ވިލާ ގުރޫޕް ރިސޯޓް ތަކުގެ މަސައްކަތްތެރިންނަށް އެޕްރީލް އަދި މާރިޗް މަހުގެ ސާވިސްޗާޖު ނުދޭ ކަމަށް މުވައްޒަފުން ދަނީ ބުނަމުން
މާމިގިލި ދާއިރާގެ މެންބަރު އަދި ވިލާ ގުރޫޕުގެ ޗެއާރމަން ގާސިމް އިބްރާހިމް: ވިލާގުރޫޕް ރިސޯޓުތަކުގެ މަސައްކަތްތެރިންނަށް ސާވިސް ޗާރޖް ނުދޭ މައްސަލަ ވަނީ ބޮޑުވެފަ
ވިލާ ގުރޫޕް ރިސޯޓް ތަކުގެ މަސައްކަތްތެރިންނަށް ދެ މަހު ސާވިސްޗާޖު ނުދޭ ކަމަށް ބުނެ ގިނަ އަަދަދެއްގެ މުވައްޒަފުން ކަންބޮޑުވުންފާޅު ކުރަންފަށައިފިއެވެ.
އެ މުވައްޒަފުން ބުނާ ގޮތުގައި މި އަހަރުގެ ފެބްރުއަރީ އަދި މާރިޗު މަހުގައި ދޭން ޖެހޭ ސާވިސް ޗާޖް ލާރި ވަނީ ނުލިބިއެވެ.
މި މައްސަލައާއި ގުޅިގެން ޖުމްހޫރީ ޕާޓީގެ ލީޑަރު އަދި ރައްޔިތުން މަޖިލީހުގެ މާމިގިލި ދާއިރާގެ މެމްބަރު ޤާސިމް އިބުރާހީމް ޓެގް ކުރައްވައި ކެންދޫ ދާއިރާގެ މެންބަރު މައުރޫފު ޒާކިރް ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވިދާޅުވީ އަދިވެސް ފެބްރުއަރީ އަދި މާރޗް މަހުގެ ސާވިސްޗާޖް ވިލާ ރިސޯޓްތަކުގެ މުވައްޒަފުންނަށް ނުދޭކަމުގެ ޝަކުވާ އެބަ ލިބޭ ކަމަށެވެ.
އަދި މިކަން ފަހަރުގައި ޤާސިމް އިބުރާހީމް އަށް އެގި ނުލައްވަނީ ކަމަށް ބައްލަވާފައި އެކަން ހައްލުކޮށްދެއްވުމަށް ހަނދުމަފުޅުކޮށްދެއްވާ ކަމަށާއި އަދި ކުރާ މަސައްކަތުގެ އުޖޫރަ ދިނުން ލަސްކުރުން އެއީ އެއްވެސް ހާލަތެއްގައި ކޮށްގެންވާނޭ ކަމެއް ނޫން ކަމަށް ވެސް އޭނާ ވިދާޅުވިއެވެ.
ވިލާ ގުރޫޕް ރިސޯޓް ތަކުގެ މަސައްކަތްތެރިންނަށް ސާވިސްޗާޖު ނުދޭނަމަ މުޒާހަރާއަށް ނުކުތުމަށް ވެސް މެންބަރު މައުރޫފު ޒާކިރު ވަނީ މީގެ ކުރިން ގޮވާލައްވާފަ އެވެ.
މި މައްސަލައާއި ގުޅިގެން މެންބަރު އޭރު މައުރޫފު ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވިދާޅުވެފައި ވަނީ ރަމަޟާން މަހުވެސް ވިލާ ގުރޫޕް ރިސޯޓް ތަކުގެ މަސައްކަތްތެރިން ތިބީ ދެމަހުގެ ސާވިސްޗާޖް ނުދިނުމުގެ ސަބަބުން ބޭނުންވާ ޒަރޫރީ ބޭނުންތައް ނުފުދިފައި ކަމަށާއި، ބިލްތައް ނުދެއްކިފަ ކަމަށެވެ.
ލިބެންޖެހޭ ސާވިސްޗާޖް ނުދީ ހިފެހެއްޓުމުގެ ސަބަބުން ވަރަށް ގިނަ ދަތިތަކަކާ ކުރިމަތިލާން ޖެހިފައިވާކަން ފާހަގަކުރައްވައި މެންބަރު މައުރޫފު ވިދާޅުވީ މިއީ އަބަދުވެސް މި ރިސޯޓުތަކުގައި ވަޒީފާ އަދާ ކުރާ މުވައްޒަފުންގެ ހާލުކަމަށެވެ.
އަދި އެންމެ ދުވަހެއްވެސް ލަސްނުކޮށް ސާވިސްޗާޖް މުވައްޒަފުންނަށް ދިނުމަށް މެމްބަރު މައުރޫފް ވަނީ ގޮވާލައްވާ ފައެވެ.
ރައްޔިތުންގެ މަޖިލީހުގެ މާމިގިލީ ދާއިރާގެ މެމްބަރު އަދި ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ވިލާ ކުންފުނިން ރާއްޖޭގައި ގިނަ ރިސޯޓުތައް ހިންގަމުންދާއިރު، މުއައްޒަފުން އެކަށީގެންވާ މުސާރައާއި ސަރވިސް ޗާރޖް ނުދޭ މައްސަލަ ދޭތެރެ ދޭތެރެއިން އަންނަނީ ފެންމަތިވަމުންނެވެ.
