އީޔޫ އާއި ކެނެޑާއިން އެމެރިކާއަށް "އިގްތިސާދީ ގެއްލުމެއް" ދީފި ނަމަ އެ ދެ ގައުމުން އިތުރު ޓެރިފްތަކެއް ނަގާނެ ކަމުގެ އިންޒާރު ޓްރަމްޕް ދެއްވައިފި
އިމްޕޯޓް ކުރާ އުޅަނދުތަކުން 25 ޕަސެންޓް ޓެރިފް ނަގަން އިއުލާނު ކުރައްވައި، ދުނިޔޭގެ ވިޔަފާރީގެ ހަނގުރާމަ ފުޅާވެ، ގެއްލުން ލިބުނު އެމެރިކާގެ ބައިވެރިންގެ ފާޑުކިޔުންތަކަށް ބަދަލު ހިފާނެ ކަމުގެ އިންޒާރުތައް ދީފަ އެވެ.
އެމެރިކާއަށް އިގްތިސާދީ ގެއްލުން ދިނުމުގެ ގޮތުން މަސައްކަތް ކުރާނަމަ، މިހާރު ރާވާފައިވާ ވަރަށް ވުރެ މާ ބޮޑު ބޮޑު ޓެރިފްތަކެއް ނަގާނެކަމަށް ޓްރަމްޕް ވަނީ އިންޒާރު ދެއްވާފައި
ޔޫރަޕިއަން ޔޫނިއަން (އީޔޫ) އާއި ކެނެޑާއިން އެމެރިކާއަށް "އިގްތިސާދީ ގެއްލުމެއް" ދީފި ނަމަ އެ ދެ ގައުމުން އިތުރު ޓެރިފްތަކެއް ނަގާނެ ކަމުގެ އިންޒާރު އެމެރިކާގެ ރައީސް ޑޮނަލްޑް ޓްރަމްޕް ދެއްވައިފިއެވެ.
އެމެރިކާގެ ރައީސް ޑޮނަލްޑް ޓްރަމްޕް ބުރާސްފަތި ދުވަހު ވިދާޅުވީ ޔޫރަޕިއަން ޔޫނިއަން އާއި ކެނެޑާ ގުޅިގެން "އެމެރިކާއަށް އިގްތިސާދީ ގެއްލުމެއް ދިނުމަށް" މަސައްކަތް ކޮށްފި ނަމަ އެ ދެ ގައުމަށް ބޮޑެތި ޓެރިފްތަކެއް ނެގޭނެ ކަމަށެވެ.
ޔޫރަޕިއަން ޔޫނިއަން އިން އެމެރިކާއަށް އިގްތިސާދީ ގެއްލުމެއް ދިނުމަށް ކެނެޑާއާ އެކު މަސައްކަތް ކޮށްފި ނަމަ، އެ ދެ ގައުމުން ކޮންމެ ގައުމަކަށް ވެސް މިހާތަނަށް ލިބިފައި ހުރި އެންމެ ގާތް ރަހުމަތްތެރިޔާ ހިމާޔަތް ކުރުމުގެ ގޮތުން، މިހާރު ރާވާފައިވާ ވަރަށް ވުރެ މާ ބޮޑު ޓެރިފްތަކެއް އެ ދެ ގައުމުގެ މައްޗަށް އަޅާނެ،އެމެރިކާގެ ރައީސް ޑޮނަލްޑް ޓްރަމްޕް
ބުދަ ދުވަހު ޓްރަމްޕް ވަނީ އިމްޕޯޓް ކުރާ އުޅަނދުތަކުން 25 ޕަސެންޓް ޓެރިފް ނަގަން އިއުލާނު ކުރައްވައި، ދުނިޔޭގެ ވިޔަފާރީގެ ހަނގުރާމަ ފުޅާވެ، ގެއްލުން ލިބުނު އެމެރިކާގެ ބައިވެރިންގެ ފާޑުކިޔުންތަކަށް ބަދަލު ހިފާނެ ކަމުގެ އިންޒާރުތައް ދީފަ އެވެ.
ޔޫރަޕިއަން ކޮމިޝަންގެ ރައީސް އުރުސުލާ ވޮން ޑަ ލެޔެން ވަނީ މިއީ ވިޔަފާރިތަކަށް ގޯސް، ކަސްޓަމަރުންނަށް ގޯސް ފިޔަވަޅެއްގެ ގޮތުގައި ސިފަކުރައްވާފައި ވާއިރު، ކެނެޑާގެ ބޮޑުވަޒީރު މާކް ކާނީ ވަނީ މި ޓެރިފްތަކަކީ ކެނެޑާގެ މަސައްކަތްތެރިންނަށް އަމާޒުކޮށް ދެއްވި ހަމަލާއެއް ކަމަށް ސިފަކުރައްވައި ބަދަލުހިފުމުގެ ފިޔަވަޅުތަކާ މެދު ވިސްނަމުންދާ ކަމަށް ވިދާޅުވެފައެވެ.
ކާރާއި ލައިޓް ޓްރަކްތަކުން އަލަށް ނަގާ ޓެކްސްތަކަށް އަމަލުކުރަން ފަށާނީ އެމެރިކާގެ ވިޔަފާރީގެ ޑެފިސިޓްގެ ބޮޑު ބައެއް ޒިންމާވާ ގައުމުތަކަށް އަމާޒުކޮށް ޓްރަމްޕް ރެސިޕްރޯކަލް ޓެރިފް ތައް އިއުލާނު ކުރައްވަން ނިންމެވިތާ އެއް ދުވަސް ފަހުން އޭޕްރީލް މަހުގެ ތިން ވަނަ ދުވަހު އެވެ. އެއީ މިހާރުވެސް ދަގަނޑާއި އެލުމިނިއަމް އިން ތައާރަފްކޮށްފައިވާ ޑިއުޓީގެ އެންމެ މަތީ ފަންތީގެ އިތުރުން މެކްސިކޯ، ކެނެޑާ އަދި ޗައިނާގެ މުދަލުންނެވެ.
އީޔޫއިން ބުނީ އެމެރިކާގެ ބަރބަން އިން 50 ޕަސެންޓް ޓެރިފް ނަގަން ޖެހޭ ގޮތަށް ކައުންޓާ ފިޔަވަޅުތައް އެޅުމުގެ ފުރަތަމަ ސެޓު އޭޕްރީލް މަހުގެ މެދުތެރެއަށް ފަސްކުރާނެ ކަމަށެވެ. އޭގެ ރައްދުގައި ޓްރަމްޕް ވަނީ އީޔޫއިން މިކަން ކުރިއަށް ގެންގޮސްފިނަމަ އީޔޫގެ ހުރިހާ ރަލާއި އެހެނިހެން މަސްތުވާތަކެތީގެ ބާވަތްތަކުން 200 ޕަސެންޓް ޓެރިފް ނަގާނެ ކަމުގެ އިންޒާރު ދެއްވާފަ އެވެ.
