެކޮޅަށް ސްކޯޕިއަން ކިކަކުން ހިތްގައިމު ލަނޑެއް ކާމިޔާބުކުރި ޖިރޫ ބުނީ އޭނާ ޖެހި ލަނޑު މަހްތަރިޔާން ކާމިޔާބުކުރި ސްކޯޕިއަން ކިކަށްވުރެ ރީތިވާނެ ކަމަށެވެ.
ޖިރޫ ބުނީ މަހްތަރިޔާން ސަންޑަލޭންޑާ ދެކޮޅަށް ކާމިޔާބުކުރި ސްކޯޕިއަން ކިކާ އެކު ގިނަ ފަރާތްތަކުން މަހްތަރިޔާންގެ ލަނޑު އޭނާގެ ލަނޑަށްވުރެ ރީތިކަމަށް ބުނަމުން އައި ކަމަށާއި، އެހެންނަމަވެސް އޭނާ އަށް އެންމެ ރީތީ އޭނާ ކާމިޔާބުކުރި ސްކޯޕިއަން ކިކް ކަމަށެވެ.
މީގެއިތުރުން ޖިރޫ ބުނީ ހަފްތާއެއް ތެރޭގައި އެއް ވައްތަރެއްގެ ދެ ލަނޑު ޖެހުމުން އެއީ އޭނާ ހައިރާންވާ ކަމެއް ކަމަށާއި، މަހްތަރިޔާން ކާމިޔާބުކުރި ލަނޑުވެސް ރީތި ކަމަށެވެ.
މި ސީޒަނުގައި ޖިރޫ މޮޅު ކުޅުމެއް ދައްކަމުން އަންނައިރު، އޭނާ ވަނީ އެޓީމު މި ސީޒަނުގައި ކުޅުނު ގިނަ މެޗުތަކުން އެންމެ ފަހުވަގުތު ސަލާމަތްކޮށްދީފައެވެ.
އެގޮތުން އޭނާ ވަނީ މި ސީޒަނުގައި އާސެނަލް އަށް ހަތް ލަނޑު ކާމިޔާބުކޮށްފައެވެ. ޕްރިމިއާ ލީގުގެ ޕޮއިންޓް ތާވަލަށް ބަލާއިރު، އާސެނަލް އޮތީ ކުޅުނު 21 މެޗުން ލިބުނު 44 ޕޮއިންޓާއެކު ޕޮއިންޓް ތާވަލުގެ ހަތަރުވަނައިގަ އެވެ.
