އދ. ގެ ވޯކިން ގުރޫޕްގެ ނިންމުމާ އެއްގޮތަށް ނާޒިމް މިނިވަން ކުރުމަށް ރައީސް މައުމޫން ގޮވާލައްވައިފި
އދ ގެ ނިންމުމަށް ދިވެހި ސަރުކާރުން ބޯލަމބަން ޖެހޭ
ކުރީގެ ރައީސް މައުމޫން އަދި ރައީސް އަބްދުﷲ ޔާމީން
ކުރީގެ ޑިފެންސް މިނިސްޓަރު ކާނަލް ރިޓެޔާޑް މުހައްމަދު ނާޒިމް ފްރޭމް ކޮށްފައިވާ ކަމަށް އދ.ގެ ވޯކިން ގުރޫޕުން ނިންމުމާ އެކު އޭނާ ވަގުތުން މިނިވަން ކުރުމަށް ޕީޕީއެމްގެ ރައީސް އަދި ކުރީގެ ރައީސް މައުމޫން އަބްދުލް ގައްޔޫމް ގޮވާލައްވައިފިއެވެ.
އދ. ގެ ވޯކިން ގުރޫޕް އޮން އާބިޓްރަރީ ޑިޓޭންޝަން އިން ނިންމާފައިވާ ނިންމުމާ އެއްގޮތަށް ކާނަލް ނާޒިމް ވަގުތުން މިނިވަން ކުރުމަށް ރައީސް މައުމޫން ކުރެއްވި ޓްވީޓެއްގައި ދިވެހި ސަރުކާރަށް ގޮވާލައްވާފައި ވެއެވެ.
އދ. ގެ ވޯކިން ގްރޫޕުން ނިންމި ނިންމުމުގައި ނާޒިމްގެ މައްޗަށާއި އެހެނިހެން ސިޔާސީ ފަރާތްތަކުގެ ޝަރީއަތްތަކުގައި އެއްގޮތް ކަންތައްތަކެއް ހުރިކަން ފާހަގަކުރެވޭ ކަމަށާއި އިޖުރާއަތްތައް ފުރިހަމަނުވާ ކަމަށެވެ. ވަކިން ހާއްސަކޮށް ނާޒިމްގެ ޝަރީއަތުގައި ގިނަ ކަންތައްތަކެއް ބައިނަލްއަގްވާމީ މިންގަނޑުތަކާ ޚިލާފު ކަމަށް ބުނެފައި ވެއެވެ.
މިކަންތައްތައް ފާހަގަކޮށް އެ ގްރޫޕުން ވަނީ ނާޒިމް ވީހާ ވެސް އަވަހަށް މިނިވަންކޮށް ނުހައްގުން ބަންދުކޮށްފައި ހުރި ދުވަސްތަކަށް ބަދަލު ނަގައިދިނުމަށް ސަރުކާރަށް އަންގާފައެވެ.
