"ދުލެއް ނުކުރާނަން" އިހްތިޖާޖްގެ ބައިވެރިން ކުރިއަށްގެންދިޔަ ޓިޖިޓަލް ޕްރޮޓެސްޓްގައި ގިނަ ބަޔަކު ޝުއޫރު ފާޅުކޮށްފި
ޒުވާނުން ކޮށްފައިވާ 10 ޑިމާންޑް ފުރިހަމަ ނުވަނީސް ގެޔައަށް ނުވަންނާނެ ކަމަށާއި އިންސާފު ހޯދުމަށް ކުރަމުންދާ މަސައްކަތް ހުއްޓާނުލައި ކުރިއަށްގެންދާނެ ކަމަށް ވަނީ ބުނެފައި
"ދުލެއް ނުކުރާނަން" އިޙްތިޖާޖް
ހައްވާ ޔުމްނު ރަޝީދަށް އިންސާފު ހޯދުމަށް ގޮވާލާ ކުރިއަށްގެންދާ "ދުލެއް ނުކުރާނަން" އިހްތިޖާޖްގެ ބައިވެރިން ޓުވިޓަރގައި ޝުއޫރުފާޅުކޮށްފި އެވެ.
ޓުވިޓާގައި ގިނަ އަދަދެއްގެ ބަޔަކު ބައިވެރިވި މި ޝުއޫރު ފާޅުކުރުމުގެ ހަރަކާތުގައި ޒުވާނުން ވަނީ މިގޮތަށް ޓުވިޓާގައި ޝުޢޫރުފާޅުކުރުމަށް އިންތިޒާމްކުރީ ރާއްޖެއިން ބޭރުގައި ތިބި އެތައް ބަޔަކަށް މިކަމުގައި ހުރި ކަންބޮޑުވުންތައް ހިއްސާކުރުމުގެ ފުރުޞަތު ދިނުމުގެ ބޭނުމުގައި ކަމަށް މިކަން އިންތިޒާމްކުރި ފަރާތުން ވަނީ ބުނެފައެވެ.
އަދި ޒުވާނުން ކޮށްފައިވާ 10 ޑިމާންޑް ފުރިހަމަ ނުވަނީސް ގެޔައަށް ނުވަންނާނެ ކަމަށާއި އިންސާފު ހޯދުމަށް ކުރަމުންދާ މަސައްކަތް ހުއްޓާނުލައި ކުރިއަށްގެންދާނެ ކަމަށް އިހްތިޖާޖްގެ ބައިވެރިން ވަނީ ބުނެފައެވެ.
ޔުމްނުއަށް އިންސާފް ހޯދައިދިނުމަށް ގިނަ އަދަދެއްގެ ޒުވާނުން ދަނީ މާލޭގެ މަގުތަކަށް ނިކުމެ އިހްތިޖާޖް ކުރަމުންނެއެވެ. އަދި މިމައްސަލާގައި ފުލުހުން އަމަލުކޮށްފައިވާ ގޮތާއި މެދު ގިނަ ބަޔަކު ދަނީ ހިތްހަމަ ނުޖެހުން ފާޅުކުރަމުންނެއެވެ.
މުޒާހަރާގެ ބައިވެރިން ކޮމިޝަނަރ އޮފް ޕޮލިސް އަލީ ޝުޖާއުގެ އިސްތިއުފާއަށް ގޮވާލާފައިވަނިކޮށް އޭނާ ވަނީ މަޤާމުން އިސްތިއުފާދީފަ އެވެ.
އަދި މިމައްސަލަ ބެލުމަށް މިހާރު ރައީސް އުފައްދަވާފައިވާ ކޮމިޝަނާއި މެދުވެސް ޒުވާނުންވަނީ ހިތްހަމަ ނުޖެހުން ފާޅުކޮށް ވާހަކަދައްކަވާފައެވެ.
