މެޗު ފަސޭހައެއް ނުވާނެ، ނުކުންނާނީ ތިން ޕޮއިންޓް ހޯދަން: އިޤްބާލް
30 ޖެނުއަރީ 2017 | ހޯމަ 13:37ތިމްޕޫ ސިޓީއާ ދެކޮޅަށް ރަނގަޅު ފައިޓެއް ދެވޭނެ
އޭއެފްސީ ކަޕްގެ މެޗުގެ ކުރިން ނޫސްވެރިންނަށް މައުލޫމާތުދެނީ:_ފޮޓޯ ވެލެންސިއާ
ބޫޓާންގެ ތިމްޕޫ ސިޓީއަކީ ވަރުގަދަ ޓީމަކަށް ވުމުން، މާދަމާގެ މެޗަކީ އެއްވެސް ވަރަކަށް ފަސޭހަ ވާނެ މެޗެއް ނޫން ކަމަށާއި، އެކަމަކު ވެލެންސިއާއިން ނުކުންނާނީ ތިން ޕޮއިންޓް ހޯދަން ކަމަށް ވެލެންސިއާގެ ކޯޗު މުހައްމަދު އިގްބާލް ބުނެފިއެވެ.
އޭފްއެފްސީ ކަޕް ކޮލިފިކޭޝަން ޕްލޭ އޮފްގެ ޕްލިމިނަރީ ބުރުގައި ބޫޓާންގެ ތިމްޕޫ ސިޓީއާ ދެކޮޅަށް ކުޅޭ މެޗާ ބެހޭ ގޮތުން ހޯމަދުވަހު ނޫސްވެރިންނަށް މައުލޫމާތު ދެމުން އިޤްބާލު ބުނީ މި މެޗުގައި ވެލެންސިއާގެ ފަރާތުން ފެނިގެންދާނީ އެޓޭކިން ގޭމެއް ކަމަށެވެ.
އޭފްއެފްސީ ކަޕް ކޮލިފިކޭޝަން ޕްލޭ އޮފްގެ ޕްލިމިނަރީ ބުރުގައި ބޫޓާންގެ ތިމްޕޫ ސިޓީއާ ވާދަކުރުމަށް ވެލެންސީއާ އެގައުމަށް ގޮސްފައިވަނީ މިދިއަ ހޮނިހިރު ދުވަހުއެވެ.
މެޗާ ގުޅޭ ގޮތުން ބޫޓާންގެ ނުސްވެރިންނާ ވާހަކަ ދައްކަމުން އިޤްބާލު އިތުރަށް ބުނެފައިވަނީ އެންމެ އެކަށީގެންވާ ގޮތަކަށް ޓީމަށް ތައްޔާރުވެވިފައި ނުވާ ކަމަށެވެ.
ރާއްޖެއެމްވީއާ ވާހަކަ ދައްކަމުން އިޤްބާލު ބުނީ ވެލެންސިއާއިން ޕްރެކްޓިސް ފަށާފައިވަނީ މީގެ 10 ވަރަކަށް ދުވަސް ކުރިންން ނަމަވެސް މާބޮޑު ފިޓްނަސް މައްސަލަތަކެއް ނެތް ކަމަށެވެ.
ވޭތުވެދިޔަ އަހަރުތަކުގައި ބޫޓާނުންވަނީ މި ސަރަހައްދުގެ ފުޓުބޯޅައިގައި ބޮޑެތި ކުރިއެރުންތަކެއް ހޯދާފައި ކަމަށް އިގްބާލު ބުންޏެވެ.
އިޤްބާލް ބުނި ގޮތުގައި ވެލެންސިއާއާ ދެކޮޅަށް ނުކުންނަ ބޫޓާންގެ ތިމްޕޫ ސިޓީއަކީ އެވްރެޖް ޓީމެކެވެ. އެހެންކަމުން އެޓީމާ ދެކޮޅަށް ރަނގަޅު ފައިޓެއް ދެވޭނެ ކަމަށް އޭނާ ބުންޏެވެ.
މިވަގުތު ބޫޓާނުގެ ފިނިހޫނުމިން ހުރި ގޮތުން މޫސުމުގެ މައްސަލަ ނުކުމެދާނެ ކަމަށް އިގްބާލު ބުނެއެވެ. އަދި މިއަދު ޓީމުގެ ފަހު ޕްރެކްޓިސް އޮންނާނީ މެޗު ކުޅޭ ގަޑީގައި ކަމަށް ވުމުން އެކަމަށް ވެސް ރެޑީވެވޭނެ ކަމަށް އޭނާ ބުންޏެވެ.
އޭފްސީކަޕްގެ އޮނިގަނޑަށް ގެނެސްފައިވާ ބަދަލާއި ގުޅިގެން ވެލެންސީއާ އިން ކުޅޭ ކުޅޭ ދެ މެޗު، އެގްރިގޭޓް ނަތީޖާއިން މޮޅުވެއްޖެ ނަމަ އަދި ކޮލިފައިން ބުރުގެ މެޗެއް ކުޅެން ޖެހޭނެއެވެ.
