ފަތިހުން ފެށިގެން ދެމުންދާ ހަމަލާތަކުގައި 37 މީހަކު ޣައްޒާގައި ޝަހީދު ކޮށްލައިފި
7 އެޕްރީލު 2025 | ހޯމަ 14:05ސަރުކާރުގެ މީޑިއާ އޮފީހުން ޝަހީދުވި މީހުންގެ އަދަދު 61،700 އަށް ވުރެ މައްޗަށް އަރާފައިވާ ކަމަށް ބުނެފައިވާއިރު، ވެއްޓިފައިވާ އިމާރާތްތަކުގެ ދަށުގައި ގެއްލުނު އެތައް ހާސް ބަޔަކު ތިބޭނެކަމަށް ވަނީ ބެލެވިފައެވެ. 2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހު ހަމާސް ޖަމާއަތުން ދިން ހަމަލާތަކުގައި އިސްރާއީލުގައި 1،139 މީހުން މަރުވެ، 200 އަށް ވުރެ ގިނަ މީހުން ވަނީ ބަންދުކޮށްފައެވެ.
ފަލަސްތީނުގެ ރައްޔިތުން ޣައްޒާގެ ދެކުނުގައި އޮންނަ ޚާން ޔޫނިސްގައި އިސްރާއީލުގެ ހަޅުތާލުތަކުގައި ހަލާކުވެފައިވާ ގެއެއްގެ ބައިތަކުގެ ދަށުން ގެއްލިފައިވާ މީހުން ހޯދުމުގެ މަސައްކަތް ކުރަނީ - ފައިލް
އާދީއްތަ ދުވަހުގެ ފަތިހުން ފެށިގެން އިސްރާއީލުން ދިން ހަމަލާތަކުގައި ޣައްޒާގެ އެކި ކަންކޮޅުތަކުގައި 37 މީހުން ޝަހީދު ވެއްޖެއެވެ.
އަލްޖަޒީރާއަށް މައުލޫމާތު ދެމުން ސިއްހީ މަސްދަރުތަކުން ބުނީ އިސްރާއީލުން ޣައްޒާއަށް ފަތިހުން ފެށިގެން ދިން ހަމަލާތަކުގައި ފަލަސްތީނުގެ 37 މީހަކު ޝަހީދުވެފައިވާ ކަމަށެވެ. މަރުވި މީހުންގެ ތެރެއިން 22 މީހުންނިސްބަތްވަނީ މެދުތެރެއާއި ދެކުނުގެ ސަރަޙައްދުތަކުގައި ކަމަށް މައުލޫމާތު ލިބެއެވެ.
ސަރުކާރުގެ މީޑިއާ އޮފީހުން ޝަހީދުވި މީހުންގެ އަދަދު 61،700 އަށް ވުރެ މައްޗަށް އަރާފައިވާ ކަމަށް ބުނެފައިވާއިރު، ވެއްޓިފައިވާ އިމާރާތްތަކުގެ ދަށުގައި ގެއްލުނު އެތައް ހާސް ބަޔަކު ތިބޭނެކަމަށް ވަނީ ބެލެވިފައެވެ. 2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހު ހަމާސް ޖަމާއަތުން ދިން ހަމަލާތަކުގައި އިސްރާއީލުގައި 1،139 މީހުން މަރުވެ، 200 އަށް ވުރެ ގިނަ މީހުން ވަނީ ބަންދުކޮށްފައެވެ.
އިސްރާއިލުން ދެމުންދާ ޓެރަރިސްޓް ހަމަލާތަކުގައި މިހާތަނަށް 111،588 މީހަކު ޒަހަމްވެފައިވެއެވެ. އަދި މަރުވިކަމަށް ބެލެވިފައިވާ ގެއްލިފައިވާ މީހުންގެ އަދަދު 14،222ށް އަރައެވެ.
މީގެ އިތުރުން ހިފާފައިވާ ހުޅަނގު އައްސޭރީގައި 905 މީހުން ޝަހީދުކޮށްލާފައިވާ އިރު، މީގެ ތެރޭގައި 181 ކުޑަކުދިން ހިމެނެއެވެ. އަދި ހުޅަނގު އައްސޭރީގައި 7370 މީހުން ވަނީ ޒަހަމްކޮށްލާފައެވެ.
އދ.ގެ އޮފީސް ފޯ ދަ ކޯޑިނޭޝަން އޮފް ހިއުމެނިޓޭރިއަން އެފެއާޒް (އޯސީއެޗްއޭ) އާއި ދުނިޔޭގެ ސިއްހަތު ޖަމިއްޔާ އަދި ފަލަސްތީނު ސަރުކާރުގެ އެންމެ ފަހުގެ ތަފާސް ހިސާބުތައް ދައްކާ ގޮތުން ޖެނުއަރީ މަހުގެ 15 ވަނަ ދުވަހުގެ ނިޔަލަށް އިޒްރޭލުން ދިން ހަމަލާތަކުން ވަނީ ބޮޑެތި ގެއްލުންތަކެއް ލިބިފަ އެވެ.
އެގޮތުން ގާތްގަނޑަކަށް ޣައްޒާގެ ހުރިހާ ގެތަކެއް ވަނީ ހަލާކުވެ ބޭނުން ނުކުރެވޭވަރުވެފައެވެ. ކޮމާޝަލް ފެސިލިޓީތަކުގެ 80 އިންސައްތަ ހަލާކުކޮށްލާފައިވާއިރު ސްކޫލް އިމާރާތްތަކުގެ 88 އިންސައްތަ ވަނީ ސުންނާފަތިކޮށްލާފައެވެ. އަދި ޞިއްޙީ ޚިދުމަތްދޭ ތަންތަނުގެ 50 އިންސައްތަ ހޮސްޕިޓަލްތައް ހިންގަމުން އަންނަނީ މަދު ހިދުމަތްތައް ދެމުންނެވެ. މީގެ އިތުރުން މަގުމަތީގެ ނެޓްވޯކްތަކުގެ 68 އިންސައްތަ ހަލާކުކޮށްލާފައިވާ އިރު، ދަނޑުބިންތަކުގެ 68 އިންސައްތަ ވަނީ ނައްތާލާފައެވެ.
އިސްރާއީލުގެ އަސްކަރިއްޔާއިން ހިފާފައިވާ ހުޅަނގު އައްސޭރީގެ ސިޓީތަކުގެ އެކި ސަރަހައްދުތަކުގައި އާންމު ހަޅުތާލު ކުރަމުންދާއިރު، ނަބްލޫސް ސިޓީއަށް ވަންނަ ހުރިހާ ދޮރެއް ބަންދުކޮށްފައިވާ ކަމަށް އަލްޖަޒީރާގައި ރިޕޯޓްކޮށްފައިވެއެވެ. އެ ނެޓްވޯކަށް މައުލޫމާތު ދިން ފަރާތްތަކުން ބުނީ ގޭޓާއި އަސްކަރީ ޗެކްޕޮއިންޓްތައް ބަހައްޓާފައި ވަނީ އެ ސިޓީއަށް އަރާ ފޭބުން ހުއްޓުވުމަށް ކަމަށެވެ.
