ވިލާ ހައި ސުކޫލުން މަތީ ސާނާވީއަށް ދަރިވަރުން ހޯދަނީ
ޝަރުތު ހަމަވާ ކޮންމެ ކުއްޖަކަށް ހިލޭ ކިޔެވޭނެ
ވިލާ އިންޓަރނޭޝަނަލް ހައި ސްކޫލު
ވިލާ އިންޓަރނޭޝަނަލް ހައި ސުކޫލުން މަތީ ސާނަވީއަށް ދަރިވަރުން ވަނުމުގެ ފުރުޝަތު ހުޅުވާލާފިއެވެ.
ރާއްޖެޓީވީގެ ޙަބަރު ފީތާ ޕްރޮގްރާމްގައި ވާހަކަ ދައްކަވަމުން ވިލާ ހައި ސުކޫލްގެ ޑެޕިއުޓީ ފްރިންސިޕަލް އިސްމާއިލް ނާޝިދު ވިދާޅުވީ ޖެނުއަރީ 18 ވަނަ ދުވަހުން ފެށިގެން މަތީ ތައުލީ ސާނަވީއަށް ދަރިވަރުން ވަނުމުގެ ފުރުސަތު ހުޅުވާލާފައެވެ. ވިލާ ހައި ސުކުލޫން މަތީ ސާނަވީގައި ސައިންސް ސްޓްރީމް އަދި ކޮމާސް ސްޓްރީމް ކިޔަވާދެމުން އަންނަ އިރު އެޕްލިކޭޝަން ފޯމް ހުށައެޅުމުގެ އެންމެ ފަހުގެ ތާރީހަކީ ފެބްރުއަރީ 15 ކަމަށް ނާޝިދު ވިދާޅުވިއެވެ.
ނާޝީދު ވިދާޅުވީ ގްރޭޑް 11 އަދި 12 އަށް ވަނުމުގެ ޝަރުތަކީ ޖީސީއޯލެވެލްގެ ފަސް މާދާއިން ފާސްވެފައިވުން ކަމަށެވެ. ފަސް މާދާއިން ފާސްވެފައިވާކަން ކަނޑައަޅާނީ ކަރްކިއުލަމް ސަބްޖެކްޓްތަކުން 3 މާއްދާއިން ފާސްވުމާއި އެކު މަޖްބޫރު މާއްދާތަކުގެ ތެރެއިން ދިވެހި އިސްލާމް އަދި އިގެރޭސީގެ ތެރެއިން 2 މާއްދާއިން ފާސްވުމުން ކަމަށް ނާޝިދު ވިދާޅުވިއެވެ.
ނާޝިދު ވިދާޅުވީ ޝަރުތު ހަމަވާ ކޮންމެ ކުއްޖަކަށް ސަރުކާރުގެ ސްޕޮންސާއާ އެކު ހިލޭ ކިޔިވުމުގެ ފުރުސަތު ހަމަޖެހިގެންދާނެ ކަމެވެ. ހިލޭ މަތީ ސާނާވީއަށް ކިޔެވުމުގެ ފުރުސަތު ހަމަޖެހިގެން ދަނީ އެޑިއެކޭޝަން މިނިސްޓްރީން ކަނޑައަޅާފައިވާ އާންމު ގަވާއިދެއްގެ ދަށުން ކަމަށާއި އެގަވާއިދު ބުނާ ގޮތުން މަތީ ސާނަވީއަށް ޝަރުތު ހަމަވާ ކޮންމެ ކުއްޖަކަށް އެފުރުސަތު ފަހިކޮށްދޭން ޖެހޭ ކަމަށެވެ.
ވިލާ ހައި ސްކޫލް ހިޔާލުކުރަން ޖެހޭ ސަބަބެއް ކަމަށް ނާޝިދު ވިދާޅުވީ އެ ސުކޫލަކީ މަތީ ސާނަވީއަށް ކިޔެވުމަށް ޒަމާނީ ހުރިހާ ވަސީލަތަކެއް ތަނަވަސް ވެފައިވާ ސުކޫލެއް ކަމަށް ވަތީއެވެ. ކިޔެވުމުގެ އިތުރުން ތަޖުރީބާ ހޯދުމުގެ ގޮތުން ދިވެހި ރާއްޖޭގެ އެކި ކަންކޮޅުތަކަށް އަދި އަވަށްޓެރި ގައުމުތަކަށް ފީލްޑް ޓްރިޕްތައް ކޮންމެ އަހަރަކު ވެސް ދަރިވަރުންނަން ހަމަޖެހިގެންދާނެ ކަމަށް ވެސް ނާޝިދު ވިދާޅުވިއެވެ.
