ކަމުގެ ތަޖުރިބާނެއް ބޭފުޅުން އައްޔަން ކުރުމަކީ ކުންފުނިތަށް އިނދަޖެހި ބަނގުރޫޓުވެގެންދާނޭ ކަމެއް: ޔައުޤޫބް
4 އެޕްރީލު 2025 | ހުކުރު 08:32ފާއިތުވި ހުރިހާ ސަރުކާރުތަކެއްގައި ވެސް އެސްއޯއީތަކުގެ ހިންގުމުގައި އިސްކޮށް ތިއްބެވި ބޭފުޅުންނަކީ ކޮންމެވެސް ގޮތަކުން ދާއިރާގެ ތަޖުރިބާ ހުންނެވި ބޭފުޅުން
ރައްޔިތުންގެ މަޖިލީހުގެ ދާންދޫ ދާއިރާގެ ކުރީގެ މެމްބަރު ޔައުޤޫބު އަބުދުﷲ: އެއްވެސް ތަޖރުބާއެއް ނެތް ބޭފުޅުން ކުންފުނިތަކަށް އައްޔަން ކުރުމަކީ އެ ކުންފުނިތައް ބަނގުރޫޓުވެގެންދާނެ ކަމެއް ކަމުގައި ވިދާޅުވި
ސަރުކާރުގެ ބޮޑެތި ކުންފުނިތަކަކަކީ ދިވެހި ރައްޔިތުންނާއި ވަރަށް ބޮޑަށް ގުޅިފައިވާ ކުންފުނިތަކެއް ކަމަށާއި އެ ކުންފުނިތަކަށް ކަމުގެ ތަޖުރިބާ ނެތް ބޭފުޅުން އައްޔަން ކުރުމަކީ ކުންފުނިތަށް އިނދަޖެހި ބަނގުރޫޓުވެގެންދާނޭ ކަމެއް ކަމަށް ރައްޔިތުންގެ މަޖިލީހުގެ ދާންދޫ ދާއިރާގެ ކުރީގެ މެމްބަރު ޔައުޤޫބު އަބުދުﷲ ވިދާޅުވެއްޖެއެވެ.
ޔައުޤޫބު މިފަދައިން ވިދާޅުވީ ރާއްޖެޓީވީގެ ފަލަސުރުހީ ޕްރޮގްރާމުގައި ވާހަކަ ދައްކަވަމުންނެވެ.
މި ސަރުކާރުގެ އެންމެ މުހިންމު އެއް ކަމަކީ އިދާރީ ދާއިރާތަށް އެންމެ އެކަށޭނަގޮތުގައި ފެންވަރު ރަނަގަޅުކޮށް ހިންގުންކަމަށް ރައީސް ޑރ. މުޙައްމަދު މުއިއްޒު ވިދަޅުވި ވިދާޅުވުމަށް ރައްދުދެއްވާ ޔައުޤޫބު ވިދާޅުވީ ފާއިތުވި ހުރިހާ ސަރުކާރުތަކެއްގައި ވެސް އެސްއޯއީތަކުގެ ހިންގުމުގައި އިސްކޮށް ތިއްބެވި ބޭފުޅުންނަކީ ކޮންމެވެސް ގޮތަކުން ދާއިރާގެ ތަޖުރިބާ ހުންނެވި ބޭފުޅުން ކަމަށާއި ނަމަވެސް ރައީސް މުއިއްޒުގެ މި ސަރުކާރުން ފެންނަނީ އެއާއި މުޅިން ޚިލާފަށް ކަމުގެ އެއްވެސް ތަޖުރިބާއެއް ނެތް ބޭފުޅުން މަޤާމުތަކަށް އައްޔަން ކުރާ މަންޒަރު ކަމަށް ޔައުޤޫބު ވިދާޅުވިއެވެ.
