ރައީސް މުއިއްޒު، ހޯނޑެއްދޫގެ އިހުތިސާސުން ކަޑެވާރެހާ އުނިކޮށްފި
6 އެޕްރީލު 2025 | އާދީއްތަ 14:31މިއީ ރިޔާސީ އިންތިހާބުގެ ކުރިން އެރަށަށް ވަޑައިގެން ވެވަޑައިގެންނެވި ވައުދުފުޅެއް
ގދ. ހޯނޑެއްދޫ އަދި ޖެހިގެން ކަނޑެވާރެހާގެ ގޫގަލް މެޕްގެ ސްކްރީން ޝޮޓެއް
ރައީސް ޑރ. މުހައްމަދު މުއިއްޒު، ހޯނޑެއްދޫގެ އިހުތިސާސުން ކަޑެވާރެހާ އުނިކޮށްފި އެވެ.
މި ބަދަލު ގެނައުމަށްފަހު ރައީސް އޮފީހުން ބުނީ ރިޔާސީ ވަޢުދުފުޅާ އެއްގޮތަށް، އިންޓަގްރޭޓަޑް ޓޫރިޒަމަށް ހުވަދުއަތޮޅު ދެކުނުބުރީ ކަޑެވާރެހާ ތަރައްޤީކުރުމަށްޓަކައި އެ އަތޮޅު ހޯނޑެއްދޫގެ އިޚްތިޞާޞުން އެރަށް ވަކިކޮށް، ގދ. ހޯނޑެއްދޫގެ އިޚްތިޞާޞަށް ބަދަލުގެނައުމަށް ރައީސް މުޢިއްޒު ނިންމަވައިފި އެވެ.
އެ މަނިކުފާނު މިގޮތަށް ނިންމަވާފައިވަނީ، ޤާނޫނު ނަންބަރު 7/2010 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) ގެ 56-1 ވަނަ މާއްދާގެ (ހ) އިން، ދިވެހިރާއްޖޭގެ އެންމެހައި އިދާރީ ދާއިރާތަކުގައި ހިމެނޭ ސިޓީ ކައުންސިލްތަކާއި ރަށު ކައުންސިލްތަކުގެ އިޚްތިޞާޞް ކަނޑައެޅުމަށް ރައީސުލްޖުމްހޫރިއްޔާއަށް މަތިކޮށްފައިވާ މަސްއޫލިއްޔަތުގެ ދަށުން، އެ މަނިކުފާނު އާދީއްތަ ދުވަހު ނެރުއްވި، ނަންބަރު 10/2025 ވަނަ ޤަރާރުންނެވެ.
މީގެ ކުރިން ހޯނޑެއްދޫގެ އިހުތިސާދުގައި ކަޑެވާރެހާ އޮތީ ހިމަނާފައެވެ. އަދި އެތަނުގައި ރިސޯޓް ތަރައްގީކުރުމަކީ ރައީސް މުއިއްޒު ހޯނޑެއްދޫ އަށް ވަޑައިގެން ރިޔާސީ އިންތިހާބުގެ ކުރިން ވެވަޑައިގެންނެވި ވައުދުފުޅެކެވެ.
