އީރާނަށް ބޮން އަޅާނެ ކަމުގެ އިންޒާރު ޓްރަމްޕް ދެއްވުމުން ރަޝިޔާއިން އެކަން ކުށްވެރިކޮށްފި
ޓްރަމްޕަށް ފާޑުކިއުމުން ފޭއަށް ޖެހި، ރަޝިއާގެ ރައީސް ވްލަޑިމިއާ ޕޫޓިން ގެންދަވަނީ ޓްރަމްޕު އާއި ގާތްގުޅުމެއް ބޭއްވުމަށް މަސައްކަތް ކުރައްވަމުންނެވެ. އަދި މިއީ ޔޫކްރެއިން އަދި ވިލާތާއި ގާތްގުޅުން އޮންނަ ގައުމުގެ ތަކުގެ ބޮޑު ކަންބޮޑުވުމެކެވެ. މީގެ އިތުރުން ރަޝިއާއިން ވަނީ ގުޅުން ގޯސްވެފައިވާ އީރާނާއި އެމެރިކާގެ މެދުވެރިއަކަށް ވުމަށްވެސް ހުށަހަޅާފައެވެ.
މޮސްކޯގައި ބޭއްވި މަޝްވަރާތަކުގައި ރަޝިޔާގެ ރައީސް ވްލަޑިމިއަރ ޕޫޓިން އާއި އީރާނުގެ ރައީސް މަސްއޫދު ޕެޒެޝްކިއަން
އީރާނަށް ބޮން އަޅާނެ ކަމުގެ އިންޒާރު ޓްރަމްޕް ދެއްވުމުން ރަޝިޔާއިން އެކަން ކުށްވެރި ކޮށްފިއެވެ.
އީރާނުގެ ނިއުކްލިއަރ އިންފްރާސްޓްރަކްޗަރ އާއި ދެކޮޅަށް ދޭ ހަމަލާތަކުގެ ސަބަބުން ނުރައްކާތެރި ނަތީޖާއެއް ނުކުންނާނެ ކަމުގެ އިންޒާރު ރަޝިޔާ އިން ދީފައި މިވަނީ އީރާނުގެ ނިއުކްލިއަރ ޕްރޮގްރާމާ ގުޅޭ ގޮތުން ވޮޝިންގޓަން އާއި އެކު އެއްބަސްވުމަކަށް ނާދެވިއްޖެ ނަމަ އީރާނަށް ބޮން އަޅާނެ ކަމުގެ އިންޒާރު އެމެރިކާގެ ރައީސް ޑޮނަލްޑް ޓްރަމްޕް ދެއްވާފައި ވަނިކޮށެވެ.
ރަޝިއާގެ ޚާރިޖީ ވަޒީރުގެ ނައިބު ސަރްގެއި ރިޔާބްކޯވް ރަޝިއާގެ ޖާނަލް "އިންޓަނޭޝަނަލް އެފެއަރޒް" އަށް ދެއްވި އިންޓަވިއުއެއްގައި ވިދާޅުވީ އިންޒާރުތަކުގެ އަޑު ހަގީގަތުގައި ވެސް އިވެމުންދާ ކަމަށާއި، އަލްޓިމޭޓަމްގެ އަޑުވެސް އިވެމުންދާ ކަމަށެވެ.
ޓްރަމްޕަށް ފާޑުކިއުމުން ފޭއަށް ޖެހި، ރަޝިއާގެ ރައީސް ވްލަޑިމިއަރ ޕޫޓިން ގެންދަވަނީ ޓްރަމްޕު އާއި ގާތްގުޅުމެއް ބޭއްވުމަށް މަސައްކަތް ކުރައްވަމުންނެވެ. އަދި މިއީ ޔޫކްރެއިން އަދި ވިލާތާއި ގާތްގުޅުން އޮންނަ ގައުމުގެ ތަކުގެ ބޮޑު ކަންބޮޑުވުމެކެވެ. މީގެ އިތުރުން ރަޝިއާއިން ވަނީ ގުޅުން ގޯސްވެފައިވާ އީރާނާއި އެމެރިކާގެ މެދުވެރިއަކަށް ވުމަށްވެސް ހުށަހަޅާފައެވެ.
އީރާނުން އެމަރިކާ އާއި އެކު ސީދާ މަޝްވަރާތަކަށް ދެކޮޅު ހެދި ފަހުން ޓްރަމްޕް ފުރަތަމަ ފަހަރަށް ހަފުތާ ބަންދުގައި އެންބީސީ ނިއުސްއަށް ދެއްވި އިންޓަރވިއު އެއްގައި ވިދާޅުވީ އީރާނުގެ ނިއުކްލިއަރ ޕްރޮގްރާމާ މެދު އެއްބަސްވުމަކަށް ނާދެވިއްޖެ ނަމަ ބޮން އަޅައި އިތުރު ޓެރިފްތައް ހުށަހަޅާނެ ކަމަށެވެ.
ޓްރަމްޕްގެ ފުރަތަމަ ދައުރުގައި އީރާނާއި ދުނިޔޭގެ ބާރުތަކާ ދެމެދު 2015 ވަނަ އަހަރު ހެދި އެއްބަސްވުމުން އެމެރިކާ ވަކިވީ ދަތިކުރުމުގެ ފިޔަވަޅުތަކަށް ލުޔެއް ދިނުމުގެ ބަދަލުގައި އީރާނުން ދެބަސްވާ ނިއުކްލިއަރ ހަރަކާތްތަކަށް ހަރުކަށި ލިމިޓްތަކެއް ކަނޑައަޅައިގެންނެވެ. ސުލްހަވެރި ބޭނުމަށް ނިއުކްލިއަރ ހަކަތަ ބޭނުންވާ ކަމަށް އީރާނުން ބުނަމުން އަންނަ އިރު، އެޓޮމިކް ބޮމެއް ހަދަން މަސައްކަތް ކުރާ ކަމަށް އީރާނުން ވަނީ ބުނެފަ އެވެ.
ރިޔާބްކޯވް ވިދާޅުވީ ޓްރަމްޕް ދާދި ފަހުން ދެއްކެވި ވާހަކަފުޅުތަކުގެ ސަބަބުން ހަމައެކަނި އީރާނާ ގުޅޭ ގޮތުން "ހާލަތު ގޯސްވެގެން" ދިޔަ ކަމަށެވެ.
