ހައްވާ ޔުމްނު ރަޝީދު ވެއްޓުމުގެ ކުރިން، ރައުދު އަހުމަދު ޒިލާލް އާއި ދެމެދު ދެބަސްވުމެއް ހިނގިކަން ހާމަވެއްޖެ އެވެ.

މިހާދިސާއާއި ގުޅިގެން ނިއުޅެމުންދާ ހަބަރުތަކަށް ބަލާއިރު، ގިނަ ކަންކަން ސިއްރުކޮށްފައިވާކަން ދަނީ ހާމަވަމުންނެއެވެ. އެގޮތުން ފުލުހުން ސިއްރުން ފުރަތަމަ ބޭއްވި ޕްރެސްގައި ފުލުހުން ރައުދު ރޯ ކަމަށް ބުނާ އަޑު އެންހޭންސްކޮށްގެން ބެލިއިރު އެއީ އެ ދެ މީހުންގެ މެދުގައި ހިނގި ދެބަސްވުމެއްގެ އަޑު ކަމަށް ވަނީ އެނގިފައެވެ.

ފުލުހުން އެންމެ ފުރަތަމަ މިކަމާއި ގުޅިގެން ބޭއްވި ނޫސްވެރިންގެ ބައްދަލުވުމުގައި ބުނެފައިވަނީ ހައްވާ ޔުމްނު ރަޝީދު ވެއްޓުމުގައި އިތުރު އެއްވެސް މީހެއްގެ ނުވަތަ ބައެއްގެ ބައިވެރިވުމެއްވާ ކަމެއް އެނގިފައިނުވާ ކަމަށާއި ޔުމްނު ވެއްޓުނީ އަމިއްލައަށް ކަމަށް ޤަބޫލުކުރެވޭ ކަމަށެވެ.

ނަމަވެސް މިކަމުގައި ގިނަ ބަޔަކު ފުލުހުންގެ އިދާރާއަށް ފާޑުކިޔުން އަމާޒު ކުރުމުން ފަހުން ވަނީ ހ. ފެންޓެނޯއީ ގޭގެ މަތިން ފުރާޅު މައްޗަށް ވެއްޓުނު 21 އަހަރުގެ ހައްވާ ޔުމްނު ރަޝީދު އާއި އެކު އުޅުނު، ރައުދު އަހުމަދު ޒިލާލު ކޯޓް އަމުރެއްގެ ދަށުން ހައްޔަރުކުރީ ޔުމްނު ވައްޓާލުމުގެ އަތެއް އޮވެގެން ކަމަށް ބުނެފައެވެ.

މިހާދިސާ ހިނގިރޭގެ ސީސީޓީވީ ފުޓޭޖް ކަމަށްބުނެ ފުލުހުން ދެއްކި ވީޑީއޯ ވަނީ އެޑިޓްކޮށްފައި ކަމަށްބުނެ ގިނަ ބަޔަކު ދަނީ އަޑު އުފުލަމުންނެ އެވެ. އަދި އިތުރު ބައެއް ވީޑިއޯތައް ސޯޝަލް މީޑިޔާގައި ދަނީ ދައުރުވަމުންނެއެވެ.

18 އޭޕްރިލް ވަނަ ދުވަހު ހ.މިތާޒް ގޭގެ ފުރާޅު މައްޗަށް އަންހެނަކު ވެއްޓުނު މައްސަލައާއި ގުޅިގެން ކޯޓް އަމުރެއްގެ ދަށުން ގ. އެރިއަދޫ، ރައުދު އަހްމަދު ޒިލާލް 21، އަހަރު ކޯޓް އަމުރެއްގެ ދަށުން ބުރާސްފަތި ދުވަހުގެ 18:20 ގައި ވަނީ ހައްޔަރުކޮށްފައެވެ. އަދި މި މައްސަލައާ ގުޅިގެން ހައްޔަރު ކުރި ރައުދުގެ ބަންދާމެދު ގޮތެއް ނިންމުމަށް މިއަދު ކޯޓަށް ހާޒިރު ކުރުމުން 5 ދުވަހަށް ބަންދު ކުރުމަށް އަމުރު ވަނީ އަމުރުކޮށްފައެވެ.

ޔުމްނު ރަޝީދަށް އިންސާފު ހޯދައިދިނުމަށް ގޮވާލާ މާލޭގެ މަގުތަކުގައި ޒުވާނުން ނިކުމެ އިހްތިޖާޖް ކުރަމުންދާތާ ތިން ދުވަސްވެއްޖެ އެވެ. މިމުޒާހަރާތަކުގައި ސަރުކާރުގެ އިސްވެރިންގެ އިސްތިއުފާއަށް ދަނީ ގޮވާލަމުންނެއެވެ.