ޔައުޤޫބު ވިދާޅުވީ އެސްއޯއީތައް ހިންގުމުގެ ދާއިރާގައި އިސްކޮށް ތިއްބަވަން ވާނީ ކަމުގެ ތަޖުރިބާ ހުންނެވި އަދި ކަމަށް ޤާބިލް ބޭފުޅުން ކަމަށެވެ. އެހެން ނޫންނަމަ ވާނެ ގޮތް މިހާރު މި ސަރުކާރުގައި ފެންނަމުން އަންނަ ކަމަށް އޭނާ ވިދާޅުވިއެވެ.
ޔައުޤޫބު ވިދާޅުވީ މި ސަރުކާރުން ކުންފުނިތަކަށް ބޭފުޅުން އައްޔަން ކުރާއިރު، ފެންނަނީ އެންމެ ދިމާލަކުން ބޭފުޅުން ގެނެސް އައްޔަން ކުރާތަން ކަމަށާއި އެ ދިމާއަކީ ސިފައިންނާއި ފުލުހުންގެ ތެރެއިން ރިޓަޔަޑް ބޭފުޅުން ކަމަށެވެ. ނަމަވެސް ޤަބޫލުރަން ޖެހޭނޭ ހަގީގަތަކީ މިފަދަ ބޭފުޅުންނަކީ ބޮޑެތި ކުންފުނިތައް ހިންގުމުގެ އެއްވެސް ތަޖުރިބާއެއް ކޮލިފިކޭޝަނެއް އޮތް ބޭފުޅުން ނޫންކަން ދަންނަން ޖެހޭނެ ކަން ޔައުޤޫބު ފާހަގަކުރެއްވިއެވެ.
ބައްލަވާ ސިފައިންނާއި ފުލުހުން، މިލިޓަރީ ދާއިރާގެ ބޭފުޅުން، މިއީ މުޅިން ތަފާތު ދެކަމެއް ދެއްތޯ. އެބޭފުޅުންނަކީ އެބޭފުޅުގެ ދާއިރާގައި ވަރަށް ޤާބިލް ތަޖުރިބާކާރު ބޭފުޅުން. އެހެން ނަމަވެސް ކުންފުނިތައް ހިންގުން އެއީ މުޅިން ތަފާތު ކަމެއް. އެކަމެއް އެބޭފުޅުންނަކަށް އެނގިއެއް ނުލައްވާނެ. މިއަދު ގެއްލުމުގައި ހިންގަމުން އެގެންދާ ކުންފުނިތައް ހިންގުން ރަނގަޅު ކުރުމަށް ރިޓަޔަޑް ބޭފުޅުން އައްޔަން ކުރުމުން ނުވާނެ ރަނގަޅެއް. އެ ކުންފުނިތައް ދާނީ ދަށަށް މިހާރުވެސް ފެނެއެއް ނޫންތޯ އެ މަންޒަރު.ދާންދޫ ދާއިރާގެ ކުރީގެ މެމްބަރު ޔައުޤޫބު އަބުދުﷲ
ޔައުޤޫބު ވިދަޅޫވީ ކުންފުނިތައް ރަނގަޅު ކުރުމަށް ކަމަށް ވިދަޅުވެ، ރިޓަޔަޑް ބޭފުޅުން އައްޔަން ކުރައްވައިގެން ކުންފުނިތަށް ހިންގަން އުޅުއްވާތަން ފެނުމުން އޭގެން ދޭހަވަނީ އެކަން ކުރުވަން ވެސް އެ ހުންނަވަނީ ކަމަށް ޤާބިލް ބޭފުޅެއް ނޫންކަން ކަމަށެވެ.
ޔައުޤޫބު ވިދާޅުވީ ރާއްޖޭގެ ކުންފުނިތަކުގެ ހާލަތު އެއްވެސް ވަރަކަށް ރައީސް މުއިއްޒަށް އެނގިނުލައްވާ ކަމަށާއި ކުންފުނިތަކުގެ ޚަރަދު ބޮޑުވެގެން ދަނީ އަދި އެ ކުންފުނިތަކަށް ދިމާވެގެން އުޅެނީ ކީއްކަން ވެސް ރައީސް މުއިއްޒަށް ކުޑަކޮށް ނަމަވެސް އެނގިނުލައްވާނޭ ކަމަށް އޭނާ ވިދަޅުވިއެވެ.
